Tuesday, 23 September 2014

Mari Membedah Misteri Menara Saidah !

Mari membedah misteri MENARA SAIDAH!
Source

Sabtu, 20 September 2014 lalu, gue beserta dua anak manusia [yang sedang dimabuk asmara] mendadak ingin menelusuri dan membedah misteri Menara Saidah. Mungkin sebagian temen-temen di mari kagak tau apean onoh si Menara Saidah. Buat yang belom tau, bisa Googling aje sih tentang tuh menara yang udeh sekitar 5 taonan kosong.

Gedung yang terletak di Jalan Gatot Subroto ini setiap kali dilewati, pasti bikin berdecak kagum. Gedungnye ala-ala Romawi gitu deh. Banyak patung-patung juge di depannye. Patung singa, patung prajurit, ame apean lagi gitu. Gedungnye bagus banget, tapi sayang aje karena manajemennye jelek, jadi ditinggal ame para penyewa.

Sebenernye kemaren ntu kite kepengen banget masuk cuman kagak dibolehin ame security, huhu, jadi cuman dapet gambar ini doang -_-

Taken by @regiesta

Pak Rusman, salah satu tukang ojek yang biasa mangkal di depan Menara Saidah, sekaligus mantan security di gedung tersebut, kemaren bercerite nih ame gue, kalo nih gedung dulunye ngehits banget. Secara ye khaaan, letaknye super strategis. Orang-orang se-Jabodetabek ame dari luar kota manepun pasti liwat mari, via jalan raya maupun kereta (depannye ade Stasiun Cawang). Studio ANTEVE konon pernah ade di gedung onoh.

Terus, sejelek ape sih manajemen ntu gedung sampe ditinggal ame para penyewa dan akhirnye dikosongin?

“Beuh, jelek banget. Masa ade salah 1 penyewa, komplen AC-nye mati tiga hari kagak dibetulin. Dicuekin aje noh sampe 3 bulan. Belom lagi di toiletnye sering kagak ada aer! Payah! Ngabur dah tuh!”

EBUSEEEETTTT!



Alat perkantoran di Menara Saidah masih bagus-bagus, nape kagak diloakin ye?
Source

Btw, konon ye di Menara Saidah ntu hantu yang paling ngehits tuh si cewe berbaju merah. Sebenernye sapose sih tuh cewe?

“Jadi dulu ade cewe lagi nunggu pacarnye di rel Cawang sini. Eh diye malah keserempet kereta. Mati deh. Pas banget diye lagi pake baju merah. Nah mangkenye noh sepanjang rel mari dipagerin. Kisah ini sebenernye udeh lama banget sih sebelom gedung Menara Saidah dibangun. Tapi emang kejadiannye pas banget di samping nih gedung” kate Pak Rusman sambil nunjuk rel kereta sebelah Menara Saidah.

Hantu Menara Saidah cuman si cewe berbaju merah aje, nih?
“Banyak sih. Cuman yang sering muncul emang tuh cewe. Ade juge noh genderuwo di pohon randu samping gedung”

Lalu samar-samar ngedenger suara emak gue:
“Mamah tuh ye, kalo liwat tuh gedung, perasaan kayak diliatin ame raksasa macem genderuwo”

Dan gue ngeliat ke atas gedung Menara Saidah....

....
.........
................
......................
.................
...........
.......
..
..
..
..
..
..
..
..
..
..
..
..

Nothing. Cuman ngedenger suara kelelawar aje.

“Gedung ini lagi direnovasi, Neng. Mangkenye kalian kagak dibolehin masuk. Lagian security-nye udeh beda, kagak kayak yang dulu. Kalo dulu mah, kalian mau masuk dibolehin, bebas. Sekarang, kagak boleh, soalnye takut kalian kenape-nape kan ngeliat yang aneh-aneh, terus jatoh atau lompat dari atas, berabe, semua bakal kena batunye... Oh iye, liat deh, di tengah lobby sono udeh kagak ade patung prajuritnye kan? Udeh dipindahin tuh karena banyak orang liwat yang tiap ngeliat tuh patung pade ketakutan karena kepalanye pade nengok ke kanan ke kiri sendiri, huahahaha!”

Fyi, patung ini yang kepalanye suka gerak-gerak sendiri, mungkin diye lelah dan pengen sedikit stretching -_-
Source

GLEK.

Kira-kira Pak Rusman udeh diapain aje ye ame setan-setan Menara Saidah? Secara katenye udeh 8 taonan kerja di sono dari sejak pertama beroperasi.

