TIPE BLOGGER APE SIH LO?

Irvina Lioni

Udeh hampir 3 tahun gue bermain-main dengan blog. Tentu aje gue tau tipe-tipe blogger yang biasa gue temui di dunia maya. Kayak ape aje tuh?

Nah buat yang mau tau, silakan lanjut baca tulisan ini. Ngerasa ya syukur, gak ngerasa ya gak apa-apa. Gak dosa ini. Muahaha. Cekibrots!

*kalo ngerasa maap-maap aje nih wakakakak*

1. Blogger Curcol Lover

Merupakan tipe blogger yang kebanyakan isi tulisannye berupa curcolan. Pokoknye semua aktivitas keseharian dia diungkap di blog. Ya gak ape-ape sih gue mah kagak ngelarang, yang terpenting mah jangan sampe mengumbar aib. Kayak ape aje, tuh? Misal, elo pernah ho'oh sama pacar lo di kost-an. Apa perlu itu diungkapin di blog? Soalnye blog itu bisa diliat sama sape aje. Kalo ketauan elo pernah gitu, lo kagak takut kalo misalnye ada temen baca dan ngadu ke ortu lo?

Lagian aib mah mending ditutupin, jangan diungkap! Kata Mamah Dedeh, DOSA!

MAMAH, CURHAT DOOOOOOOOONG!

Biasanye, blogger yang suka curcol di blog lebih diincer sama penerbit. Kagak tau dah kenape penerbit banyak yang mau menerbitkan blog-blog yang isinye curcol, semenjak demam Si Kambing Jantan. Ya gue sih kagak ngelarang, silakan aje asal curcolnye yang menarik hihihi.

Nah, buat Blogger Curcol Lover yang mau dapet banyak pembaca, ini dia tipsnye :

Eh curhat dong. Masa pacar gue bulu keteknye bisa dikepang loh! Hihihihi.

a. Isi blognye musti menarik. Menarik kayak gimane tuh? Ya misal, kalo elo pengen punya pembaca abege, pake bahasa sehari-hari dan lucu. Nah blog yang isinye lucu emang sekarang banyak banget yang suka. Tapi saingannye banyak. Maka dari itu, kelucuan lo musti ada ciri khas pembedanye geto. Jangan sampe elo sok ngelucu dan copas lucu-lucuan dari blogger yang lebih senior.

Buat yang lagi stay di luar negeri, bagus tuh curcolin soal kehidupan lo disono. Biar pembaca tau, kayak ape sih kehidupan disono gitu. Misal dari segi bahasa, budaya, makanan, fashion, dll.

Eh tapi buat lo yang tinggal di daerah-daerah, bisa juga sih ngebahas soal daerah lo. Misal, jajanan khasnye ape sih yang enak? Ada event ape aje yang musti diliat? Curcol bermanfaat nih!!!

b. Hati-hati kalo mau menyinggung soal seseorang, kelompok, lembaga atau perusahaan (TERUTAMA perusahaan lokal) tertentu. Takut kena UU ITE dan lo dianggap mencemarkan nama baek. Jadi, kalo misalnye lo mau ngomongin soal itu, ada baeknye pake nama samaran, inisial atau kode apa gitu.

c. Ati-ati dalam penggunaan kata. Kalo ada kata-kata yang kurang pantes, disensor pake tanda *.

2. Blogger Fashionable

Merupakan tipe blogger yang demen banget sama fashion. Baju, celana, ~~kancut, beha,~~ tas, sepatu dan aksesorisnye pasti selalu ada yang baru, minimal seminggu sekali. Ada yang suka barang-barang fashion branded, ada pula dari Tenabang dan Pasar Senen (Yah, ini sih gue banget wakakakak). Biasanye, mereka ngeblog cuman buat kasi liat barang-barang fashion terbarunye. Tapi sekarang kebanyakan mereka sekalian promosi barang jualannye, sih. Udeh banyak banget Fashion Blogger yang udeh punya usaha di bidang fashion sendiri. Jadi kalo misalnye mereka pake baju atau sepatu, eh ujung-ujungnye promo. Ya kagak ape-ape sih, itung-itung rekomendasi, kan.

Diana Rikasari dengan baju kelelawarnye. Mauuuuuk!!!

Kalo mau jadi tipe blogger ini, kalian harus :

a. Banyak duit. Duit adalah salah 1 modal terpenting kalo lo mau menghidupkan blog yang berbau fashion. Atau...ya banyak-banyak nabung biar bisa beli barang-barang fashion di mall atau di pasar.

AKKKKK, MAU DOOONG ISI LEMARINYEEEEE!!!

b. Kreatif untuk mix-match antara baju, celana, sepatu, tas dan aksesoris.

c. Up to date soal fashion! (liatin blog, website dan majalah berbau fashion dari dalam dan luar negeri).

d. Pinter dandan. Iyelah, biar maksimal penampilan lo. Ya kagak usah yang ribet-ribet kayak Syahrini juga sih. Yang penting pas pake lipstik kagak belepotan.

dandanan Dian Pelangi bagus nih kagak menor.

e. Punya kamera. Apelagi kalo kameranye canggih.

f. Bisa edit foto. Ya namanye juga bakal banyak difoto, biar tambah manis kan musti diedit dulu. Editannye sederhana aje sih, ya minimal bisa ngedit di Instagram lah. Muahahaha.

