(GoVlog-Umum) Lebaran Betawi, Oy!

Woy semuenyeee, ape kabar? Nyang disane, mane suaranyeeee? Nyang disono, mane juga suaranyeee? *sembari sodorin mic ke pembace*

Ngomong-ngomong, aye pengen nge-share soal LEBARAN BETAWI nih, coy! Seharusnye mah, nih tulisan musti disodorin dari 2 minggu nyang lalu. Cuman maklumin aje ye coy, aye pan sibuk, sono sini suting , jadinye baru sekarang deh sempet majang ni tulisan di blog. Hahaha *suting ape lu pin?* *suting BERANAK DALAM HATIMU kok* #eaaa

Rumah Adat Betawi

Jadi begini loh, sehari sebelom Lebaran Betawi diadain, aye kagak sengaje ngeliat spanduk segede gaban di terminal, yang berisi inpo tentang Lebaran Betawi. Ebuset dah, lebaran pan udeh dari kapan tau ye, lah ini nape ade lebaran lagi? Lebaran Betawi lagi namanye? Apean tuh? Lebaran persi orang-orang Betawi kah?

Aye jadi penasaran sama ntu event. Gile dah, kagak pernah aye ngikut begituan, baru denger banget aye, sumpeh! Yaudeh tuh, aye langsung catet aje alamat tuh event diadain. Pokonye aye janji, keesokan hari aye musti dateng ke ntu acare ! Secare, aye pan ngerasa masih ada darah betawi dari Engkong

Nyok kite ngarak ondel-ondel, nyoookkk!

Semalem sebelom hari H, aye sempetin dulu nih buke internet, cari inpo soal Lebaran Betawi ini. Aye pengen tau deh, ntu kenape bise ade event begituan ye? Pas udeh nemu satu artikel, katanye sih Lebaran Betawi dibikin sebagey ajang buat ngelestariin nilai-nilai dan kebudayaan Betawi serte buat bersilaturahim antare seluruh komponen Betawi nyang ada di Kota Jakarta. Huwohoho, asik deh! Event ini diselenggarain dari tanggal 1-2 Oktober 2011 di Lapangan Pusat Industri Kecil, Penggilingan, Cakung, Jakarta Timur.

Besoknye, aye berangkat dari Roxy ke Cakung, tempat Lebaran Betawi diadain. Sumpeh dah, aye kagak pernah ke Cakung sebelomnye! Aye kagak tau Cakung dimanenye! Udehlah, modal nekat aje! Hahaha (mane sendirian lagi!). Aye sotoy-sotoy aje tuh, naek busway dari Grogol ke Pulo Gadung, dari sono aye nanye-nanye ke tukang ojek. Trus katanye, aye musti naek Metro Mini nomer 42 kalo kagak saleh, yaudeh aye langsung naek 42 buat lanjutin perjalan ke Cakung

Di dalem bis, ternyate aye ketemu sekeluarga yang kepengen ke tempat Lebaran Betawi juge! Eh pas ditanye darimane, ternyate mereka dari Grogol, ye kagak jauh lah dari rumah aye! Hohoho. Yaudeh tuh, akhirnye aye barengan sama ntu keluarge.

Sampe di pertigaan deket sebuah mall, kite turun lalu jalan masuk ke dalem lagi, ade kali 1 kilometer. Jauh bener dah pokonye, mane panas banget, untung aye pake topi. Setengah jam kemudian, kite sampe dah di Lapangan Pusat Industri Kecil. Pas udeh di sono, langsung aje tuh aye maenin handphone, biase lah buat buke Twitter sama Facebook, apdet status geto loh! Hohoho

"Status Selebriti" di lebaran betawi!

Aye celingak celinguk dah tuh di tengah lapangan gede ntu. Rame bener! Ternyate, disono dibagi kedalem beberape kawasan, ade kawasan Jakarta Pusat, Jakarta Barat,Jakarta Selatan, Jakarta Timur, Jakarta Barat, serte Kepulauan Seribu. Isinye, ade banyak bener! Tukang makanan, panggung hiburan, rumah adat, tarian, dan souvenir dari masing-masing kawasan, hingga ada pasar rakyatnye! Ah, cuman sayang bener, aye kelewatan kagak nongton acara seserahan sama silatnye. Huhuhu

Untuk perdanenye, aye ngunjungin kawasan Jakarta Timur aje, eh ternyate lagi ada suting STATUS SELEBRITI ! hohoho

Abis ntu, aye ngunjungin kawasan Jakarta Pusat, sebagey anak Jakpus aye kagak boleh dong ye ngelewatin nih kawasan. Ternyate, dari semue kawasan yang ade disono, cuman kawasan mari yang rame bener!

musik tradisional betawi

Keramean pertame, gara-gara ade panggung dangdut geto deh. Uniknye, nyang jadi biduannye ntu cewe gendut, cuman suaranye ajib bener dah coy! Kece abis! Mane ntu biduan nyanyi ALAMAT PALSUnye si Ayu Ting Ting lagi, beuh tambah rame aje ntu kawasan! Hahaha!

