Sunday, 16 October 2011

(GoVlog-Umum) Lebaran Betawi, Oy!

Woy semuenyeee, ape kabar?  Nyang disane, mane suaranyeeee? Nyang disono, mane juga suaranyeee? *sembari sodorin mic ke pembace*

Ngomong-ngomong, aye pengen nge-share soal LEBARAN BETAWI nih, coy! Seharusnye mah, nih tulisan musti disodorin dari 2 minggu nyang lalu. Cuman maklumin aje ye coy, aye pan sibuk, sono sini suting , jadinye baru sekarang deh sempet majang ni tulisan di blog. Hahaha *suting ape lu pin?* *suting BERANAK DALAM HATIMU kok* #eaaa MySpace

Photobucket
Rumah Adat Betawi

Jadi begini loh, sehari sebelom Lebaran Betawi diadain, aye kagak sengaje ngeliat spanduk segede gaban di terminal, yang berisi inpo tentang Lebaran Betawi. Ebuset dah, lebaran pan udeh dari kapan tau ye, lah ini nape ade lebaran lagi? Lebaran Betawi lagi namanye? Apean tuh? Lebaran persi orang-orang Betawi kah? MySpace


Aye jadi penasaran sama ntu event. Gile dah, kagak pernah aye ngikut begituan, baru denger banget aye, sumpeh! Yaudeh tuh, aye langsung catet  aje alamat tuh event diadain. Pokonye aye janji, keesokan hari aye musti dateng ke ntu acare ! Secare, aye pan ngerasa masih ada darah betawi dari Engkong MySpace

Photobucket
Nyok kite ngarak ondel-ondel, nyoookkk!
Semalem sebelom hari H, aye sempetin dulu nih buke internet, cari inpo soal Lebaran Betawi ini. Aye pengen tau deh, ntu kenape bise ade event begituan ye? Pas udeh nemu satu artikel, katanye sih Lebaran Betawi dibikin sebagey ajang buat ngelestariin nilai-nilai dan kebudayaan Betawi serte buat bersilaturahim antare seluruh komponen Betawi nyang ada di Kota Jakarta. Huwohoho, asik deh! Event ini diselenggarain dari tanggal 1-2 Oktober 2011 di Lapangan Pusat Industri Kecil, Penggilingan, Cakung, Jakarta Timur.

Besoknye, aye berangkat dari Roxy ke Cakung, tempat Lebaran Betawi diadain. Sumpeh dah, aye kagak pernah ke Cakung sebelomnye! Aye kagak tau Cakung dimanenye! Udehlah, modal nekat aje! Hahaha (mane sendirian lagi!). Aye sotoy-sotoy aje tuh, naek busway dari Grogol ke Pulo Gadung, dari sono aye nanye-nanye ke tukang ojek. Trus katanye, aye musti naek Metro Mini nomer 42 kalo kagak saleh, yaudeh aye langsung naek 42 buat lanjutin perjalan ke Cakung MySpace

Di dalem bis, ternyate aye ketemu sekeluarga yang kepengen ke tempat Lebaran Betawi juge! Eh pas ditanye darimane, ternyate mereka dari Grogol, ye kagak jauh lah dari rumah aye! Hohoho. Yaudeh tuh, akhirnye aye barengan sama ntu keluarge.


Sampe di pertigaan deket sebuah mall, kite turun lalu jalan masuk ke dalem lagi, ade kali 1 kilometer. Jauh bener dah pokonye, mane panas banget, untung aye pake topi. Setengah jam kemudian, kite sampe dah di Lapangan Pusat Industri Kecil. Pas udeh di sono, langsung aje tuh aye maenin handphone, biase lah buat buke Twitter sama Facebook, apdet status geto loh! Hohoho MySpace

Photobucket
"Status Selebriti" di lebaran betawi!
Aye celingak celinguk dah tuh di tengah lapangan gede ntu. Rame bener! Ternyate, disono dibagi kedalem beberape kawasan, ade kawasan Jakarta Pusat, Jakarta Barat,Jakarta Selatan, Jakarta Timur, Jakarta Barat, serte Kepulauan Seribu. Isinye, ade banyak bener! Tukang makanan, panggung hiburan, rumah adat, tarian, dan souvenir dari masing-masing kawasan, hingga ada pasar rakyatnye! Ah, cuman sayang bener, aye kelewatan kagak nongton acara seserahan sama silatnye. Huhuhu MySpace


Untuk perdanenye, aye ngunjungin kawasan Jakarta Timur aje, eh ternyate lagi ada suting STATUS SELEBRITI ! hohoho MySpace


Abis ntu, aye ngunjungin kawasan Jakarta Pusat, sebagey anak Jakpus aye kagak boleh dong ye ngelewatin nih kawasan. Ternyate, dari semue kawasan yang ade disono, cuman kawasan mari yang rame bener!

