Tipe-tipe Selebtwit yang Kudu Lo Ketahui

Tipe-tipe Selebtwit yang Kudu Lo Ketahui

Selebtwit adalah mereka yang punye pengikut banyak banget pengikut di Twitter. Belom diketahui pasti sih berape batasan minimal hingga seseorang bisa disebut sebagai selebtwit. Ade yang bilang minimal 1000, 5000, 10000, dll. Kagak tau pasti, sih.

Selama kurang lebih empat tahun gue maen Twitter, selama ntu pula gue mengamati pergerakan para pengguna Twitter. Ade yang nyenengin, nyebelin, banyak dah. Dan semakin lama, yang gue liat adalah makin banyak orang yang kepengen jadi selebtwit. Motivasinye biar berasa terkenal hingga tentu aje faktor ekonomi. Terkenal? Ya bisa-bisa aje, cuman kalo lo punye followers banyak banget karena beli, percuma aje. Tolol ntu namanye, wong followers lo orang bule gaje ame telor semua. Buat ape followers banyak kalo interaksinye nihil? Ciyan beud dech!

Motivasi ekonomi? Nah ini bisa juge sih. Karena jaman sekarang lo bisa kaya karena ngetwit doang. Tapi inget, kagak semua orang berfollowers banyak bisa dapetin duit karena ngebuzzer. Kalo isi twit lo cuma curhatan, makian, vulgar mulu, dan kagak NICHE (berkarakter khusus, misal soal cinta mulu), ya pastinye kagak bakal ade agensi yang mau pake lo.

*uhuk* *anak agensi nih*

Dan motivasi laennye yang masih nyerempet kedua poin di atas adalah : BIAR JADI PENULIS BUKU. Ya abisnye gue liat, sekarang orang-orang pada bikin niche di setiap Twitternye. Terus pade deketin orang-orang penerbit, caper-caper ke penulis, dll. Mungkin karena lagi berkembang isu kali ye kalo mau jadi penulis buku ya followersnye kudu banyak (plus banyak caper). Jadi yaudeh tuh, banyak pengguna Twitter yang tiap ngetwit punye ‘karakter khusus’ dan melakukan banyak strategi. Salah? Silakan beropini. Gue sih bodo amatlah, yang jelas gue tau kok masih ade penerbit yang WARAS mau jadiin seseorang sebagai penulis karena emang berbakat, bukan karena BERFOLLOWERS banyak. Kalo pun ade penerbit ‘nakal’ kayak gitu, ya maklumi aje, namanye juge mereka butuh DUIT.

kate selebtwit wanna be

Yang jelas, kalo emang mau jadi penulis buku, usahakan bikin yang emang meaningfull aje. Biar kagak sayang ame pohon yang ditebang. If u know what I mean J

(Udehlah, nulis blog aje mendingan. Hehehe).

Nah, sekarang gue mau mengklasifikasi beberape tipe selebtwit. Kayak ape aje ye? Silakan disimak:

1. Jadi Selebtwit selebriti

Yang ini tentu aje lah, ye. Kalo lo udeh jadi selebriti dan sering wara-wiri di media (apelagi TV), tentu aje lo bakal jadi selebtwit. Cara ini tergolong cepet, makin sering lo wara-wiri di media makin banyak banget followers lo. Cuma ya gitu, buat jadi selebriti kan kagak cepet juge sih... butuh strategi dan modal banyak. Strateginye? Mulai dari berkarya, sensasi, nebeng tenar selebriti laen, dll. Modal banyak? Yaiyelah, lo kira kalo mau jadi artis kagak ngeluarin duit dulu?

2. Selebtwit karena punya karya

Penulis buku, Youtuber kreatif, blogger keren, nah ntu tuh beberapa profesi yang bisa bikin lo dapetin banyak followers. Kuncinye yang penting lo konsisten berkarya dan promo. Jangan lupa bikin semenarik mungkin.

