Waspada Modus Hipnotis Terbaru Ini!

Dear temen-temen yang gue kasihi. Kali ini gue mau berbagi tentang modus hipnotis terbaru yang kudu kalian ketahui. Modusnye ini kalo menurut gue sih aneh banget. Tapi ini bener-bener terjadi dan dialami ame orang disekeliling gue. Kalo berkenan, mohon disimak dan dibagikan ke orang lain biar mereka kagak jadi korban hipnotis berikutnye. Cekidots!

1. “ANAK ANDA KAMI TAHAN!”

Nah, ini pernah dialami ame bokap gue beberape waktu lalu. Jadi ceritanye bokap gue lagi asik kerja. Eh tiba-tiba dapet telpon yang mengaku dari kepolisian. Tuh polisi ngomong gini, “Anak anda kami tahan karena terbukti membawa narkoba!” Bokap gue langsung kaget, untung kagak ade penyakit jantung! “Hah? Anak saya tertangkap?” “Iya, anak anda tertangkap, atas nama Gilang Robbi” (Nah, cocok banget kan emang nama adek gue ntu, makanye bokap gue sempet percaye).

Dan sayup-sayup terdenger suara adek gue, “Papa... papa... tolong...”

Nah, si polisinye abis itu minta duit jaminan sebesar berape juta gitu. Terus bokap gue mikir-mikir, ape iye anaknye bener pake narkoba? Trus itu si polisi kok belom ape-ape udeh minta duit minta telpon? Bokap gue mikir-mikir  lagi dong... karena was-was, akhirnye doi telpon ke hape si Gilang, eh pas banget hapenye mati. Yaudeh tuh, si bokap langsung meluncur ke sekolah dan.... tereeeengggg.... adek gue ternyate ade noh di dalem kelas lagi asik belajar -___-

2. SUARA GAIB

Tepat satu bulan lalu, Rizka, anak tetangge gue yang berusia 19 tahun pulang dari ngelawat. Waktu ntu diye pulang dengan motornye, sekitar pukul 7 malem. Di jalanan yang sepi, tiba-tiba kayak ade yang manggil, “Rizka... Rizka... sini dong... sini dong...” Lalu diberhentikanlah si motor di pinggir jalan. Si Rizka nengok kanan, nengok kiri, kagak ade orang. Hingga tiba-tiba, dunia terasa gelap. Rizka pingsan.

Rizka ditemukan warga setempat di pagi hari. Doi udeh kayak orang linglung, ditanye rumahnye dimane malah ngangguk-ngangguk. Para warga lalu ngambil dompet di tas Rizka, ngeliat KTPnye, terus dianter balik. Ortu si Rizka cengo, ini anaknye kenape tiba-tiba jadi orang linglung? Terus kenape motornye kagak ade? iPad, duit di dompet, hape? Buset, ludes semua!

Dan si Rizka baru sadar setelah tiga hari sesudah kejadian. Tapi tetep diye kagak tau persis gimane jadinye diye bisa menjadi korban hipnotis dari suara gaib tersebut. Astaga.

3. MINTA PULSA, DONG

Mama, Papa, minta pulsa? Udeh biasa! Nah berikut ini kejadiannye bener-bener luar biasa! Jadi nih, tetangge gue yang laen, Om Didin, ceritanye lagi asik betulin pompa aer. Hingga si istri manggil, katanye ade telpon dari adeknye  si Om di kampung. Pas diangkat, kebetulan emang suaranye persis, jadi kagak curiga. Si Om lalu ngobrol ame orang di telpon tersebut.

Om Didin (OD): siape nih?

Penipu (P): ini adikmu, Aa. Masa lupa? Jadi gini, saya perlu pulsa 200 ribu...

OD: oke, nanti ditransfer!

P: sekarang ya A, ke nomor ini!

OD: iya iya!

Si Om lalu ngutang pulsa ke warung. Kagak lama, si penipu nelpon lagi minta pulsa. Si Om lalu ke Alpamart, beli pulsa berape ratus gitu. Nah, si kasir Alpamart udeh curiga noh kalo si Om ditipu, sehingga doi pura-pura mini marketnye mati listrik (padahal mah, listriknye sengaja dimatiin). Si Om ngamuk-ngamuk kayak orang gila (FYI, padahal nih orang kagak pernah ngamuk-ngamuk lho, alim gitu!). Dan diye lalu keluar, betulin-betulin listrik biar nyala lagi, dan listrik pun nyala. Diye pun ngamuk-ngamuk lagi, "MAKSUD LO APE HAH MATI MATIIN LISTRIK GINI? BURUAN KASI GUE PULSA!!!"

"Pak, bukan nape-nape Pak, kite tuh kesian ame bapak, udeh ditipu!"

"SAYA GAK DITIPU!!!!"

"Yaudeh dah kalo gitu, bapaknye juge maksa, jangan nyesel ye!"

Sesampe di rumahnye, Si Om cengo ame yang udeh dilakuin... trus diye nelpon nomer si penipu tadi dan KAGAK AKTIP! Diye telpon dah nomer adeknye yang beneran, nanye-nanye kenape minta pulsa banyak, dan adeknye cengo, "Apaan sih, sape juge yang minta pulsa ke lo?"

Dan seketika..... dunia terasa dihantam meteor. Si Om pun nangis karena diye baru sadar abis ditipu orang -___-

***

Sebenernye ade banyak bener kejadian-kejadian penipuan yang gue tau, cuman kebanyakan pasti modusnye minta pulsa. Nah biar kite semua kagak ketipu, yang penting mah banyak-banyak berdoa aje dah ye. Iye gak?

Hati-hati guys!

Btw jangan lupa ikutan give away gue yeee, klik MARI.

Punye cerite tentang hipnotis yang laen? YUK BERBAGI!

Pic: http://www.pinterest.com/pin/67976275598990687/