Apa Yang Harus Dilakukan Jika Kita Sedang Patah Hati?

Patah hati, beb? Bace ini, dong!

Sungguh kagak menyenangkan jika kite harus merasakan patah hati. Entah karena tau ternyate gebetan udeh diambil kompetitor, saat ditinggal mati pasangan, atau diselingkuhi yang berujung kite kudu putus.

Patah hati ntu bikin sedih. Dan jika kite mendapati orang yang sedang patah hati, ada baeknye membiarkan mereka sendiri dulu, sembari dipantau secara diem-diem, lah.

Karena percayalah, kesedihan ntu emang sebuah kepahitan dalam kehidupan yang harus dijalani. Yang bisa menyembuhkan hanya waktu.

Pantau mereka, sejauh mane sih kesedihan akan patah hatinye ntu. Tawarkan saran, cerita, atau sekadar sandaran. Kalo emang mereka maunye pendem sendiri aje, yaudeh selow.

Namun, jika kesedihan patah hatinye malah bikin membahayakan raga dan jiwanye, tentu aje inilah yang kudu ditolong. 

Yang paling ditakutkan ialah saat mereka berusaha untuk menyakiti diri (oleh karena ntu, kite sebagai orang terdeket kudu bisa memantau, sape tau bisa mencegah hal tersebut terjadi!).

Atau saat mereka terlihat seperti orang linglung. Mau kagak mau, bawalah ia ke Psikolog.

Gue harap sih, kalo pun gue dan temen pembace mengalami patah hati, kagak sampe menyakiti jiwa raga, deh. Amit-amit!

Dan kalo dipikir-pikir, yang harus dilakukan jika kite sedang patah hati, yakni:

1. Nikmati dulu aje kesedihannye, sampe puas, sampe aer mata kagak bisa keluar lagi. 

2. Sebaeknye jangan dipendem sendiri, coba deh diceritain ke temen terpercaya. Kalo kagak punye temen, yaudeh curcol aje di Quora pake Anonim!

3. Jika dirasa rasa patah hati mengancam jiwa, langsung ke Psikolog. Bisa pake BPJS, lho!

4. Fokus di karir aje, udeh! Biasanye kan jadi sibuk, nah kalo udeh gitu jadi kagak banyak mikir macem-macem.

5. Kalo ada budget lebih, coba jalan-jalan ke tempat yang alamnye masih enak dipandang. Lumayan refreshing. Jika diperlukan, barengan  temen-temen yang asik!

6. Jangan pernah kontak si doi lagi. Blokir semua socmed dan WA-nye. Daripade kagak sengaja liat postingannye terus bikin lu baper. Malesin, kan?

7. Jangan dengerin lagu dan nongton pelem yang berbau cinta-cintaan dulu, ape lagi yang bikin galau. Mending nongton Avengers!

8. Fokus meningkatkan skill yang sesuai minat dan bakat!

9. Menjelang tidur, jangan suka mikir aneh-aneh. Coba bace buku, bace blog gue sampe artikel terjadul, sampe lu akhirnye ketiduran wkwkwk.

10. Jangan buka socmed yang isi kontennye menye-menye galau. Mending liat yang lucu-lucu aje!!!!

11. Bebenah rumah, sembari liat apakah ada pemberian si doi yang masih nyangkut di kamar. Buang aje kalo masih ada mah, ketimbang jadi teringat lagi, kan!

12. Tetep positive thinking bahwa Tuhan akan ngasi jodoh yang emang sesuai ame diri lu. Yang terbaik buat lu. Entah kapan, yang penting positive thinking dulu aje. Kalo udeh kayak gitu, kan Tuhan seneng tuh, "Wah, nih anak berprasangka baek ke gue, yaudeh gue hadiahin deh cowo ganteng nan baik hati ke diye, pas diye lagi nongki di kedai kopi kali, ye?"

13. Karaoke lagu-lagu riang, teriak-teriak deh lu. Mau nyanyi dangdut sambil joged juge, hayoklah!!!

14. Jangan viralin kisah patah hati lu di socmed atau Youtube. Kagak enak aje, masa iye lu mau terkenal gegara patah hati? Mau jadi Awkarin, lu?

15. Coba pelihara hewan yang bisa lu ajak maen tiap waktu, misalnye kucing dan anjing. Dijamin bisa bikin hati kalian lebih bahagia.

Kalo lagi sedih, maen ame kucing jadi bikin lupa dengan segala masalah!!!

Baiklah gaesss, itulah poin-poin yang harus dilakukan jika kite sedang patah hati. Ntu sih menurut gue yang emang udeh pernah ngerasain patah hati, yak. Inget, di setiap patah hati, sebenernye ada jodoh lu yang udeh nunggu di sekitar lu. Kagak usah terlalu takut, yak.