Contoh foto editan yang dibikin sama @SoniaEryka

g. Unik. Makin gila dan ekstrim busana lo, makin dapet perhatian banyak orang!
h. Pinter Bahasa Inggris. Kagak tau juga sih kenape kebanyakan Fashion Blogger pada pake bahasa Inggris. Biar bisa dibaca sama orang sedunia kali, ye? Kan semua orang di dunia, khususnye cewe, demen banget sama yang namanye fashion. Ya kalo misalnye kalian mau seterkenal Diana Rikasari atau Evita Nuh, kayaknye mau kagak mau musti pinter tuh bahasa.

i. Be your self! Pakelah busana yang bikin elo nyaman! JANGAN IKUT-IKUTAN PUHEEELIS!

Kira-kira Evita Nuh nyaman gak ye pake baju beginian di Pantai Ancol? (soalnye nih poto diambilnye disono, kan puanassss gelak!)

3. Blogger Ikut-ikutan

Merupakan blogger yang bikin blog karena ikut-ikutan temen dan idolanye. Ya kagak ape-ape sih, ngeblog kan kegiatan positif. Daripada lo ikutan nyimeng sama temen, kan dosa!

Namun, menurut gue ye, kalo udeh nyemplung di dunia per-blog-an, seharusnye musti continue. Jangan cuman bentaran. Sayang banget, karena blog ini salah 1 media yang bisa mewujudkan keinginan lo kalo mau diseriusin. Misal, bikin buku, kenal sama idola, jadi artis, dapet duit, dll.

4. Blogger Nyari Duit

Merupakan tipe blogger yang memanfaatkan blognye 100% buat nyari duit. Ada yang bikin blog cuman buat memperlihatkan barang jualannye. Ada pula yang memenuhi blog dengan banyak banget iklan. Paling males sih liat blog yang penuh banget sama iklan, apelagi yang iklannye berisi gambar porno dan menutupi seluruh halaman blog. Pernah liat, kan??!!

5. Blogger Seniman

Merupakan tipe blogger yang memanfaatkan blognye sebagai tempat memperlihatkan karya. Seperti puisi, cerpen, lagu, video, animasi, gambar, fotografi, dan lainnye. Ya baguslah, itung-itung blognye dijadiin porto folio kalo ngelamar kerja. Hihihi.

6. Blogger Hoax

Merupakan tipe blogger yang sangat menyembunyikan identitasnye. Mereka biasanye pake nama samaran atau palsu. Isi blog mereka biasanye berisi kritikan, kejelekan orang laen, aib, fitnah, SARA, dll. Dengan santainye mereka bikin tulisan kayak gitu tapi kagak berani ngebuka identitas. Cih! Cemen banget!

foto cowo cakep kayak gini biasanye dipake sama akun-akun HOAX. (psssttt, bulan lalu gue berhasil nge-gap blogger hoax yang pake foto ini loooh! ati-ati yak! di pesbuk juga ada! pokonye cowo asli di dalem poto ini berasal dari Filipina, bukan Indonesia).

Blogger hoax biasanye juga pasang foto palsu. Atau nggak foto yang editannye aneh-aneh. Kebanyakan demen nyari sensasi, biar banyak yang mengunjungi blog mereka gitu, deh.

Paling males dah gue sama tipe blogger kayak gini.

7. Blogger Ala Wartawan

Tipe blogger yang tiap hari update blognye. Udeh kayak koran atau majalah online aje gitu. Trus yang dibahas kebanyakan kayak artikel-artikel di koran atau majalah. Misalnye soal tips, politik, budaya, dll. Pokonye kalo baca blog mereka udeh kayak baca kompas, detik atau vivanews aje dah!

8. Blogger Iseng

Tipe blogger yang kalo nulis cuman buat iseng dan buat mengisi waktu luang. Tulisan blognye random. Curcol kek, artikel ala koran/majalah kek, gambar kek, foto kek, dll. Ya biarin lah, namanye juga iseng. Asal kagak isengin orang aje.

iseng yang sangat keterlaluan.

9. Blogger Copas

Isi blognye copasan dari blog atau website laen. Cape deh! Kagak kreatippp!

10. Blogger Bingung

Blogger bingung adalah gue ini yang bingung mau ngomong ape lagi. Yaudehlah yang penting pas ada 10. MUAHAHAHAHA!

Begitulah pendapat gue soal Tipe Blogger yang gue ketahui. Sekali lagi nih, maap-maap aje kalo misalnye ada yang kesinggung. Dimaapin kagak? Kalo kagak, gue kasi duit monopoli, nih!

SO, KALIAN TIPE BLOGGER KAYAK APE NIH?! ATAU PUNYA TAMBAHAN/MASUKAN? Silakan komen yakkk!