Photobucket
musik tradisional betawi

Keramean pertame, gara-gara ade panggung dangdut geto deh. Uniknye, nyang jadi biduannye ntu cewe gendut, cuman suaranye ajib bener dah coy! Kece abis! Mane ntu biduan nyanyi ALAMAT PALSUnye si Ayu Ting Ting lagi, beuh tambah rame aje ntu kawasan! Hahaha! MySpace

Photobucket
Cakung digoyang~~~


Photobucket
sawean oooy!


Keramean kedue, ternyate gare-gare ade Abang None persi BULE! Ajib gile, keren dah! Satu persatu warge gantian poto-poto same ntu bule. Kocak bener, pada berebutan geto!

Photobucket
menyapa pengunjung

Photobucket
Abang-None versi western. Alhamdulillah yah :D
Aye kenalan aje tuh sama mereka berdua. Si cewe, Julie, dari Aussie. Si cowo, sape dah gitu namanye (susah bener namanye), dari Austria kalo kagak saleh. Pengen minta nomer hanphone ke tuh cowo, cuman gimane ye... aye malu deh MySpace

Abis ntu, aye ngiter-ngiterin aje kawasan Jakpus, sambil ngeliat souvenir gitu. Lucu-lucu bener!

Photobucket
warna warni :D

Keluar dari kawasan Jakpus, aye pun langsung ke kawasan laennye. Pas masuk ke kawasan Jakarta Utara, ternyate disono ade contoh rumah si Pitung. Iseng-iseng, aye masuk aje ke dalem ntu rumah. Eh ternyate, ada keluarge walikote lagi makan siang gitu, bareng warga keturunan. Eh trus masa ade anak cewe tuh, cakep bener, kayak artis sape gitu. Aye pengen moto die suseh bener! Hehehe MySpace

Photobucket
Rumah si pitung di kawasan Jakarta Utara #LebaranBetawi


Photobucket
Makan siang bersama di dalam rumah si Pitung. Ada anak cewe, cakep benerrrr!

Aduh, ngeliat lagi pade makan siang, aye jadi kepengen. Ngiler banget huhuhu. Pengen minta makanan, cuman pegimane ye, aye kan bukan sape-sape mereka. Huhuhu MySpace

Photobucket
sepeda antik ! suka dah!

Yaudeh tuh, aye keluar dari kawasan Jakarta Utara dan segera menuju ke abang-abang KERAK TELOR! Asek dah, salah 1 makanan khas Betawi ini adalah makanan paporit aye geto loh! Langsung aje tuh aye pesen Kerak Telor special pake telor bebek, hanya 13 rebo aje. Kalo pake telor ayam, 12 rebo, cuman enakan telor bebek lah, beda saceng (serebu) doang!

Photobucket
proses pembuatan kerak telor. Nyummyyyy!

Sambil makan, aye ngeliat di depan lagi ade soting Reportase Trans Tipi, lagi ngebahas soal kue rangi. Hihihi, ribet bener ternyate suting begituan doang, ampe tuh reporter ngulang-ngulang take gare-gare kelupaan ngomong MySpace

Photobucket
reporter Trans TV

Gak cuman dari Trans Tipi, reporter dari stasion tipi laennye juga banyak bener! Bahkan, waktu aye ke pasar rakyatnye, aye ngeliat reporter dari Global Tipi, nyang lagi belajar ngebatik. Hihihi, seru! Iseng-iseng, aye liat-liat baju kebaye same kain batik khas Betawinye... Ebujug dah ntu, masing-masing harganye 750 rebu! Kirain gobanan (50 reboan)MySpace

Photobucket
kebaya dan kain batik khas Betawi. masing-masing berharga 750 ribu rupiah! Jiaaaah -_-'

Karna aye kagak bisa diem ye, aye jalan-jalan aje tuh ke pasar rakyatnye. Banyak bener coy nyang jualan, ada makanan, jajanan, baju, souvernir, lengkap dah! Cuman pas lagi enak-enaknye jalan, badan aye tiba-tiba drop. Lemes banget! Akhirnye aye numpang duduk di stand abang-abang es teh. Aduh nape aye drop gini ye? Padahal udeh makan, huhu. Mane sendirian , kalo aye pulang trus pingsan pegimane dong?

