Guru-Guru Gue Tuh Gini Loh...

PAKE KANCUT TUH WAJIB BROOO.

Udeh kagak berase nih November mau abis. Bentar lagi Desember, abis ntu Tahun Baru 2014. Yaelah, kenape waktu bener-bener cepet bener, mane semua kewajiban belom terselesaikan semua. Hiks L

Oh iye, gue baru nyadar kalo tanggal 25 November kemaren ternyate Hari Guru, yak? Kalo Hari Dosen, kapan nih ngomong-ngomong? Hehehe.

Gue udeh lama kagak mengenyam pendidikan di sekolah. Sekitar hampir lima tahun, lah. Kadang gue suka kangen juge sih dengan pemandangan-pemandangan di sekolah dulu. Pake baju seragam, ngirim surat cinta ke gebetan, bikin pameran sains, ngikut lomba sastra dan biologi, ngegosipin guru, jajanan yang mureh merieh, aaaah pokonye kalo disebutin semua, bise kagak kelar-kelar kali!

Masa-masa sekolah tuh gelo.
(source)

Pokonye buat adek-adek yang masih sekolah, udeh dinikmati aje. Kalian pasti bakal kangen banget ame saat-saat sekolah. Dunia perkuliahan dan kerja ntu kagak seenak di dunia sekolah, inget tuh, malah cenderung kejaaaaam sekaleeee, jenderaaal! Hiks L

ngambil dari album poto di FB empat tahun lalu -_-

kagak nemu yang kayak begini pas kuliah dulu :'(

Dan sekarang, ijinkanlah gue untuk mengenang kembali guru-guru di zaman sekolah dulu. Ini sih yang gue inget aje, yak. Cekidots.

1. GURU MESUM

Pas SMP, gue punye seorang guru biologi, sebut aje Pak Bejo. Nih orang badannye kecil, kumisan, tapi otaknye mesum banget. Tiap doi nongol di kelas, kagak pernah tuh yang namanye ngajar biologi. Kebanyakan ceramah tentang dunia kehidupan dan ujung-ujungnye MODUS.

Pak Bejo ini hobi banget menginspeksi seragam siswa dan siswi. Terutama sih, siswi. Nah buat siswi-siswi kece kayak gue nih #hoek, musti bener-bener pake seragam yang sesuai peraturan. Jangan sampe deh dasinye mengsong-mengsong, kancing seragam kagak dimasukin semua, pokonye ya musti pake seragam kayak anak-anak cupu yang suka diperlihatkan di sinetron.

Pak guru, itu bukan kancut saya!
(source)

Pernah seorang siswi disuruh maju ke depan dan si Pak Bejo modus, yaitu dengan cara berlama-lama membetulkan dasi siswi itu. Sebenernye tujuan si Pak Bejo bukan mau ngebetulin dasi, sih, tapi emang mau kesempetan aje mau ngerapetin badan ke si siswi, megang-megang toket, ya pokonye gitu deh! Ape yang bisa diperbuat si siswi? Nothing, jaman dulu mah kite musti bener-bener hormat ame guru dan kagak bise berkutik.

Pernah juge temen gue ceritanye lagi duduk, terus kagak sadar doi duduknye tuh sambil ngangkang. Ya namanye juge pake rok pendek, kagak pake daleman pula, ya keliatan dong ntu kancutnye? Terus si Pak Bejo di depan kelas ngomong gini, “Eh kancut si X warnanye pink ya? Haahahaha.” Dan semua siswa di dalem kelas pun ketawa ngakak. Sedangkan si korban? Langsung masuk ke kamar mandi, nangis sesegukan.

Untungnye sih gue belom pernah jadi korban si Bejo. Huh.

Pas SMA, gue punye seorang guru olahraga. Ganteng, manis gitu. Cuman mesum banget, paling demen nyuruh para siswi lari-lari, terus doi ngeliatin toket-toket yang bergoyang aduhai, deh. Khusus buat siswi yang bertoket gede dan cantik, doi bakal kagak segan-segan untuk ngasi nilai lebih. Kadang juge suka dideketin terus diajak nongton bioskop. HAHAHA.

Untungnye juge, gue belom pernah jadi korban si guru olahraga-yang-mari-kite-sebut Miki ini.

2. GURU YANG KAGAK MAU CAPE

Waktu kelas 1 SMP, gue jadi tukang suruh-suruh nulis di papan ame guru Bahasa Indonesia. Alesannye sih karena gue ntu ketua kelas dan punye tulisan bagus. Sekali dua kali sih, gue masih maklum ye. Tapi kalo setiap waktu? Gile tuh guru, enak bener nyuruh-nyuruh gue mulu, makan gaji buta! Terus, tuh guru juge jarang ngajar, ujung-ujungnye gue disuruh gantiin doi ngajar. Iye bener, gue berasa jadi asisten guru, cuman kagak digaji. Huhuhu.

anggep aje ini gue!
(source)

Waktu kelas 3 SMP, gue jadi sekretaris kelas. Dan lagi-lagi, karena katenye tulisan gue bagus, si guru sejarah selalu nyuruh gue untuk jadi juru tulis doi. Nulis di papan tulis yang berkapur (PANAS COY), ngurusin buku absen, ngisi buku penilaian, ikut mengoreksi lembar jawaban sejarah, GILE BENERRRR. Kebanyakan sih ntu semua gue yang ngurus. Doi cuman enak-enakan ngoceh di depan kelas, nyeritain sejarah.

