Tanya Jawab Soal Rumah Tangga

Karena menjadi pasangan sah ntu kagak kudu KAKU! (Sumber)

Jadi begini, gue menulis artikel soal tanya jawab ini hanya ingin sekadar tau, di benak-benak orang laen yang belom nikah tuh, soal kehidupan rumah tangga, kayak pegimane aje gitu.

Kepo juge kan lu pade? Nyohhh nyoooh, bace aje sampe abis!

1. Kenape kalo udeh nikah, orang jadi lebih gendut? - Debrina Intani

Soal ini sih, sebenernye udeh banyak alasan logisnye, misal baca di artikel ini (klik).

Kalo kate orangtua sih, ada faktor kecocokan 'susu' dan masakan seorang istri. Katanye sih seorang suami bisa gemuk kalo suka 'nyusu' dan demen ame masakan istrinye sendiri. Sedangkan seorang istri bisa tambah gemuk kalo emang dibahagiain terus ame lakinye.

Gendut bisa berarti : BAHAGIA atau TANDA STRESS, loh. Coba cek, mereka yang gendutan pas berumahtangga, beneran bahagia atau malah kagak bahagia???

Walau begitu, kagak semua orang bisa langsung gendut setelah nikah. Kalo udeh gennye dari keluarga kurus, bakal tetep kurus juge, malah kalopun kepengen gemuk, susah bok.

Kayak suami gue tuh, walau setelah nikah doi mengaku naik 1 kg (jarang-jarang doi BBnye naek!). Patut disyukuri, lah, yang penting. Soalnye laki gue dari dulu kurus bener, makanye sering gue ajak wisata kuliner wkwk.

Kebetulan laki gue ntu berasal dari gen keluarga kurus, jadi gue kudu ekstra kalo mau gemukin doi. Banyak juge kok temen gue yang masih kurus walau udeh nikah lama. Tapi rata-rata emang kagak sekurus waktu masih sekolah.

2. Ape aje perbedaan yang dirasakan sebelum dan setelah nikah? - Nurul Prayoga

Secara umum, mungkin semua pasangan bakal dapetin hal-hal yang baru diketahui setelah nikah. Misal, baru tau istrinye demen ngupil sebelom tidur, baru tau suami suka ngorok, dll. Pastilah pandangan kite ke pasangan akan ada yang berubah, walau kagak drastis, misal kagak nyangka aje istri lu demen ngupil sebelom tidur.

Kalo gue pribadi sih, kagak merasakan perbedaan yang jomplang banget. Karena sedari pacaran, gue mencoba untuk mengulik sampe ke dasar-dasarnye laki gue ntu.

Makanye, penting banget nih, sebelom nikah, coba cek diri lo sendiri, ape lo udeh bener-bener kenal banget ame calon pasangan lo ntu?

3. Menurut akun-akun sobat hijrah, setelah menikah rezeki akan berkali-kali lipat, emang bener? - Bima Cahya

Kadang ada benernye juge, tapi cuman berlaku jika pasangan tersebut (atau si imamnye) bekerja keras dalam meraih rejeki. Kalo si imamnye pengangguran, kagak mau kerja, yaa gimane rezekinye bakal ditambah ame Tuhan.

KERJA KERAS BROSIS!!!

Contoh, bokap gue dulu pas nikah cuman punye rumah kecil, kamarnye cuman sebiji. Tapi seiring waktu dan seiring usaha-doa yang dilakuin bokap, lama kelamaan bisa kok doi tau-tau sekarang udeh ada 7 biji rumahnye.

Sedangkan om gue yang sepantaran ame bokap, yang pengangguran dan malesnye setengah mampus, yaaa sampe sekarang belom punye tuh yang namanye rumah pribadi, bahkan motor bebek aje kagak punye.

4. Setelah nikah, ape lagi kalo udeh bertahun-tahun, ape kagak bosen gitu ame pasangan? - Bulan Adriyani

Yang namanye bosen ntu manusiawi sih. Tapi penting untuk diinget, jangan sampe kite terbuai dengan rasa bosen tersebut. Dengan alesan bosen, tau-tau seenak jidat selingkuh dan poligami.