Gebet selebtwit bisa bikin lo juga ketularan jadi selebtwit, lho

3. Selebtwit yang bisa jadi selebtwit karena bergaul terus/pacaran sama selebtwit #halah

Banyak kok yang kayak gini. Gue sering liat beberapa Selebtwit yang gue rasa sih bukan siape-siape, tapi karena sering bergaul atau pacaran ame selebtwit eh jadi ketularan banyak deh followersnye. Terus dari sini, banyak orang laen yang berbondong-bondong ngedeketin selebtwit. Dengan mention ke orangnye tiap hari, caper-caper pas ketemu, banyak dah. Numpang ngakak aje :p

4. Selebtwit Wanna Be

Katakanlah golongan ini berkumpul lalu membentuk sebuah jaringan. Dan di jaringan ntu mereka kayak saling support satu sama laen. Pokonye kompak, deh. Cara mereka ngetwit juge diusahain berkarakter banget. Ade yang vulgar banget. Puitis banget. Gaje banget. Pokonye ngikutin gaya selebtwit yang udeh punye ratusan followers banget, dah. Biasanye selebtwit golongan ini sering caper ke selebtwit papan atas dan kagak punye karya  berarti yang bisa mendampingi kehidupan nyeleb mereka.  Oh, mungkin mereka pemegang prinsip: ngetwit banyak dulu, berkarya kemudian. Kagak tau, dah. #uhuk #melipir

sok selebtwit? eaaa sape tuh~~

5. Siluman Selebtwit

Ini sih selebtwit yang suka beli followers. Atau gak yang pake aplikasi buat banyakin followers mereka. Golongan ini bikin gue kesian, sih. Mau punye pengikut ampe segitunye.

6. Selebtwit Pasar

Tipe selebtwit yang isi twitnye ngikutin selera pasar. Misalnye, dengan mengobral kelucuan, galau, tukang nanya, zodiak, tips, dll. Hampir jarang melihat isi twitnye yang lagi berdialog dengan temennye. Tipe ini biasanye bakal dijadiin penulis buku ame penerbit-penerbit yang (bagi gue lagi) KEKURANGAN PENULIS. EAAAA~~

PERHATIAN PERHATIAN! KALO LO MAU TERKENAL, HARAP NGACA!

7. Selebtwit Sensasional

Di Twitter ntu, lo bisa banyak banget nemuin akun penuh sensasional. Mulai dari si Macan kampret yang selalu bersensasi di dunia politik, twit ngehe yang biase dibikin ame si Farhat Abbas, hingga para jablay kampungan yang berbondong-bondong pamer badan telanjang (nah, kebanyakan sih pade kagak berani liatin MUKE, dapat dipastiin mukenye ANCOOORRR!).

Khusus poin ini, gue 100% KESIAN BANGET~~

8. Selebtwit Kurang Terkenal (Sekuter)

Selebtwit yang followersnye udeh banyak banget tapi kurang terkenal. Twitnye lumayan bagus tapi sayang jarang di-RT ame followers dan dapet perhatian dari agensi. Biasanye sih mereka yang bertipe ini kurang suka caper ke selebtwit papan atas. Kebanyakan silent reader aje. Dan bisa jadi tipe ini adalah mereka yang cuma menggunakan Twitter buat mempromosikan karyanye.

9. Calon Selebtwit

Biasanye baru punye puluhan dan ratusan followers. Namun mereka selalu berusaha ngasi twit berkarakter. Yaudehlah, didoain aje moga cita-citanye buat jadi selebtwit keijabah.

Nah, kalo temen-temen pembace, udeh ngerasa jadi selebtwit belom nih? Termasuk tipe ape? :p

Ade tambahan kagak nih? Atau ada yang ngerasa jadi salah satu tipe di atas? :p

Sumber Gambar:

http://kiradavis.net/tweet-mozilla-today-dont-censor-the-web/
http://simpliflying.com/2013/promoted-tweet-against-british-airways-airline-customer-service/
http://mashable.com/2012/07/20/nra-tweet/
http://infoperempuan.com/apakah-anda-sulit-bergaul-di-lingkungan-baru/
http://www.vemale.com/relationship/keluarga/12903-saat-anak-mulai-bergaul-sendiri.html