Pengalaman Pertama Menjadi Anak Senoparty
 |
| Jadi anak Senoparty sesekali, enak sekali? (Sumber Foto) |
Sebenernye sih Lucy ntu bukan berada di Jalan Senopaty, tapi isinye ya anak-anak situ juge, yang mari kite sebut anak Senoparty. WKWK.
Sebenernye gue udeh beberape kali ke Lucy. Pertama, sewaktu kantor bikin dinner dan party kisaran tahun 2017 (setahun setelah Lucy dibuka). Kedua, pas diajak makan ame temen. Pada kedua momen tsb, gue cuma inggal dateng, duduk, makan. Kagak pernah ikut joged di acara DJ-DJ-an. So far, makanannye enak sih. Harga kagak boong, dah.
Sebenernye pun gue tau banget atmosfer Lucy tiap ada DJ kayak gimane. Bakal penuh sesak pokonye. Inipun gue tau dari instastory Selebtwit ibukota yang biasa dugem.
Sebenernye lagi (ampun dah sebenernye muluk), gue ini kagak suka-suka amat dengan atmosfer perdugeman, terutama di ruang indoor. Musik yang terlalu jedag jedug dan bau asap rokok bikin asma, ini sih kagak gue banget.
Namun, bolehlah sesekali mah, terutama bersama temen-temen yang emang ketauan asik diajak joged.
Gue dan suami dateng pertama ke Lucy. Kemudian duduk di bangku sebelah kanan. Dan mbak-mbak dateng seraya berkata, "Untuk table ini minimum payment 1,5 juta, ya!"
Ebuset, sofa jelek aje kudu ada payment segituan. Terus gue pindah ke bangku lain, terus si mbak bilang, "Untuk ini payment minimum 3 juta, ya!"
Gue bingung sih asli, karena dulu-dulu tiap dugem mah, kagak pake minimum payment. Yowis, akhirnye gue WA temen untuk pilih bangku yang mane.
Terus gue baru tau, kalo mau dugem di Lucy rada murah, berdiri aje di depan bar. Dibilang rada murah karena di situ kite sabi pesen minum apapun, cuman kagak bisa sembari duduk. Yowislah, karena gue haus jadi gue pesen es teh leci seharga 35 ribuan, sedangkan suami pesen bir Bintang.
Lalu mata gue tertuju kepada seorang Youtuber ternama, sebut aje Mr. Sekut. Doi lagi di table yang minimum 3 juta, bersama beberape cewe cakep. Di sampingnye ada cewe seksi dan mereka cipokan. Anjaaayyy.
Sejam kemudian, semua temen berkumpul. Dan kite semua sama-sama galau mau duduk di table mane. Bolak balik ke sono ke sini. Hingga berakhir di sofa pojokan.
Minimum payment 1,5 juta. Hm, oke.
Pas bayar, ANJAAAY ame pajak kudu bayar 3 juta, dong!
Yowislah...
Sedihnye ntu, gue kan kagak ikut minum alkohol yak. Namun kudu bayar setara dengan mereka yang minum. WKWKWK.
Lucunye, waktu di table ntu disediain 1 botol alkohol (Smirnoff) dan 2 botol orange juice. Kampret banget deh, pas di bar gue pesen orange juice katanye sold out. Giliran ambil table, nongol tuh orange juice. Dasar kapitalis!
Temen-temen gue lalu mencampuri isi cangkir dengan Smirnoff dan orange juice. Gue dan satu temen mah cukup orange juice-nye aje wkwkwk. INI BUKAN PENCITRAAN, YE. Gue emang kagak berani minum alkohol, karena gue takut ntu bikin perut gue bereaksi kemudian masuk UGD. Minum kopi aje bikin asam lambung kumat, ape lagi alkohol.
Lagi pula, kagak semua orang mau dugem demi minum alkohol, sih. Kalo demi minum mah, mending minum aje di rumah.
Ada orang yang dugem karena mau cari ide, suka keramaian, kebetulan ada DJ yang disukai, pengen joged, demi dicap anak gaul, atau pengen cari keseruan yang berbeda aje.
Kalo gue sih, yang penting seru aje. Ape lagi kalo ada bebencongan joged, bakal makin heboh tuh suasana.
Dibandingkan dugem di Halfway, di Lucy sih gue merasa bahwa abege-abegenye lebih cantik-tampan. Bajunye lebih berani. Dari muka-mukanye sih, gue merasakan bahwa mereka anak-anak pejabat publik, pengusaha besar, dan entertain.
Kalo kagak gitu, kagak mungkin juge mereka open table yang 3 juta (belom PPn), satu table cuma 4-5 orang. Gue aje open table 3 juta, isinye 10 orang wkwkwk.
YANG PENTING JOGEDNYE, COY.
Asiknye sih, gue dugem bareng suami. Mau jogednye sambil gesek-gesek juge, udeh halal ini wkwk. Tapi joged gue mah kagak liar, masih malu aq tuch. Kalo temen-temen yang laen, wadaw udeh kacau. Tapi seru wkwkwk.
Kalo soal mesum-mesuman sih, ada aje emang kalo di tempat dugem ye. Mulai pangku-pangkuan, rangkul-rangkulan, cium-ciuman, ya emang ada di situ mah. Emang tempatnye. Jadi, kagak kaget, lah.
Di tempat begituan sih paling takutnye ame narkoba aje. Takut ada yang iseng naro di tas kite. Maka dari ntu, gue selalu inget pesen temen bahwa, "Kalo mau bawa tas, yang kecil aje. Atau kagak usah sekalian."
Satu temen kemudian tepar karena maagnye kambuh. Konon, sebelomnye doi belom makan malem, semacem kaget perutnye ame alkohol. Alhasil, jam 3an suami gue sopirin doi sampe rumahnye, dah. Sepanjang jalan doi minta maap, padahal mah santuy aje heehe. Untungnye laki gue masih waras karena kagak minum terlalu banyak.
So, buat yang kepengen coba-coba jadi anak Senoparty, menurut gue nih yeee:
1. Sedia duit banyak karena open table tuh mihil
2. Ajak temen yang asik dan bisa dipercaye (kalo lo mabok, mereka kagak macem-macem)
3. Ajak 1-2 temen yang setidaknye kagak bakal ikut mabok, utamakan yang bisa nyetir mobil
4. Kalo lo dan temen-temen kagak punye mobil, kagak usah khawatir. Naek taksi onlen okelah, sekitaran situ mah banyak
5. Bawa kantong kresek di dalem tas, buat jaga-jaga kalo mau muntah di mobil
6. Makan dulu sebelom mau mabok
7. Karena pulang dugem selalu deket-deket Subuh, usahain ortu kagak ngedapetin lo mabok. Kalo bisa, numpang nginep di kosan temen aje (temen sesama jenis ye, biar kagak diapa-apain)
Jadi kagak sabar mau dugem bareng mereka lagi di akhir tahun 2020!
Mr. Sekut siapaan cobak ?
ReplyDeleteSepertinya w ngerti mr. Sekutu itu siapa wkwkwkw
ReplyDelete