WOY PARA BLOGGER, PEKA DIKIT, DONG!!!

Btw, gue kadang suka kesel sama orang yang bilang gini:

“Gue males ngeblog. 

Abisnye kagak punya ide, sih!”

PRET!!!

muke cewe yang incerannye kagak peka-peka #kode

Padahal menurut gue, ide nulis ntu simpel. Semua perintilan kecil ampe gede bisa dijadiin bahan tulisan. Tulisannye pun kagak diharusin musti sesuai EYD [kecuali kalo genre blog lo emang mengharuskan pake EYD]. Yang penting orisinil, tanda baca ditulis bener, kalimat mudah dimengerti, dan kagak mengandung SARA.

Mungkin banyak yang belom ngerti, maksud dari perintilan kecil atau gede ntu kayak gimane, sih?

Ya misalnye, elo mempermasalahkan isu yang lagi berkembang [dan sebenernye kagak penting-penting banget], misal ngomongin pidio MLM yang pidionye miring-miring gitu... ngomongin OCD.. ngomongin Farhat Abbas, dll. Ya, walaupun kagak penting-penting banget, tapi jangan dianggap sepele, loh. Lo bisa nulis tentang hal yang kagak penting menjadi terlihat sangat penting. Ya, bikin yang nyeleneh gitu, laaah.

Atau ngomongin tentang kehidupan sehari-hari lo? Ya bebas aje, sih. Blog-blog lo, suka-suka lo.

Kadang sebagian blogger ngerasa bahwa kehidupan sehari-hari mereka kagak penting buat dipamerin di blognye. Well, menurut gue sih sah-sah aje kalo blog pribadi berisi cerita sendiri, kagak ada yang ngelarang, kok. Takut kehilangan visitor? Ya cuek aje, nulis itu bebas, bagus atau kagaknye namanye juga PROSES. Lagian sape tau kehidupan sehari-hari lo disukai sama blogger laen, atau sama penerbit ternama, gitu. Hohoho. Nah yang terakhir sih, kalo gue liat-liat banyak bener penerbit ternama yang ngincer blogger buat dijadiin penulis. Gue kagak becanda, ini serius. Soalnye gue ngeliat banyak temen-temen blogger yang akhirnye bisa jadi penulis buku. Ya walau kagak muna, gue juga salah 1nye, sih.

Tapi untuk saat ini, gue saranin kalo blognye mau dapetin banyak banget visitor, cara lo nyampein curhatnye musti unik. Pake judul bombastis biar pada penasaran dan baca. Hihihi.

Sedikit belok dari topik, anyway bukannye mau sombong... tapi kalo boleh jujur, sebenernye ada banyak bener penerbit yang nawarin gue buat bikin buku yang bercerita tentang kehidupan pribadi gue. Dan ujung-ujungnye, pada minta genre komedi gitu. Tapi mungkin sebagian orang menyayangkan kenape gue malah menolaknye. Ya pegimane, abisnye gue ngerasa: “Siapalah sayah inih...” Gue bukan artis, cuman orang biasa banget! Kayaknye kagak penting-penting amat orang laen musti tau gue.

 Mungkin cukup buku ituh yang berisi kehidupan pribadi gue. Itu pun banyak gue lebay-lebayin. Hehehe. Ya, agak terpaksa juga sih bikin tuh buku, biar ada pendapatan buat charity-an bareng temen-temen komunitas. Plus, biar bisa ngebuktiin bahwa komunitas gue ntu kece udeh bisa bikin buku. BWEEEK :P

Buku ape sih? Ya tau laaaah :D 

Balik ke topik..

Nulis blog ntu bisa macem-macem. Lo bisa bercerita tentang kehidupan sehari-hari, beropini, mengkritik suatu peristiwa, pamerin karya (fotografi, artwork, video), dan laennye. Kagak harus berupa tulisan doang. Namun walau bagaimana pun, menurut gue alangkah bagusnye kalo lo tetep menyertakan sedikit tulisan di postingan yang kebanyakan berisi karya lo. Misalnye, lo seorang ilustrator. Ya jangan sampe postingan terbaru lo cuman majang gambarnye doang. Ya lo ceritain lah prosesnye kayak gimane, maksud gambarnye ape, dll.

Lalu sebenernye, ape sih yang harus lo lakuin ketika lo ngerasa kagak ada ide buat nulis?

MALES NGEBLOG KARENA KAGAK ADA IDE? HIH!!!

Gampang, rumusnye yaitu LO MUSTI PEKA. Peka? Penjahat Kelamin? BUKAN! Peka dalam arti sebenernye, loh. Sebagai penulis, sebenernye lo musti peka sama yang ada di sekitar lo. Misalnye lo salah 1 penggiat media sosial, nah lo harus peka tuh sama hal-hal yang lagi terjadi di media tersebut. Trus jadiin tulisan, deh.

Kayak dulu tuh, di Twitter lagi hot ngomongin Tengku Sophia, yaudeh gue tulis aje di blog. Hasilnye, ntu tulisan peringkat 2 dari 350-an lebih tulisan gue dimari. Hihihi.

Di lingkungan dunia nyata pun, lo musti peka. Ape sih yang lagi ngehits di tetangga lo? Kehidupan sekolah/ kampus lo? Sobat lo? Ya udehlah, jadiin tulisan aje.

TAPI GUE SELALU STUCK  DITENGAH JALAN, NIH! GUE KUDU NGAPAIN?

adek gue :D

Nah, ini. Biasanye yang suka stuck pas lagi nulis yaitu... orang yang kagak mau menggali informasi lewat buku, tontonan, radio, cerita orang lain, dan laennye. Padahal kalo infonye digali, lo bakal berwawasan luas dan mengetahui kosakata baru. Nah kalo udeh begini, pasti lo bakal lancar nulis.

Atau, mungkin sebenernye bukan STUCK yang menghampir. Tapi... MALES. Mood jelek? Ah, ntu cuman sugesti lo aje. Sebenernye kalo ditelusuri, lo cuman ngerasa males aje buat ngelanjutin. Mungkin lagi keenakan ngetwit, ngegames, modusin orang, dan laennye.

Blog gue ini, sebenernye kebanyakan tema penulisnnye juga simpel banget. Kebanyakan ngebahas yang lagi ngetren. Nah, kenape bisa? Ya soalnye gue peka sama begituan trus langsung dijadiin tulisan, deh. 

Nah, jadi ntulah kunci biar dapetin ide nulis, Yang penting PEKA. Plus, perkaya wawasan lo dengan membaca, nonton, dengerin radio, dan dengerin guru/dosen bercerita. Dijamin kagak bakalan stuck!

TRUS KALO TIBA-TIBA DI TENGAH JALAN NGERASA BERAT BANGET BUAT NGELANJUTIN GIMANE?

Simpel aje, coba refresh otak lo. Ape kek gitu. Bobo-bobo cakep, ngetwit, browsing, blogwalking, pokonye lakuin yang lo suka. Setelah cukup seger, lanjutin deh tuh buru-buru tulisannye biar RASA MALES kagak menerpa lo lagi.

Yak, inilah ceramah gue... Penting banget, ye :p