Ciye yang Novelnye PLAGIAT Ciyeeee

Holla semua temen-temen pembace, ape kabar nih? Sehat semua kan? Gimane hatinye, masih ada bayangan masa lalu? Hihihi.

Anyway, seperti yang udeh dijanjiin sama gue beberapa hari lalu bahwa gue akan membahas soal kasus novel yang isinya boleh copas sono-sini dari artikel-artikel di internet. WHAT? NOVEL? CIYUS LOOOCCH?

Gile ye, ternyate kasus plagiat dalem penulisan kagak cuman bisa ditemui di blog-blog. Bahkan hingga merambah ke karya kreatif macem novel. Mane tuh novel diterbitin sama penerbit guede pula. Gile aje, loh. Itu penerbitnye pegimane jadinye dah bisa nerbitin barang hasil plagiat?

Plagiarisme atau sering disebut plagiat adalah penjiplakan atau pengambilan karangan, pendapat, dan sebagainya dari orang lain dan menjadikannya seolah karangan dan pendapat sendiri. Plagiat dapat dianggap sebagai tindak pidana karena mencuri hak cipta orang lain. – WIKIPEDIA (http://id.wikipedia.org/wiki/Plagiarisme)

Mungkin banyak bertanya-tanya, ape sih nama novelnye? Penerbitnye sape? Sape pula penulisnye? Oke, untuk ketiga nama ini, gue kagak mau ngebeberin secara detail. Cukup pake nama inisial mereka aje. Bukannye gue pelit, tapi hal ini buat menghindarkan adanye keuntungan secara sepihak. Loh, maksudnye? Yaaa menurut gue entar yang enak mereka, gegara novelnye diomongin dimari eeeh malah tuh novel jadi best seller. GUBRAAAKK. Hahaha, yeee kan bisa jadi. Cuman kagak tau juga deh ape kalian berminat beli novel plagiat ituh? Gue sih kagak minat.

Tapi, tenang aje. Gue akan kasi clue soal nama novel, penerbit, dan penulisnye dimari. Tapi berupa hyperlink, jadi kalo ada tulisan yang dipertebal, klik aje.

Jadi ceritanye gini, berawal dari keisengan gue ngebuka Twitter dan tiba-tiba secara kagak sengaja gue nemu timeline @masova yang ngomongin soal kasus plagiat pada sebuah novel. Bahkan kasus tersebut udeh diinvestigasiin di dalem sebuah blog yang keliatannye sih baru dibikin. Blog itu bisa kalian klik sini.

Pas gue baca tuh blog, gue kaget juga sih. Buset dah, nih orang kenape bisa tau tuh novel boleh hasil ngejiplak? Kenape nih orang niat bener mengungkapkannye secara rinci? Apakah si penulis blog itu berasal dari kompetitor si penulis atau penerbit? Apakah blog itu bener-bener hanya permainan si penerbit dari novel plagiat itu, biar barangnye laku gegara sensasi? Apakah gue nulis tentang beginian dengan maksud pengen menjatuhkan penerbit dan penulis itu, karena gue sendiri baru bikin buku (maksudnye biar kagak kalah saing :p ) ? Hahaha, gue akan ngejawab semuanye di paragraf berikutnye! Simak baek-baek, bacanye jangan dilompat-lompat!

Adalah “A”, si penulis novel berinisial AIHVJ. Novel tersebut diterbitkan oleh “G”, salah satu penerbit yang setau gue juga suka melahirkan novel-novel romance. Kebetulan, AIHVJ merupakan novel romance. Novel ini menceritakan tentang seorang gadis Jogja yang pernah menetap di Belanda. Katanye sih, nih kisah terinspirasi dari kisah sepupunye si “A” yang masih sampe sekarang tinggal di Belanda, udeh 14 tahunan, laaaah. Untuk lebih lengkapnye, bisa kalian baca sendiri di blog pribadi si penulis, klik sini.

Pertanyaannye, kalo emang beneran tuh novel terinspirasi dari sepupunye, kenape si “A” malah banyak nyomot penggalan kalimat dari banyak artikel di internet? Kenape kagak nanya-nanya lebih jauh tentang Belanda ke sepupunye? Kan bisa nanya-nanya, dengan intensif chatting, misalnye. Kalo emang kepepet deadline atas pengumpulan naskah hingga novelnye jadi minim informasi tentang Belanda, riset melalu internet emang dibolehin. Tapi riset itu tentu aje beda dengan menjiplak. Kenape “A” melakukan penjiplakan, padahal doi sebelomnye udeh pernah menelurkan 3 buku? Kenape “A” yang seharusnye bisa dikatakan sebagai penulis profesional karena udeh punya 4 buku malah kagak ngarti ape itu PARAFRASE? Kenape “A” yang mengaku lancar berbicara dengan tulisan malah MALAS atau terkesan KAGAK MAMPU untuk membuat kalimat baru yang terinspirasi atau direferensikan dari tulisan milik orang laen?

