Wednesday, 3 June 2015

MACEM-MACEM UCAPAN "SELAMAT NIKAH" DENGAN CARA ANTI MAINSTREAM







Nikah ooooh nikah...

Salah satu hal yang selalu menghantui gue yang makin berumur ini...

Tapi meskipun udeh berkepala 2, jiwa gue masih 15 taon, kok #iyeinajebiarcepet

Dan salah satu yang sebenernye gue malesin adalah PERGI KE RESEPSI NIKAHAN TEMEN. Bikin males karena pasti ditanyain: "KAPAN NYUSUL?"

NYUSUL KEMANE? KE AKHERAT? LO DULUAN AJE SONOH!

Terus ye. tiap ke kondangan, temen gue tuh suka ngomongnye begini, "Met nikah sob, moga samawa, moga langgeng ampe nenek kakek, cepet punye momongan, blablabla..."

HALAH BASI! Mending pake cara ngomong gue aje nih!

1. Selamat Merasakan Hilangnye Kebebasan!

Kagak semua pasangan yang udeh nikah bisa tetep bebas. Ade istri yang kudu manut diem di rumah. Ade suami yang kagak dibolehin nongkrong ame temen-temen cewenye. Pokonye banyak deh, hal-hal yang bakal kagak dibolehin ame pasangan, pokonye kudu manut, kalo kagak ya rumah tangganye bakal BYE.

Tapi kalo kalian ngerasain biasa-biasa aje sih, ya bersyukurlah!

2. Selamat Ditanye: "Kapan Punye Momongan?"

 Banyak banget temen-temen gue yang udeh bertaon-taon nikah tapi belom juge dikasi momongan. Sampe pade nangis-nangis karena udeh disindirin ame Mamah Mertua yang mulutnye ampun-ampunan.

Tapi bersyukurlah kalo ade pasangan yang cepet banget punye momongan. SUBUR BROSIS! Bagi tipsnye dong :))

3. Selamat Menempuh Kewajiban Yang Susahnye Melebihi Skripsi!

 Udeh nikah, berarti kewajiban dalem hidup pun bertambah. Kewajiban buat melayani pasangan secara lahir batin. Kewajiban untuk merawat anak. Pokonye yang apalah apalah ono ini kucrut lah, kalo kate Mamah Iis Dahlia.

Sabar yeeee.... Namanye juge hidup!

4. Selamat Mempelajari Kamasutra!

Kalo kalian ngucapin poin ini ke temen yang baru nikah, silakan aje. Anti mainstream banget lho, dan lagian juge kagak banyak pasangan yang bakal mempelajari kamasutra. Padahal penting banget demi hubungan mereka. Gue aje yang belom nikah, udeh ngerti, masa yang udeh nikah kalah jago sih dari gue? #iniapah

5. Selamat Menikmati Goyangan Yahud! Jangan Lupa Pidionye, Yeeee!

Ini poin yang gue suka, tiap ade yang nikahan gue ucapin ini ajelah sampe mereka ngakak. Tapi sayangnye, kagak ade satu pun yang ngasi pidionye ke gue. Padahal kan penting banget buat belajar cara malem pertama dengan baik dan benar bareng doi nanti #nomention #eaaa

 Terus kapan gue nyusul? Hanya Tuhan yang tau~~~~

No comments:

Post a Comment

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*