Thursday, 15 February 2018

Nongkrong Bareng Sesama "Cina" Ngomongin Tentang Cina #Part2

Damai, brooo! (Sumur)

Orang-orang di negara Cina sono jorok? Kagak punye empati? Suka bikin yang palsu-palsu? Coba bace dulu nih tulisan sebelomnye di sini (klik).

Nah, selaen yang gue ceritain sebelomnye, berikut gue mau ngasi tau nih fakta-fakta laennye seputar Cina berdasarkan temen blogger asal Bandung yang kini mengajar di negeri Cina, Koko Keven Keppi. Tak kenal maka tak cinta, jadi sebelom ngejudge sesuatu mungkin ada baeknye tau seluk beluknye terlebih dahulu.

1. Bukti Bakti Orangtua di Cina

Ada hal yang kudu diapresiasi oleh kebanyakan orang Cina, yakni kebanyakan cita-cita mereka, para anak mudanye, bisa menyenangkan orangtua. Di tengah hidup yang kompetitif, mereka pun akan berlomba-lomba untuk membahagiakan orangtuanye dengan berbagai cara, salah satunye dengan memberikan uang yang banyak untuk dipake sang orangtua traveling ke luar negeri. Mungkin sama halnye dengan anak-anak di negara kite yang kepengen membahagiakan orangtua dengan memberangkatkan mereka naek haji. Iye kagak, sih?


Selain ntu... budaya "Mamak mau nimang cucu, cepatlah kau nikah, kau sudah tua, nak" ternyate kagak cuman ada di Indonesia. Di Cina pun, cewe-cewenye diharapkan bisa segera menikah, at least paling lambat 30 tahunan. Muehehe. Nah pas udeh nikah pun, pasangan penganten pun diharapkan segera punye momongan. Sama persis ye kayak orang Indonesia.

Jika di kondangan orang Indonesia kite selalu mendoakan semoga sakinnah, mawaddah dan warohmah (SaMaRa), orang Cina selalu mengucapkan, "Semoga lekas dapet momongan." Ya... sebenernye sih ucapan ntu juge sering dikatakan oleh tamu kondangan di marih, ye. Namun tanpa ada embel-embel SaMaRa.

2. Pemerintah Cina Subsidi Warga yang Mau Traveling!

Katenye si Koko Keven, tiket pesawat dari Cina ke luar negeri tuh selalu disubsidi. Biar ape? Biar para warganye banyakin jalan-jalan. Jadi kagak banyak NYINYIR, kagak terlalu BEGO, kagak KUPER. Sebenernye sih tujuan utamanye biar para warga Cina bisa memperluas koneksi, biar nanti bisa membuka peluang bisnis. Kalo mereka bisnis kan, yang dienakin pemerintah Cina juge? (((DIENAKIN))).


3. Orang Cina Lebih Suka Make Up dan Skin Care dari Korea Selatan!

Loh, kok sama sih kayak di Indonesia? Tuh buktinye, tiap gue lewat outlet Nature Republic yang baru buka di Jakarta, pasti selalu rame, demi bisa dapetin benda paling ngehits sejagad raya, yaitu aloe vera 92% persembahan dari Nature Republic. Gue jualan tuh, kalo mau langsung kontak Facebook gue ye. Dijamin ori dan murah! #LAH #MALAHPROMOSINJIR #BODOAMAT.

Nah, kembali ke laaapppttoopppp (lalu sayup-sayup kedengeran suara Tukul).

Soal make up abal-abal dari Cina, kayanye emang bener, ada banyak di sono. Yah kagak perlu jauh-jauhlah, di mari juge ada, kan? Krim racikan yang katanye dari dokter aje, ternyate ada pabriknye di Palembang, pabriknye rumah biasa! Dan ternyate krimnye ntu bisa dibeli kiloan, kayak beli terigu di warung. Tinggal si pembeli taro ke jar kecil dan dikasi branding. Bangcad, kan?

4. Minum alkohol udeh kayak minum es teh manis!

Maklum, karena minum alkohol di sono tuh dianggep kagak haram. Harganye yang sangat terjangkau pun jadi bikin para warga Cina minum alkohol setiap saat. Abis makan mie rebus pinggir jalan, minumnye alkohol pake es. Malah si Koh Keven pernah liat di siang bolong liat bapak-bapak minum alkohol yang dibungkus plastik bening, macem kayak anak bocah minum es teh manis. Mukanye? Jangan ditanye, udeh merah parah! Hahaha!

5. Budaya Basa Basi di Cina



Wah, basa basi ntu penting bagi orang Cina, ape lagi kalo mereka lagi ada maunye wqwq. Misalnye, pas mau ngutang ame kite nih, tuh orang bakal ke rumah kite dengan senyuman riang. Sambil ngasi aneka martabak berbagai rasa, pisang nugget bertopping nutella, minuman Starbucks, bahkan kalo mampu mah, sekalian bawain candi, deh. Tapi ujung-ujungnye? Ya, minta duit alias ngutang! Wqwq. Gue rasa sih, di Indonesia juge ada nih yang kayak gini, wqwq.

--

Walaupun orang Cina sono pun sering dikafirin ame orang Indonesia, nyatanye kite punye banyak persamaan budaya dengan mereka. Tandanye ape? Yaaaa tandanye kite emang bersodara sebenernye! Sesama cucu nabi Adam, kagak perlu laaaah teriak kafir ke orang laen. Kalo emang menurut kalian mereka kafir, ya kagak usah diteriakin, di dalem ati aje cukup tau. Kagak semua hal perlu dibagikan melalui mulut, kan?

Selamat Lebaranan buat temen-temen gue sesama 'Cina' :D

Semoga tulisan ini bisa membuka mata temen-temen yaaakk!!!

4 comments:

  1. Eh itu yg pabrik kosmetik di Palembang penasaran euy wkwk ngeri yeeee.

    ReplyDelete
    Replies
    1. hahaha iyak pernah liat di berita gue cuy, ngeri emang

      Delete
  2. ya cina juga manusia kalik *udah itu aja sih :D #noRASIS

    ReplyDelete

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*