Parafrase adalah istilah linguistik yang berarti pengungkapan kembali suatu konsep dengan cara lain dalam bahasa yang sama, namun tanpa mengubah maknanya. Parafrase memberikan kemungkinan kepada sang penulis untuk memberi penekanan yang agak berlainan dengan penulis asli. – WIKIPEDIA (http://id.wikipedia.org/wiki/Parafrase)

Awalnye gue berpikir, bahwa investigasi mengenai novel AIHVJ cuman sensasi penerbit “G” doang. Karena perbandingan antara tulisan di dalem novel dengan sumber aslinye kagak pake foto bukti isi bukunye (soal ini sampe dibahas sama komentator tuh blog investigasi). Karena penasaran, pada Jumat sore gue ke Gramedia Taman Anggrek dan sempat susah payah nyari tuh buku. Akhirnye di meja Buku Baru, gue nemuin tuh novel. Covernye warna ungu. Plastiknye gue minta bukain ke abang-abang Kastemer Serpis yang sebelomnye udeh kenalan sama gue #EAAAA. Trus salah 1 halaman buku gue foto biar gue bisa bandingin sama sumber aslinye. Tadinye sih mau gue fotoin sampe beberapa halaman, cuman dimarahin sama mbak-mbak Gramedianye. Huhuhu.

Paragraf 2 dari bawah boleh jiplak dari >> http://rohmanalbantani.blogspot.com/2010/04/keukenhof-secuil-taman-surga-di-daratan.html

Gue lalu berbincang dengan si Bang Ferdi, nama si Kastemer Serpis itu, yang ujung-ujungnye modus trus minta nomer gue dan malemnye smsan sama gue (yeelah, soswit bener woakakakak!). Hadeeeh, maap jadi salah fokus. Oke deh, gue berbincang sama Bang Ferdi, ngomongin soal si novel AIHVJ. Lalu doi buka internet di komputernye dan ngecek isi bukunye serta sumber aslinye. Dan... JENG JENG! Ternyate sama! Ternyate si blog investigas itu kagak bohong! WHOAAA, BUMI GONJANG GANJING! FREEMASON BERHASIL MELAKUKAN  THE NEW WORLD ORDERNYE! DAJJAL AKHIRNYE MUNCUL DARI SEGITIGA BERMUDA! GUE AKHIRNYE KAWIN SAMA SIWON! *buset, ini maksudnye ape?*

Ada yang bilang, “Ah, itu mah strategi marketing si penerbitnye aje kali!” WHAT? Kalo emang menjadi strategi marketing penerbit, gue rasa itu adalah perlakuan yang salah. Soalnye si penerbit udeh terbukti salah atas keteledorannye. Kan bisa bikin nama penerbitnye jelek juga, ye kagak? Gue sih kagak yakin penerbit segede gitu sampe bikin strategi marketing kayak gitu. Gue yakinnye si penerbit cuman teledor aje. Apakah novelnye akan ditarik? Gue kagak tau, karena sampe sekarang kagak ada berita tentang penarikan tuh novel dari pihak penerbitnye langsung. Bahkan permohonan maafnye gue tunggu-tunggu sampe sekarang malah kagak ada. Mungkin takut tuh novel kagak laku di pasaran. Ya, namanye juga cari duit...

DIMANE SIH EDITORNYE? KOK KAGAK PERIKSA NASKAHNYE DENGAN BAEK, SIH?

Kesibukan editor itu sangat padat. Dan katanye sih, editor itu kagak diwajibkan buat ngecek-ngecekin tulisan di dalem naskah ke internet (googling), untuk mengetahui ape tuh naskah boleh jiplak dari website/blog orang laen. Hmmm, untuk jaman sekarang kayaknye editor musti ngecek-ngecekin naskah lebih dalem, deh. Yah, namanye juga kite udeh berada di posisi serba GAMPANG.

Untungnye si penulis “A” udeh meminta maaf via akun twitternye. Beruntung, segala cercaan akhirnye terhenti setelah doi udeh minta maaf. Ya tau sendirilaaah, orang Indonesia kebanyakan pemaaf. Udeh dimaafin, trus lupa sama kesalahannye. Ya udehlah, bagus juga si “A” udeh ngaku, cuman pengakuannye musti dipublish juga tuh di website penerbit bahkan blog pribadinye. Kalo bisa, bikin pers conferencenye tuh trus dipublish di media massa. Kalo cuman di Twitter mah, dampaknye dikit. Followersnye aje baru 700an. Kesian juga sama para pembaca novelnye, kan, udeh beli novel yang kagak ada kreatif-kreatifnye banget.

