Thursday, 31 March 2016

Saat Gue Kudu Dadakan Kawin

menikah


Saat gue membuka mata, di samping kasur udeh ada nyokap lengkap dengan baju penganten. Gue langsung diseret ke kamar mandi, dibasahi, disabuni, disikat-gigiin, dihanduki, lalu lekas dikenakan baju penganten tersebut. Gue didandani. Gue hanya bisa diem, bingung, sebenernye ada apaan sih?

Gue lalu keluar rumah dan... wow... di depan rumah udeh ada tenda gede dan pelataran penganten. Gue disuruh duduk di situ. Disuruh menerima tamu dengan sopan. Dan gue hanya bisa diem, sesekali senyum ke tamu. Jadi ceritanye gue kawin, nih? Suami gue sape? Ini kenape gue kudu duduk di pelataran? Kok kagak ijab kabul dulu, sih? Ih, aneh banget!

Beberape jam kemudian, gue disuruh ke mushola di belakang rumah. Ternyate gue kudu ijab kabul. Gue nanye ame si nyokap, "Mah, sape sih yang jadi suami ane?"

"Ada deh, pokonye, diye adalah cowo terbaek buat kamu!" Jawab nyokap. Ah masa? Awas aje kalo masteng -___-

Lalu, terlihatlah sebuah penampakan calon suami gue. Mukanye samar-samar, yang jelas kulitnye item, badannye tinggi, diye nunduk pas gue ada di depannye. Gue kecewa, kenape sih gue kudu dikawinin ame tuh cowo? Diye sape pulak? Kenal atau dikenalin sebelomnye juge kagak!

Seketika ntu juge, gue kabur. Gue kagak sudi punye suami yang kagak setipe. Gue lari ke hutan, lalu belok ke pantai, dan nemu Rangga yang lagi cipokan ame si Cinta. MIMPI MACEM APE SIH NIH? AELAHHHH!!!

Yak, ini cuman mimpi. Mimpi gue kemaren malem. Gue kagak ngerti sih kenape mimpi gue kagak jelas gini, Mungkin gegara sebelomnye, sepulang gue kerja, si nyokap ujug-ujug nanye, "Kapan kawin? Jangan jalan-jalan mulu! Kawin buruan!!!"

Tadi siang, gue menceritakan mimpi ini ke salah satu temen kantor, Prasti. Lalu diye mesem-mesem, dan ngomong, "Lo tau kagak, mimpi lo ntu kejadian di temen gue!"

Gue kaget. 

"SERIUS LOOO? ANJEEEERRRR!"

Prasti lalu cerite, ada salah satu temennye yang tiba-tiba kudu kawin. Pas pulang kerja, di rumahnye udeh ada tenda dan banyak orang. Pas masuk, diye diseret bokap-nyokapnye dan disuruh ijab kabul. Cowonye adalah seseorang yang baru ditemui dua kali, saat ntu dan minggu lalu, saat bonyoknye ngenalin. Anjerrrr... KEBAYANG KAGAK SIH LO KUDU KAWIN AME ORANG YANG KAGAK LO SUKA, BARU KENAL JUGEEE AELAAAHHH!

Yang lebih ngenes, setelah memiliki anak satu, tuh suami kampret banget gegara selalu melakukan kekerasan dalem rumah tangga. Ngehek abis. 

Akhirnye mereka pisah. Si istri tercinta kini menjadi single parent dan kapok nikah lagi.

Gue kagak bisa ngebayangin sih. Kalo ntu kejadian ame gue, pegimane ye?



22 comments:

  1. Adeh.. gue kira beneran nikah :(
    sedihlah kalo beneran... soalnya diundang lagi, kapin nikah wkwk

    pertanyaannya: udah siap nikah blom kapin ? :D

    ReplyDelete
    Replies
    1. hahahahhaa hanya tuhan yang tahu siap apa ngga

      Delete
  2. salam kenal mbak. saya mau gabung di kancut kbelenger. tapi kok g bsa ya.. di fb gk ada tulisan gabungnya..

    ReplyDelete
  3. ya allah cuma mimpi hehehe aku sangka beneran

    ReplyDelete
  4. beberapa kali tuh gue mimpi beginih! Selalu deh ujung-ujungnya lari dan penganten cowoknya jarang banget keliatan jelas mukanya *lah curcol*

    ReplyDelete
  5. Aku pernah ngimpin nikah sama cowok yang aku suka. Beberapa bulan kemudia dia ngasih undangan nikah sama calonnya. Huaaa

    ReplyDelete
    Replies
    1. duh jangan sampe kejadian sama gue wkwk

      Delete
  6. Ya Allah!! Mimpi macem apaan tuh.. horror amat.

    Tapi kenapa ada cinta dan rangga pula.. ckckk anggap aja bunga tidur lah..

    ReplyDelete
  7. ngeri mimpinya kaaak. untung cma mmpi dan g kjadian bnran :D

    ReplyDelete
  8. lah kita mah tinggal nunggu undangannya aja ye mpok wkwkkw

    ReplyDelete
  9. serem. Yang udah lama kenal aja bisa pisah apalagi yang baru kenal beberapa kali, huvt

    ReplyDelete
  10. Wehhh. Tampilan blognya yang ini bagus mpok hehehehe.

    Mampir juga ditempat ane yee.
    http://www.andikayudistira.com

    ReplyDelete
  11. Lagian nikah buru2 amat. Sesat tuh orang tuanya

    ReplyDelete
  12. ngeri juga mendadak kawin,,,

    ReplyDelete
  13. kalau di mimpi ente ketemu sama rangga... gw mau non jadi si rangga di dunia nyata mu..

    ReplyDelete

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*