Untuk mengatasi bosen, kalian kudu melakukan hal ini:

• Sebelom nikah, usahain calonnye tuh sepemikiran, kagak punye banyak perbedaan ame lo, dan punye satu hobi yang sama. Jadi, bakal jarang ngerasa bosen ame pasangan, kan pas ngobrol nyambung terus.
• Usahakan minimal seminggu sekali punye couple time, kemane kek berdua. Ena-ena di hotel, nonton bioskop, jalan-jalan ke Monas, dll. Jangan cuman ngendon di rumah.
• Me time juge perlu banget, sape tau abis me time terus jadi rileks lagi, terus jadi kangen lagi ame doi. Usahakan melakukan me time dengan perawatan diri, misal facial di klinik. Jadi pasangan kagak bosen liat kite, karena muka kite selalu kinclong.
• Kudu sama-sama bersosialisasi juge dengan temen masing-masing. Jangan sesekali larang pasangan lo untuk bergaul di luar. Bosen kali di rumah liat lu lagi lu lagi.

5. Masalah utama yang dihadapi pasutri setelah nikah ape aje sih? - Ahmad Faiz

Gue pribadi kagak merasa punye masalah yang gimane-gimane, sih.

Mungkin kalo pasangan laen, ada yang merasa sangat bermasalah saat baru nikah, misal belom ada rumah sendiri, belom punye mobil sendiri, belom ada momongan, dll.

Soal masalah sih, dikembalikan ke masing-masing pasangan. Kagak cuman soal materi, mungkin yang non materi juge ada. Misal, pas udeh nikah, si pasutri ternyate sama-sama temperamental sehingga sering berantem, padahal yang diberantemin sepele banget.

6. Pertanyaan ape aje yang sering muncul setelah nikah? - Agung Nurcahyono

Yang pertama, biasanye ditanye: "Kapan punye anak?"
Setelah udeh punye anak, pasti akan ditanye: "Kapan nambah anak?"
Setelah nambah anak, bakal ditanye lagi: "Kok anaknye kurus banget, kagak dikasi makan?"

Belom lagi pertanyaan: "Kapan punye rumah sendiri?" "Kok gemuk sih abis nikah?" "Kok anaknye kagak dikasi ASI?" "Kok kemaren ngelahirinnye kagak pake cara normal?" DLL.

Yang gue tau sih ntu ye, wkwk.

Yang pasti sih pertama kali bakal ditanye: "Kapan punye anak?" Ntar jawab aje gini: "Suka-suka Tuhan dong mau ngasi kapan, gue mane bisa ngatur!"

LHA EMANG BENER KAN?

Nanya KAPAN PUNYE ANAK mulu luuuh, gue jogedin demen deh lu!

7. Tips tinggal bareng mertua dong, biar akur terus! - Tahnia Nur Rizki

Sebelom nikah, usahakan kenal dengan baek si calon mertua. Ketahui sifatnye kayak gimane. Kalo rasa-rasanye kurang atau kagak klop, mending usahain pas udeh nikah nanti, jangan tinggal bareng ame mertua. Kalo bisa jauh-jauh dah, biar nanti pas udeh nikah, lo kagak ada drama ame mertua.

Kalo mertua lo baek, selamet lah. Mau tinggal bareng mertua juge kagak ada masalah, kan. Biar kagak rempong pas serumah ame mertua, usahakan tau budaya di rumah mertua kayak gimane.

Misal, di rumah mertua gue tuh, si Mbak ART (Asisten Rumah Tangga) selalu masak makanan yang super sehat (kagak pake mecin, garam-gula dikit, jarang makanan berkuah santan, sambel kagak pedes, adoooh!), jadi jangan harap gue bisa bebas masak makanan kekinian yang tinggi mecin, karena pasti si mertua bakal NYAP NYAP.

Yoi, mertua gue ntu tipikal orang yang menjaga pola makan sehat banget. Di satu sisi sih bagus juge buat gue, tapi di satu sisi, bikin gue susah mikir kalo jenis makanan yang gue makan terbatas. Mane gue kagak makan daging merah dan seafood, kan, dari dulu. Makin terbatas lah gue saat dilarang makan sambel dan kentang goreng.

Meski ada 2 Mbak ART, gue juge mencoba untuk bantu-bantu dikit di rumah (walau kadang dilarang, lol). Misal, nyapu dan ngepel rumah.

Awal-awalnye sih emang merasa kagak bebas tinggal ame mertua, tapi lama-lama biasa aje sih, kayak tinggal bareng ortu sendiri aje. Mau pulang malem? Usahakan bareng pasangan. Mau bangun siang? Boleh aje, asal abis ntu bersih-bersih rumah biar kagak dicap males-males amat. Wkwkwk.

---

Sekian artikel tanya jawab soal rumah tangga. Buat pertanyaan yang udeh masuk melalui media sosial gue, bakal gue jawab di artikel selanjutnye yeee.

Kalian ada pertanyaan juge? Silakan dibagikan di kolom komen di bawah!