Cakung digoyang~~~

sawean oooy!

Keramean kedue, ternyate gare-gare ade Abang None persi BULE! Ajib gile, keren dah! Satu persatu warge gantian poto-poto same ntu bule. Kocak bener, pada berebutan geto!

menyapa pengunjung

Abang-None versi western. Alhamdulillah yah :D

Aye kenalan aje tuh sama mereka berdua. Si cewe, Julie, dari Aussie. Si cowo, sape dah gitu namanye (susah bener namanye), dari Austria kalo kagak saleh. Pengen minta nomer hanphone ke tuh cowo, cuman gimane ye... aye malu deh

Abis ntu, aye ngiter-ngiterin aje kawasan Jakpus, sambil ngeliat souvenir gitu. Lucu-lucu bener!

warna warni :D

Keluar dari kawasan Jakpus, aye pun langsung ke kawasan laennye. Pas masuk ke kawasan Jakarta Utara, ternyate disono ade contoh rumah si Pitung. Iseng-iseng, aye masuk aje ke dalem ntu rumah. Eh ternyate, ada keluarge walikote lagi makan siang gitu, bareng warga keturunan. Eh trus masa ade anak cewe tuh, cakep bener, kayak artis sape gitu. Aye pengen moto die suseh bener! Hehehe

Rumah si pitung di kawasan Jakarta Utara #LebaranBetawi

Makan siang bersama di dalam rumah si Pitung. Ada anak cewe, cakep benerrrr!

Aduh, ngeliat lagi pade makan siang, aye jadi kepengen. Ngiler banget huhuhu. Pengen minta makanan, cuman pegimane ye, aye kan bukan sape-sape mereka. Huhuhu

sepeda antik ! suka dah!

Yaudeh tuh, aye keluar dari kawasan Jakarta Utara dan segera menuju ke abang-abang KERAK TELOR! Asek dah, salah 1 makanan khas Betawi ini adalah makanan paporit aye geto loh! Langsung aje tuh aye pesen Kerak Telor special pake telor bebek, hanya 13 rebo aje. Kalo pake telor ayam, 12 rebo, cuman enakan telor bebek lah, beda saceng (serebu) doang!

proses pembuatan kerak telor. Nyummyyyy!

Sambil makan, aye ngeliat di depan lagi ade soting Reportase Trans Tipi, lagi ngebahas soal kue rangi. Hihihi, ribet bener ternyate suting begituan doang, ampe tuh reporter ngulang-ngulang take gare-gare kelupaan ngomong

reporter Trans TV

Gak cuman dari Trans Tipi, reporter dari stasion tipi laennye juga banyak bener! Bahkan, waktu aye ke pasar rakyatnye, aye ngeliat reporter dari Global Tipi, nyang lagi belajar ngebatik. Hihihi, seru! Iseng-iseng, aye liat-liat baju kebaye same kain batik khas Betawinye... Ebujug dah ntu, masing-masing harganye 750 rebu! Kirain gobanan (50 reboan)

kebaya dan kain batik khas Betawi. masing-masing berharga 750 ribu rupiah! Jiaaaah -_-'

Karna aye kagak bisa diem ye, aye jalan-jalan aje tuh ke pasar rakyatnye. Banyak bener coy nyang jualan, ada makanan, jajanan, baju, souvernir, lengkap dah! Cuman pas lagi enak-enaknye jalan, badan aye tiba-tiba drop. Lemes banget! Akhirnye aye numpang duduk di stand abang-abang es teh. Aduh nape aye drop gini ye? Padahal udeh makan, huhu. Mane sendirian , kalo aye pulang trus pingsan pegimane dong?

atas : geplak dan dodol khas Betawi. bawah : kue rangi, jajanan paporit aye waktu SD!