Photobucket
atas : geplak dan dodol khas Betawi. bawah : kue rangi, jajanan paporit aye waktu SD!

Photobucket
Jajanan khas betawi!

Photobucket
banyak nyang jual makanan! bikin lapeerrrrrr!
Photobucket
ajib benerrrrr! nyang tengah ntu namanye bir pletok, sayang aye kagak sempet nyobain :D

Photobucket
permainan anak di pasar rakyat

Huh, jam 4 liwat akhirnye aye terpakse pulang. Padahal rencana kepengen sampe malem, soalnye bakal ade pertunjukkan lawak Betawi gitu. Ya Allah, kenape ngasi cobaan kayak gini disaat kagak tepat dah MySpace

Yah, inilah hasil liputan aye pas ke event Lebaran Betawi ntu. Unik ye coy, gimane dengan daerah kalian semue, punye acara kayak gitu juga kagak?

Oiye, tonton juge noh pidio liputannye (bikinan aye nih hehehe) :



(NB : Postingan ini sengaja ditulis dengan memakai bahasa Betawi, biar suasana Betawinya dapet. Hehehe. Semoga ngerti ye sama bahasanya! Gak rumit ini, kan?)







37 comments:

  1. etdaaah kak pin, asoy geboy :p

    ReplyDelete
  2. aseeekk...kren dah postingannya yang biduan gendutnye bikin aye ngakak. aye doain menang govlog ye mpok vin. :D

    ReplyDelete
  3. sumpe dah. sebelon ngebaca tulisan kalo nyang di poto itu biduan, gw kira tadinye itu elu... huahahah... *diguyur bensin* pantesan subur banget.ternyata bukan :D :D

    ReplyDelete
  4. RAsanya kerak telor gimana sih ? maklum,di Bali dikit amat yang jual beginian...ga pernah nyoba pulaa,huhuhuhu....

    ReplyDelete
  5. makanan yang namanya paling absurd dari semuanya menurut gw itu ketupat bebanci... -___-" ... bukan makanan khas taman lawang kan pin? *baru liat ada makanan namanya begitu*

    ReplyDelete
  6. @yulianzone iye gw kira tu penyanyi dandut si Pina hahaha

    nice inpo gan!
    gw naksir sepedanya tuh

    ReplyDelete
  7. manceeeppp dah kak pin. Aye aje yg masih ade dareh betawinye (entah dari mane) kagak tau ade event lebaran betawi kayak gini ye ckck

    ReplyDelete
  8. Waduh, bir pletok, pengen icip-icip deh, enak bener tuh kayaknye!

    Btw, ntu si Joe Richard lagi bacain status gue tuh :p

    ReplyDelete
  9. Kirain aye nih blog isinye 'mesum' semue, secara namenye ada kancut-kancutnye... Ketipu aye :))

    Btw, baru tau aye kalo ada lebaran Betawi.

    Met kenal dah ame nyang punya blog. Salamin ama biduannye ye... Mantep banget tuh bodinye :))

    ReplyDelete
  10. itu kenape makanannye keliatannye enak enak ye mbak pina :9 pingin nyobain apadaye jarak nye jauh benerrr ._.

    ReplyDelete
  11. benar2 anak muda muda yang mebghargai budayanya sendiri. gw aja udah mulai cuek sama akar budaya gw yang turunan sisingamaraja (baca: batak)

    ReplyDelete
  12. Nyari kerak telor di bogor susah bnaget yah,,

    ReplyDelete
  13. sip sip, memang sebagai anak muda kita harus mempertahankan budaya asli daerah kita.

    liat difotonye, ternyata ada bule betawi juge ye.

    betewe, gue orang sunda, tapi bisa ngomong betawi juga. *apa sih

    :D

    ReplyDelete
  14. mpoook! seumur-umur tinggal dimari baru tau ada lebaran betawi. posting ciamik!
    oiya, inpo nih, nyang kesenian tradisional ntu ade keroncong

    ReplyDelete
  15. whoa... rame banget ya? waduh saya yang tiap hari naik bis pulo gadung ga tau ada acara begituan #GaNyambung

    T_T kalo tau mah, abdi pasti dateng.

    eniwei serius itu biduannya? kasian ya band pengiringnya. pasti deg-degan pengen jatuh.

    also, itu sepeda. demi wellington keterlaluan gede ban belakangnya =_=

    well, tahun depan ajak2 ye kak :p

    ReplyDelete
  16. iye duech tes komen disini,biar ghaull....
    keren ya, betawi punuya acara en budaya yang kental. daerah maen mah kaga` ada. ada juga lebih modern kaya disini. jadi diperuntukan buat wisatawan gtu. tpi masie kental budaya balinya. namanya kuta karnival. hampir mirip ama ini,cuman lebih western kesannya.

