Sunday, 1 March 2015

Cinta = Yakin + Modal Nekat !



Kate orang-orang sih... Cinta ntu butuh keyakinan. Dan bermodal keyakinan ntulah, gue nekat menguntit seseorang yang nun jauh di sono...

Zaman dulu kala, secara kagak sengaje gue nemu sebuah resi pengiriman barang ke rumah seseorang yang gue cinte banget. Gue bace resinye sambil mengira-ngira di mane letak rumahnye. Halaaah, masih sekitaran Jabodetabek mah, gampil lah. Kagak usah takut nyasar!!! Akhirnye jam 5 sore, gue langsung ke stasiun deket rumah untuk mengetahui letak persis rumah doi. Modal nekat dan GPS aje! Nah lhoo, gara-gara resi langsung dadakan pergi gitu!!! Huahahahaha 

Sekitar 45 menit, gue udeh sampe di salah satu kota, tempat doi tinggal. Langit udeh gelap, sekitar stasiun minim penerangan. Tapi gue tetep nerusin perjalanan dengan berjalan kaki. Padahal di peta kelihatannye tuh jauh banget. Namun entah kenape, secare nekat gue jalan kaki menyusuri jalan besar, jalan kecil, hutan, perkampungan, hingga sesekali mendengar suara ngikik tante kunti. Bodo amat ah!

Boong banget sih kalo gue kagak takut. Sebenernye rada takut, secare jalannye tuh gelap banget. Buka hengpon juge kudu ati-ati karena takut tiba-tiba ade penjahat nongol dan ngambil si hengpon, macem begal-begal yang lagi hits gitu. Terus keinget pesen si emak, kalo jalan tuh jangan sendirian dan gelap-gelapan, nanti dirampok dan diperkosa. Omaygaaatttt, jangan sampe terjadi! Kreditan hengpon belom lunas, keperawanan kudu dijaga demi si kakang ganteng. Hikss. Tapi gue mencoba menebarkan aura positif dan masih yakin kalo GUE BISA dan BERANI! 

Setelah menyusuri gang-gang kagak jelas, akhirnye gue nemu jalanan yang lumayan gede dan beberape angkot yang liwat. Mau naek angkot tapi di GPS kelihatan kalo rumah yang gue tuju dikit lagi bakal ditemuin. Oke deh, gue tetep semangat menyusurin jalan raya, belok kiri, liat kanan kiri dan... HAP! Akhirnye gue nemu rumahnye!!!! Huahahaha. Tapi, kok sepi siiiihh??! *lalu muncul Cesar YKS jejogetan*

Gue celingukan, kok orangnye kagak nongol-nongol yak. Tapi di dalem hati gue berujar, "Pokonye kalo gue ketemu diye malem ini, sengaja atau kagak sengaja, berarti diye jodoh gue!!!"

Dan kagak lama...

Gue berpapasan ame si doi....

KYAAAAA, APAKAH INI NAMANYE JODOH?

Untungnye, si doi kagak ngeh gue berpapasan ame doi. Gue senyum-senyum sendiri. Lalu tampak beberape kunti dari pohon pisang suit-suitin gue. Boong, deh.

Seriusan deh, mungkin kedengerannye klasik, tapi cuman bisa berpapasan ame orang yang disayang ntu, rasanye kagak ternilai. Senengnye udeh bukan maen. Gimane kalo dipegang tangannye, dipeluk, atau dicium gitu ye ame doi? Hihihihi.

Pernah kagak sih kalian punye kejadian kayak gini? Share dong ceritanye :p



6 comments:

  1. cerita cintanya mpok pina ini kok ya selalu absurd :)))

    ReplyDelete
  2. Mpok, bangun mpok!

    Gue ga pernah ngalamin yang ampe diketawain kunt* sih. Tapi emang bener, sekedar papasan aja udah berbunga-bunga. Apalagi kalo sampe dia nyapa, bisa langsung mimisan.

    ReplyDelete
  3. kalo eike c gtw bisa disebut lebay ato gak,,,pernah dari Bandung ke Bogor naik motor sendiri terus pas pulang ke Bandung lg bukannya lgsg pulang ke rumah malah ke rumah doi *ga ada capeknya* :)))) ato pas pulang mudik dari jogja (perjalanan sekitar 27jam) lgsg ke rumah doi *ga ada capeknya* modusnya bwain oleh2 ahahhahhahahha :))

    Ca Ya

    ReplyDelete
  4. Hampir sama kayak cerita cinta Umbu Landu Paranggi. Keren!

    http://haririthohir.blogspot.com/2015/02/cinta-perempuan.html

    ReplyDelete
  5. Ini beneran? gokil lah ya.. :D

    ReplyDelete

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*