Jajanan khas betawi!

banyak nyang jual makanan! bikin lapeerrrrrr!

ajib benerrrrr! nyang tengah ntu namanye bir pletok, sayang aye kagak sempet nyobain :D

permainan anak di pasar rakyat

Huh, jam 4 liwat akhirnye aye terpakse pulang. Padahal rencana kepengen sampe malem, soalnye bakal ade pertunjukkan lawak Betawi gitu. Ya Allah, kenape ngasi cobaan kayak gini disaat kagak tepat dah

Yah, inilah hasil liputan aye pas ke event Lebaran Betawi ntu. Unik ye coy, gimane dengan daerah kalian semue, punye acara kayak gitu juga kagak?

Oiye, tonton juge noh pidio liputannye (bikinan aye nih hehehe) :

(NB : Postingan ini sengaja ditulis dengan memakai bahasa Betawi, biar suasana Betawinya dapet. Hehehe. Semoga ngerti ye sama bahasanya! Gak rumit ini, kan?)

36 comments:

AVAANZA?16 October 2011 at 14:39
Gile.. betawi banget lo mpo'
Unknown16 October 2011 at 14:47
aseeekk...kren dah postingannya yang biduan gendutnye bikin aye ngakak. aye doain menang govlog ye mpok vin. :D
yulianzone16 October 2011 at 14:48
sumpe dah. sebelon ngebaca tulisan kalo nyang di poto itu biduan, gw kira tadinye itu elu... huahahah... *diguyur bensin* pantesan subur banget.ternyata bukan :D :D
Diah Ayu16 October 2011 at 14:49
RAsanya kerak telor gimana sih ? maklum,di Bali dikit amat yang jual beginian...ga pernah nyoba pulaa,huhuhuhu....
yulianzone16 October 2011 at 14:55
makanan yang namanya paling absurd dari semuanya menurut gw itu ketupat bebanci... -___-" ... bukan makanan khas taman lawang kan pin? *baru liat ada makanan namanya begitu*
primebound16 October 2011 at 15:03
@yulianzone iye gw kira tu penyanyi dandut si Pina hahaha

nice inpo gan!
gw naksir sepedanya tuh
Annisas16 October 2011 at 15:03
manceeeppp dah kak pin. Aye aje yg masih ade dareh betawinye (entah dari mane) kagak tau ade event lebaran betawi kayak gini ye ckck
Aliv16 October 2011 at 15:04
Waduh, bir pletok, pengen icip-icip deh, enak bener tuh kayaknye!

Btw, ntu si Joe Richard lagi bacain status gue tuh :p
JS16 October 2011 at 16:41
Kirain aye nih blog isinye 'mesum' semue, secara namenye ada kancut-kancutnye... Ketipu aye :))

Btw, baru tau aye kalo ada lebaran Betawi.

Met kenal dah ame nyang punya blog. Salamin ama biduannye ye... Mantep banget tuh bodinye :))
Liberto Tri Putra16 October 2011 at 17:46
itu kenape makanannye keliatannye enak enak ye mbak pina :9 pingin nyobain apadaye jarak nye jauh benerrr ._.
Nuel Lubis, Author "Misi Terakhir Rafael: Cinta Tak Pernah Pergi Jauh"16 October 2011 at 17:50
benar2 anak muda muda yang mebghargai budayanya sendiri. gw aja udah mulai cuek sama akar budaya gw yang turunan sisingamaraja (baca: batak)
Siti Nurul Falah16 October 2011 at 17:55
Nyari kerak telor di bogor susah bnaget yah,,
makmalf16 October 2011 at 18:06
sip sip, memang sebagai anak muda kita harus mempertahankan budaya asli daerah kita.

liat difotonye, ternyata ada bule betawi juge ye.

betewe, gue orang sunda, tapi bisa ngomong betawi juga. *apa sih

:D
ratri purwani16 October 2011 at 19:52
mpoook! seumur-umur tinggal dimari baru tau ada lebaran betawi. posting ciamik!
oiya, inpo nih, nyang kesenian tradisional ntu ade keroncong
Stevanus16 October 2011 at 20:09
whoa... rame banget ya? waduh saya yang tiap hari naik bis pulo gadung ga tau ada acara begituan #GaNyambung

T_T kalo tau mah, abdi pasti dateng.

eniwei serius itu biduannya? kasian ya band pengiringnya. pasti deg-degan pengen jatuh.