    ReplyDelete
  17. nice inpo kak Pin! (y)
    wedeehh, rumah pitung mah deket rumah aye tuh kak-__-'
    kagak tau kalo ade acare beginian di Jakarta, padahal org Jakarta asli dan udh lama dtinggal disini._.
    sekali lagi : nice inpo kak Pine! (y) :D

    ReplyDelete
  18. manteeep liputannya.. hahaha


    jd pengen nyobain beberapa makanannya pin.. :P

    ReplyDelete
  19. Kakpina, saya gak tau apa itu govlog, tapi ini postingan emang mantap bener... Apalagi pas biduan itu... Mirip pelatih saya dulu...
    hahahahha...
    Doain moga govlog nya menang...

    ReplyDelete
  20. @justnanda : govlog ntuh lomba nulis blog dari vivanews n xl.

    @vina : sepedanye kren bner..
    eh vin, lu moto ama ngrekamnya pake apaan ya?

    ReplyDelete
  21. @justnanda : govlog ntuh lomba nulis blog dari vivanews n xl.

    @vina : sepedanye kren bner..
    eh vin, lu moto ama ngrekamnya pake apaan ya?

    ReplyDelete
  22. Hahaha! Ngeri bener ntu biduan gendut!

    ReplyDelete
  23. ajib bener dah ade acare macam beginian ye..
    kalau dimari mane ade.
    nice post supin..

    ReplyDelete
  24. waaahhh... Baru tau kalau ada yang namanya Lebaran Betawi.

    mantap juga ya Acaranya. hehe

    Btw. Biduannya semangat 45 banget ya... hohoho

    ReplyDelete
  25. ada ye lebaran betawi? u,u baru tau aye mpook..

    ReplyDelete
  26. gokil dah,
    seu mama pina, ering-sering posting tentang jalan-jalan yeh .

    ReplyDelete
  27. wiideeiihh ... rame bener acaranya, serame tulisan ini, lengkap benar infonye. Salut :)

    Salam kenal yak.. ane doain dari sini, moga-moga soulmate kancutnya cepet ketemu .he.he.he.

    mampir juga ke blog kita, nulis2 apa gitu, buat kenang-kenangan.. sekalian jadi teman juga di blog.

    Wassalam mpok, ane pamit yak.

    ReplyDelete
  28. Asoooy dah mpok supineh
    Makin kece aje ye.
    Noh kerak telornye bikin aye ngiler aje :9
    Oiye sukses ye empunye kancut :D
    Aye ngepens bgt sm empok+blog empok
    LoPhE yOu pHull dAh :*-_-

    ReplyDelete
  29. "nyang mentah ade..nyang mateng juge ade.."

    wkakaka

    keren ka vinaaa T_T secara gitu aye orang betawi jg.. gak tau ada acara begituan sih huhu

    ReplyDelete
  30. aseeekkk yeee kayaknyeee gilagilaan sendiriann, gatakut dibilang anak ilang mpokkkk?? :D
    nice posting, sis!!

    ReplyDelete
  31. saya kira yang lagi nyayi itu ka pinia wkwkwkw ternyata bukan hehe piss.

    btw Lebaran betawi seru juga. kalo ada lagi kabar2in lah kapin sekalian kopdara ama anak kancut beringas hehe

    ReplyDelete
  32. akhirnya nongol juga goVlog nya si Pina.. #eh
    Selamat yahh *apaan?
    ane doain dapat deh tu hadiah :D

    ReplyDelete
  33. gue juga pemgen dateng waktu itu, tapi kejauhan ga tau jalan sama ngajak temen juga ga ada yang mau. huhu

    ReplyDelete
  34. Nilai plus buat videonya kakak :D
    cerewet bener ya situ hahah :D

    ReplyDelete
  35. aye jd gmaneeee gtu bace postingannye hyeehehehehe....pake 'e' smue hehehhe...
    wah,,,rame bet ituuhhh,,,lom prnah ngerasain lbaran betawi,,,taunye jg lbaran ktupet #eh

    ReplyDelete
  36. #DukungSiMpokIniJadiAbNonJakarte2014 #eaaa

    ReplyDelete

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*