Noraknye Anak Kota Pas Masuk Kampung

Hari Minggu kemaren, dua temen gue, Tammy dan Senny berkunjung ke rumah gue yang ade di sebuah pedalaman Bogor. Rumah gue kalo kagak salah sih ade di kaki Gunung Salak. Suer, kagak tau persis alamatnye, yang gue inget sih pokonye ade di Kampung Cijulang. Pokonye kalo mau ke rumah gue, tinggal nyebut “Kuda Putih Puncak Cijulang” soalnye di halaman rumah gue ade patung kuda putih guede dengan tulisan Puncak Cijulang. Hehehe.

Rumah gue sih kagak ade istimewanye. Tapi... lokasinye ntu loh, semacem perempatan, jadi strategis abis. Terus di belakang rumah ade gunung, tinggal nanjak bentar dan kalian bisa ngeliat pemandangan kota Bogor dari atas gunung! Belom lagi ade padang rumput dan ilalang dengan background gunung hijau. Beuuuh!

nyengir aje, padahal atinye derekdek~

Si Senny ame Tammy sampe bengong ngeliat pemandangan gunung dan kota Bogor yang begitu indah. Mane cuacanye adem bener. Sebelom nyampe padang rumput, gue ame Senny kagak sengaja juge sih ngeliat ade pasangan mesum di pinggir jalan aspal. Hoahaha. Gile, mentang-mentang daerahnye sepi, jadi berani mesum gitu. Awas aje ntar ade dedemit ngutuk mereka. Huh!

Dan pas hampir nyampe padang rumput, gue mencoba mengabadikan pemandangan ini pake hape android.

lebih bagus lihat langsung deh

Kota Bogor dilihat dari atas gunung

Pas nyampe padang rumput dan ilalang, kite poto-poto, deh. Mantap!

i wish i could fly with you, Mr French Fries

Gue jadi kepikiran pengen poto prewed di sono aje, biar HEMAT BEB! Hahaha. Belom lagi nenek gue kan punye gaun penganten, terus si bokap punye sound system. Yaudehlah fix, kalo gue nikah ya tinggal pake yang udeh tersedia aje, makin hemat kan? Hahaha. Cuman ini ame sape gue nikahnye? #lagikode.

Sekitar 2,5 jam kite berada di atas gunung. Kelamaan ngobrol-ngobrol di bawah pohon jengkol nih! Mane ujung-ujungnye ngegosip. Hihihi. Abis ntu, kite turun gunung dan ke sebuah sungai kecil private yang ade di lembah villa milik uwak gue. Rencananye sih, awal Maret taon depan gue mau nyewa ntu villa buat ngerayain ultah @kancutkeblenger yang ketiga taon bareng para Kawancut. Soalnye enak, dimurehin, tempatnye juge bener-bener jauh dari keramaian. Mane ade kolam renang dan sungai private yang masih perawan #halah.

sejuuuk!

kakinye si Tammy, ceritanye lagi fish spa (ikannye kagak ade, palingan laba-laba yang lagi berenang)

ntu aernye dingin banget loh

Udeh beberape taon gue kagak maen-maen ke sungai ntu dan cukup norak akhirnye ngeliat sungai yang aernye jernih lagi, hahaha!

Well, mungkin bagi temen-temen yang masih tinggal di perkampungan, hal-hal yang kayak gini sih simple banget. Keliatan norak banget ye gue ame temen-temen gue, cuman ya begitulah faktanye.... maklum kite bertiga tinggal di perkotaan yang padat penduduk. Kite bertiga seriusan sumpek banget ngeliat bangunan tinggi. Bener-bener kangen ame suasana yang kampung banget. Si Tammy aje, si anak asli Tasik yang kini ngekos di Bogor, cukup terharu banget bise gue ajak kemari. Hihihi. Katanye sih belom pernah ngerasain jadi anak kampung banget, hahaha! Gue juge meski ade rumah di Bogor, ya cuman jarang ke sono. Pengennye tiap weekend di sono cuman tiap weekend suka ade aje acara bareng temen-temen, salah satunye acara resepsi pernikahan.

UWYEAH, satu persatu temen gue nikah, punye anak.... Halah, jadi berase tua :'(( *brb botox*

Buat yang masih tinggal di kampung, bersyukur aje dah. Seriusan, kagak useh ke Jakarta, sumpek. Gue aje kalo belom kerja mah mending tinggal di kampung. Jauh dari keramaian, kagak ada polusi... cuman udeh ada CABE-CABEAN sih :'(((

Mungkin nanti akan ade tulisan lanjutan soal ke-norak-an gue ketika masuk kampung. Ya nantikan aje, dah.

Kini, gue berdoa... moge cepet ade rejeki dan waktu luang bakal jalan-jalan. AMIN! *brb cari om-om*