also, itu sepeda. demi wellington keterlaluan gede ban belakangnya =_=

well, tahun depan ajak2 ye kak :p
dian andriyana lutter16 October 2011 at 21:01
iye duech tes komen disini,biar ghaull....
keren ya, betawi punuya acara en budaya yang kental. daerah maen mah kaga` ada. ada juga lebih modern kaya disini. jadi diperuntukan buat wisatawan gtu. tpi masie kental budaya balinya. namanya kuta karnival. hampir mirip ama ini,cuman lebih western kesannya.
Anonymous16 October 2011 at 21:33
nice inpo kak Pin! (y)
wedeehh, rumah pitung mah deket rumah aye tuh kak-__-'
kagak tau kalo ade acare beginian di Jakarta, padahal org Jakarta asli dan udh lama dtinggal disini._.
sekali lagi : nice inpo kak Pine! (y) :D
Unknown16 October 2011 at 22:42
manteeep liputannya.. hahaha

jd pengen nyobain beberapa makanannya pin.. :P
Just Nanda...17 October 2011 at 00:19
Kakpina, saya gak tau apa itu govlog, tapi ini postingan emang mantap bener... Apalagi pas biduan itu... Mirip pelatih saya dulu...
hahahahha...
Doain moga govlog nya menang...
admin17 October 2011 at 03:55
@justnanda : govlog ntuh lomba nulis blog dari vivanews n xl.

@vina : sepedanye kren bner..
eh vin, lu moto ama ngrekamnya pake apaan ya?
admin17 October 2011 at 04:00
@justnanda : govlog ntuh lomba nulis blog dari vivanews n xl.

@vina : sepedanye kren bner..
eh vin, lu moto ama ngrekamnya pake apaan ya?
anggaweka17 October 2011 at 10:22
Hahaha! Ngeri bener ntu biduan gendut!
Ade Ellyana17 October 2011 at 11:32
ajib bener dah ade acare macam beginian ye..
kalau dimari mane ade.
nice post supin..
Ikbal Rizki17 October 2011 at 13:15
waaahhh... Baru tau kalau ada yang namanya Lebaran Betawi.

mantap juga ya Acaranya. hehe

Btw. Biduannya semangat 45 banget ya... hohoho
beby17 October 2011 at 13:38
ada ye lebaran betawi? u,u baru tau aye mpook..
Murodi Shamad17 October 2011 at 14:26
gokil dah,
seu mama pina, ering-sering posting tentang jalan-jalan yeh .
Aji Prast17 October 2011 at 14:56
wiideeiihh ... rame bener acaranya, serame tulisan ini, lengkap benar infonye. Salut :)

Salam kenal yak.. ane doain dari sini, moga-moga soulmate kancutnya cepet ketemu .he.he.he.

mampir juga ke blog kita, nulis2 apa gitu, buat kenang-kenangan.. sekalian jadi teman juga di blog.

Wassalam mpok, ane pamit yak.
Inda17 October 2011 at 16:53
Asoooy dah mpok supineh
Makin kece aje ye.
Noh kerak telornye bikin aye ngiler aje :9
Oiye sukses ye empunye kancut :D
Aye ngepens bgt sm empok+blog empok
LoPhE yOu pHull dAh :*-_-
Delllana17 October 2011 at 16:57
"nyang mentah ade..nyang mateng juge ade.."

wkakaka

keren ka vinaaa T_T secara gitu aye orang betawi jg.. gak tau ada acara begituan sih huhu
febykdewi17 October 2011 at 17:14
aseeekkk yeee kayaknyeee gilagilaan sendiriann, gatakut dibilang anak ilang mpokkkk?? :D
nice posting, sis!!
diori17 October 2011 at 22:44
saya kira yang lagi nyayi itu ka pinia wkwkwkw ternyata bukan hehe piss.

btw Lebaran betawi seru juga. kalo ada lagi kabar2in lah kapin sekalian kopdara ama anak kancut beringas hehe
Kurnia Rahman17 October 2011 at 23:27
akhirnya nongol juga goVlog nya si Pina.. #eh
Selamat yahh *apaan?
ane doain dapat deh tu hadiah :D
Abah18 October 2011 at 13:37
gue juga pemgen dateng waktu itu, tapi kejauhan ga tau jalan sama ngajak temen juga ga ada yang mau. huhu
Ardhito Dharma20 October 2011 at 10:26
Nilai plus buat videonya kakak :D
cerewet bener ya situ hahah :D
Ca Ya20 October 2011 at 14:35
aye jd gmaneeee gtu bace postingannye hyeehehehehe....pake 'e' smue hehehhe...
wah,,,rame bet ituuhhh,,,lom prnah ngerasain lbaran betawi,,,taunye jg lbaran ktupet #eh
Galuh Parantri3 November 2011 at 12:03
#DukungSiMpokIniJadiAbNonJakarte2014 #eaaa