Untuk alesan “A” bahwa tulisannye dicopas biar datanye akurat, tentu aje oon. Dimane-mane kalo mau tulisannye dibilang akurat, ya musti dicantumin sumber atau daftar pustaka. Sayangnye, AIHVJ itu berupa novel, sih. Agak aneh aje ye kalo ada novel yang ada daftar pustakanye. Ya cara terbaeknye cuman dengan melakukan parafrase.

Jujur aje, sebenernye gue kecewa juga karena makin banyak penulis merangkap sebagai plagiator. Contoh kasus yang ditulis Wikipedia (http://id.wikipedia.org/wiki/Plagiarisme) antara laen :

•  Helen Keller dituduh pada 1892 menjiplak cerita pendek The Frost King dari karya Margaret T. Canby The Frost Fairies. Ia diadili di depan Perkins Institute for the Blind, dan dibebaskan dengan selisih satu suara. Ia menjadi paranoid akan plagiarisme sejak itu dan khawatir bahwa ia telah membaca The Frost Fairies namun kemudian melupakannya.
• Alex Haley dituntut oleh Harold Courlander karena sebagian novelnya Roots dituduh meniru novel Courlander The African.
• Dan Brown, penulis The Da Vinci Code, telah dituduh dan dituntut karena melakukan plagiarisme dua kali.
• Novel pertama Kaavya Viswanathan How Opal Mehta Got Kissed, Got Wild and Got a Life, dilaporkan mengandung jiplakan dari setidaknya 5 novel lain. Semua bukunya ditarik dari peredaran, kontraknya dengan Little, Brown, and Co. ditarik, dan sebuah kontrak film dengan Dreamworks SKG dibatalkan.

WOY PIN, ELO KENAPE BAHAS TENTANG BEGINIAN? MAU MENJATUHKAN KARYA PENULIS LAEN? HAH?

Woy, tentu aje kagak. Penulis “A” beserta bukunye bukan pesaing gue. Wong genrenye aje udeh beda. Buku gue bareng @kancutkeblenger bergenre komedi dan berasal dari Personal Literature. Sedangkan si “A” adalah novel romance. Bukan tandingan. Gue nulis beginian cuman sekadar ngasi informasi lebih lanjut aje dan biar kalian bisa ngambil hikmahnye.

Nah, buat temen-temen pembaca semuanye, gue harap sih kalian kalo bikin karya jangan sampe dari hasil copasan, deh. Apelagi kalo boleh ngopas dari internet. Begonye keterlaluan banget karena selama search engine macem Google masih eksis ya semuanye bisa ditebak. Udehlah mendingan sekarang silakan berkarya sesuai kemampuan, jangan maksain diri. Yang penting ORIGINAL. Ye kagak? Iye dong!

Sekian tulisan gue kali ini, moga bermanfaat dah ye. Mohon maaf kalo tulisannye bikin nyelekit. Oh iye buat yang pengen beli buku KANCUT KEBLENGER: DIGITAL LOVE, silakan cari di Gramedia terdekat karena sekarang bukunye udeh ada di seluruh Gramedia se-Indonesia. INGET, HASIL ROYALTI BUAT CHARITY! Jadi, kapan lagi ye kan kalian beramal? *ujung-ujungnye promosi hihi*

Oh iye hampir lupa, buat anak jurnalistik atau sastra yang mau bikin skripsi, bisa nih ngejadiin tuh novel buat penelitian. Judulnye : PRAKTEK PLAGIARISME DALAM NOVEL BLABLABLA DENGAN KAJIAN BLABLABLA (judul fixnye bukan kayak gini, tapi kurang lebih ya bisalaaaah, silakan tanyakan pada dosen pembimbing).

Makasih. Mwaaah :*

Sumber Gambar:

http://cetusanhati.com/personal-life/blogger-dan-plagiat-suatu-tindakan-yang-tidak-beretika
http://www.profesi-unm.com/2012/12/pps-unm-miliki-software-deteksi-plagiat.html
http://lib.geo.ugm.ac.id/main2/?paged=2
http://hiburan.kompasiana.com/gosip/2010/08/29/aku-seorang-plagiator-kah-242934.html
http://maripeduli.blogspot.com/2011_11_20_archive.html