Tapi enaknye sih, karena jadi asisten guru, nilai gue dibagusin mulu. Hohoho.

3. GURU YANG MATA DUITAN

Kalo misalnye ada siswa-siswi yang nilainye hancur dan mau dibagusin, mereka musti ngasi barang-barang yang disukai si guru terkait. Misal sprei, hape, duit, perhiasan, dll. Yang kayak gini sampe sekarang masih ade kagak ye?

4. GURU TUKANG PAMER

Waktu kelas 2 SMA, gue pernah punye guru Bahasa Indonesia yang gayanye kayak BUNDA ATUT banget! Serius, gaya jilbabnye, gaya hidup mewahnye, sama persis! Gaya ngomongnye juge kayak Syahrini banget, suer dah. Padahal jaman dulu mah si Syahrini belom nongol jadi artis, si Bunda Atut juge belom tenar.

Tiap ngajar, pasti doi ujung-ujungnye cerite tentang kekayaannye. Pernah waktu lagi ngajar kan ada yang nelpon doi tuh terus diangkat dong di depan kelas sampe ngomong kenceng-kenceng, “IYA MAS? KENAPA? OH KERAMIK DI RUMAH SAYA DIGANTI PAKE MARMER AJA, PAKE YANG MAHALAN YA BIAR AWET. APA? BATHTUB DI RUMAH LUMUTAN? YA UDAH DIGANTI YANG BARU AJA!”

Penting banget, gituh?

Doi sih pernah ngomong gini, “Anak-anak, ibu suka pamer gini karena ibu pengen kalian menjadi terpacu rajin belajar terus sukses kayak ibu.”

Najong. Padahal doi bisa jadi kaya karena punye suami tajir -_________-

5. GURU KILLER

Di sekolah mane sih yang kagak ade guru killernye? Dimane-mane kayaknye ade, yak. Kalo waktu SD, gue pernah punye guru laki yang selalu mewajibkan siswa-siswinye dateng ke sekolah jam setengah 7 pagi dan kite semua musti latihan baris berbaris di tengah lapangan. Buat yang kebagian piket, musti bisa beres bebenahin kelas sebelom si guru sampe di sekolah, yaitu jam 6 pagi. Kebayang dong, yang kebagian piket jadinye musti bersihin kelas dari jam 5 pagi! GILEEEE. Terus tuh kelas musti bersih dan wangi bener. Kagak boleh ade debu sedikitpun, apalagi sampah di kolong meja.

Soal PR, kalo ade yang kagak ngerjain ya musti dipukul pake rotan, ditampar, atau dicubit perutnye (khusus cewe).

meneketehe bu :'((
(source)

Kalo di atas kan pengalaman gue pas kelas 5 SD, nah pas kelas 6 SD, wali kelas gue tuh cewe perawan tua yang galak benerrrr. Kalo ade yang kagak ngerjain PR, kepala musti dijedotin ke papan, dipukul pake penggaris kayu, dicubit, dll. Bahkan sampe ade temen gue yang pindah sekolah setelah sebelomnye dilemparin penghapus papan dari kayu dan tepat kena kepalanye sampe benjol. HUIIIIIIIIH. GALAK BENERRR!

Kalo pas SMA, sebenernye sih banyak juge yang killer, cuman kagak sampe ada kekerasan. Yang gue inget sih pernah ade guru Fisika yang tiap ade siswa-siswi yang kagak bise ngejawab pertanyaan, bakal dibilangin gini (sambil tempelin telunjuk di samping jidat).

“MANGKENYE, OTAK DIPAKE”

6. GURU YANG DEMEN SINETRON

Jadi ceritanye gue pernah punye guru sosiologi, entah namanye sape gue lupa. Nah doi ini demen banget nongton sinetron. Pas ngeh liat gue, pasti doi langsung nyebut, “Hai Sissy, gimana kelanjutan sinetronnya?”

Jadi, waktu SMA tuh, ada sinetronnye si Putri Titian yang berjudul Jungkir Balik Dunia Sissy. Ya you knowlah kan muke gue dulu mirip si Tian, sampe gue pernah dapet 10 juta gegara ikutan The Promotor episode Tian HAHAHA.

emang mirip Putri Titian, brohhh?

sok dimirip miripin si Putri Titian HAHA

Nih cerita pas gue dapet 10 jutanye : KLIK.

Kalo yang ini cerita gue yang suka disebut-sebut mirip Putri Titian : KLIK.

Ya pokonye sampe sekarang kalo ketemu sama tuh guru, gue bakal dipanggil SISSY.

7. GURU ANEH

Waktu SMP, gue pernah punye guru agama yang aneh banget. Doi hobi buka sepatu ame garuk-garuk telapak kaki yang selalu berkeringat. Konon katanye sih, jangan sampe kite salim ame tuh guru, soalnye tangan doi bau jempol banget. HAHAHA.

Udeh sih, yang gue inget segitu doang. Kalo guru lo, pegimane aje tuh? Ade yang kayak guru-guru gue di atas kagak? :D

BTW, GUE KANGEN BANGET MASA-MASA SEKOLAH WOYYY!!!

Masa-masa SMA, hmmm tebak gue yang mane :p

MAAAAAK KANGEEEEEEN!

bareng sobat-sobat gue waktu SMA :3

WOY, REUNI ICA KALEEEEEEEE!