“Ya saya sih palingan pas lagi bobo di depan lobby, tiba-tiba si merah ngelus-ngelus muka saya. Atau gak tiba-tiba jongkok di belakang saya. Saya sih kagak takut ye. Pernah tuh ade satpam yang lagi jaga malem di pos belakang, pas lagi nengok belakang tiba-tiba si merah nongol dengan mata berwarna putih semua. Langsung sakit demam tuh satpam tiga hari hahaha!”

Bener kagak sih kalo Menara Saidah bekas kuburan dan emang serem sejak masih beroperasi?

“Bener, bekas kuburan nih dulu. Sejak beroperasi emang udeh banyak kejadian serem. Dulu tuh temen saya malem-malem ngeliat cewe bawa anak empat biji terus masuk ke pantry. Pas doi ke pantry, eh malah kagak ade sape-sape. Yang paling serem sih liftnye, sering dimainin ame penghuni gedung. Suka jalan sendiri, dinaikin, terus ke bawahin, padahal kagak ade orang yang mencet lift. Entah eror ape pegimane, kalo diterawang lagi sih emang ade jin yang demen maenin tuh lift”

Salah 1 spot terhoror di Menara Saidah, pernah dijadiin tempat uji nyali Masih Dunia Lain
Source

Kalo isu seputar kemiringan gedung?
“Bener, tapi cuman 3 senti doang hahaha! Jangan percaye ame yang di internet, dilebih-lebihin itu mah!”

Lho, kok tau?
“Ya saya kan pernah kerja di rumah pemiliknye juge, Neng. Ya almarhum (pemilik utama dulu) suka cerite ame saya. Kalo sekarang sih, nih gedong punye artis hijaber itu lho... yang di iklan W*rd*h. Beuh, aslinye mah kinclong bener. Giginye rapih, saya berasa ketemu bidadari kalo ketemu tuh orang. Hahahaha!”

Kenape sekarang jadi ngojek? Kok kagak kerja di rumah tuh artis lagi?
“Keluarganye itu lho, saya rada kagak suka. Kalo ngomong ngelekit ati mulu. Lagian enakan ngojek, bebas. Pendapatan juge sehari lumayan bisa kasi ke bini 150 ribu. Terus jadi bisa bareng-bareng keluarga terus”

Malem Minggu ntu... oh sungguh agak menegangkan karena ngedenger cerite Pak Rusman di depan Menara Saidah. Ya meski rada kecewa ye karena kagak dibolehin masuk ke dalem. Padahal gue kepengen masuk di lobby-nye aje, moto dikit aje buat kenang-kenangan. Kalo buat uji nyali sampe ke atas-atas gedung sih, ogah, takut kenape-nape, secara gue belom kawin -__- #plak

Btw maksud dari gue menulis ini just for your info aje, kalo di Jakarta ade gedung sekece Menara Saidah namun nyeremin. Percaye silakan, kagak juge silakan. Anggap aje sebagai pengetahuan. Buat yang kepengen nongton dokumenternye bisa liat di bawah ini. Plus, ade pidio uji nyali dari Masih Dunia Lain Trans 7:








50 comments:

  1. ternyata apa yang gue pikirkan kalo pas lewat situ bener ya, nyeremin :|

    ReplyDelete
    Replies
    1. EMBERRRRR, secara udeh kosong bertaon taon

      Delete
    2. This comment has been removed by a blog administrator.

      Delete
  2. pinaaa.. kalo ada acara jalan bginian ajakin dong.. biar ga bete di kosan hehew :3

    ReplyDelete
    Replies
    1. wah iya sis nanti yah ditwitin di @irvinalioni, ini juga dadakan :p

      Delete
  3. emang kenape kk pin kalo blom kawin ga mau masuk sono, kali aja ketemu jodoh disitu, mahluk astral tapi #kabor

    ReplyDelete
  4. dikira gue emang ditinggalin gara-gara miring, kak... jadi gara-gara manajemennya jelek ye? wah kacau juga. Btw itu perabotan kantor kagak ada yg berani ngambil kali ya hahaha

    ReplyDelete
    Replies
    1. haha tau nih, sayang banget yak, bisa kali tuh dihibahin ke kita :p

      Delete
  5. ini semacem lagi wisata rohani, kah? serem juga ye, tapi pengen sih uji nyali disonoh.. Btw tempat ini udah di pelemin belom sih? hehe secara ye kan, kalo ada yg serem2 suka langsung dibuat film.

    ReplyDelete
  6. Serem banget si Kak Pina bikin postingan. Sekalinya bikin postinga, nakut-nakutin orang :V

    azizkerenbanget.blogspot.com

    ReplyDelete
  7. Bhahahak, belom kawinnya diumbar XD lekas meniqa, Mpok. Lekas undang aku wkwk

    ReplyDelete
    Replies
    1. ngapain ngundang kamoh, kamoh kan sudah joms kembali :))

      Delete
  8. ke tempat lain dong Pin,itu katanya di bawah kota Jakarta ini ada saluran gitu ya,, yang pintunya di dekat istiqlal (udah baca The Jacatra secret?)

    ReplyDelete
    Replies
    1. kalo yang terowongan itu sih, udah ditutup dan ga bisa dikunjungi, btw itu terowongannya ada di sekolah SMA gue juga cuma udah disemen, dan tuh terowongan nembusnya ke pasar baru, istiklal, dan kl ga salah istana negara juga. someday gue ceritain di blog yaakkk

      Delete
  9. Kak Pinaa kece deh postingannya. Aku bacanya jadi ikutan merinding :D masih penasaran nih, sama si artis pemilik baru itu Menara Saidah mo diapain ya?
    Aku di Surabaya jelajahin Rumah Darmo aja belum keturutan :D

    ReplyDelete
    Replies
    1. wah apaan tuh? kayanya boljug kalo gue ke sby kita kesana ^^

      Delete
  10. kenapa nama gedungnya menara saidah kapin?

    ReplyDelete
    Replies
    1. yang punya Saidah Abu Bakar Ibrahim, more info http://id.wikipedia.org/wiki/Menara_Saidah

      Delete
  11. Waktu itu pernah diri sendirian di depan nih gedung malem2 pas malem jumat lagi nunggu orang. Eh kebetulan akun @poconggg lagi cermis gedung ini juga. Gue langsung liat ke arah gedung emang horor abess.. langsung kabur. Nunggu orangnya dipindahin ke deket loket stasiun cawang 😂😂#AkuLemah #TapiGakLemahSyahwat

    ReplyDelete
    Replies
    1. beneran nih gak lemah syahwat? no pic hoax

      Delete
  12. mpok pina, udh lama gak nongol, tau2 posting ginian. etapi kok gue leih fokus ke ntuh kursi2 yak.. pas banget gue lagi kepengen beli soalnya. gue minta satu boleh kagak yak.. hahahhaa

    ReplyDelete
    Replies
    1. wakakakak coba aje ambil kalo berani :))

      Delete
  13. Kalo baca sih ga terlalu serem ye kak pin, kalo ngalamin sendir ya berabe, bayangin coba kalo kak pin yang di elus" mukanye sama hantu cewe baju merah, mungkin bakal tambah cantik haha

    ReplyDelete
    Replies
    1. gue mah bakal tambah cantik kalo dielus cowo cakep hahaha

      Delete
  14. piuhhh~ untung ga ada yang bikin parno pictnya heuheu .iyaya, angker bener. gedung seluas itu kosong 5 tahun-_-

    ReplyDelete
  15. Hmm ._.
    ketjeh mpok, ditunggu cerita horror selajutnya yaa ahahaha

    ReplyDelete
  16. menara atau gedung sih itu kaka -..-?
    bagus arsiteknya, cuman emang jadi serem kalau malam2...

    sayang di Banjarmasin gak ada yg kayak gitu

    ReplyDelete
    Replies
    1. di jakarta sih banyak gedung yang disebutnye menara

      Delete
  17. hih sereeem ._.

    would u like to follow each other ?

    http://choccopost.blogspot.com/

    ReplyDelete
  18. 3 senti aje udah keliatan miring yee, gimana miring 10 senti. #ambruk

    ReplyDelete
    Replies
    1. sebenernye kaga keliatan miring malah

      Delete
  19. kemarin minggu 28 september ane juga nyamperin itu menara saidah,
    tapi satpamnya gak asyik man. ngomongnya sok bgt kaya reserse lagi penyidikan.
    bikin kesel aja!

    ReplyDelete
  20. katanya sih pemkot jakarta udah ngasih ultimatum sama yang punya, biar sesegera mungkin diisi, secara lahan di jakarta minim XD

    ReplyDelete
  21. sekarang saya jadi lebih tau berkat membaca tulisan irvina :)

    ReplyDelete
  22. SupKeeeeeeeeeeeeerrrrrrrr ,, super kereeeeeeeeeennn .. kmren liwat sonoh bareng my bebeb , abis dri kali bata ,, gedung'y kereeeeeeeeen bnget dah akkhhh ...

    kalo menurut gue siih baik'y tuh gedung dijadiin lapangan futsal 28 lantai , pasti rame dakhhh ....

    ReplyDelete

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*