Hal-hal Nyebelin yang Biasa Terjadi di Indonesia

YAH BEGITULAAAH

Kadang gue sempet mikir kepengen pindah kewarganegaraan. Sepupu gue pun berujar serupa dan mengajak pindah karena udeh kesel banget ame banyak orang Indonesia yang nyebelin. Mangkenye susah bener buat bikin kite sebagai negara maju, wong kelakuan dan moralnye aje lebih purba dari manusia purba sendiri, kok!

Dan berikut ini hal-hal nyebelin yang biasa terjadi di Indonesia dan seringkali gue temui.

1. HAJATAN SIH HAJATAN, KOK MENGHALANGI JALAN?

Walaupun cuma sesekali dilakuin, tapi serius deh hajatan yang digelar sampe menghalangi jalanan ntu nyebelinnye setengah mampus. Emang jalanan punye nenek monyangnye ape ye? Sono aje kek hajatan di lapangan. Kagak kesian ape ame abang-abang angkot yang kudu muter-muter jalan? Gimane kalo misanye ade emak-emak pengen ngelahirin dan pas mau ke rumah sakit eeeh jalan rayanye ditutup karena hajatan? Bisa-bisa doi ngelahirin di tempat hajatan, kelessss.

2. DANGDUTAN SAMPE MALEM

Kagak ade yang paling bangke selaen ngerasa keganggu akibat suara musik dangdut murahan beserta kerusuhan yang dilakuin ame penongton sekaligus para pemabok! Ini sering banget terjadi di daerah rumah gue. Dangdutan 2-3 jam pada siang hari, it’s okay. Tapi kalo sampe tengah malem kagak selesai-selesai, rasanye pengen gue obrak-abrik aje! Kamprettttt. Belom lagi kalo ade yang mabok terus rusuh. Hadeeeh, norak banget sih.

goyang dulu maaaang~

3. NAEK-TURUN BIS SAMPE DORONG-DORONGAN

Kagak ngerti lagi dah orang di mari kenape ye susah banget buat selow. Plis deeeeh hare gene masih dorong-dorongan, sabar dikit keles. Akibat banyak emak-emak kagak sabaran mau masuk ke bis, bekal sayur yang biasa gue bawa dan ditaro di tas langsung tumpeh-tumpeh. Buku yang gue bawa pun basah. Terpaksa kagak makan siang karena sayurnye udeh kagak bisa dimakan. Mau beli makanan di luar kagak ade duit karena tanggal tua. Hadeh, ngevet. Di kantor daku merana :’(

4. KAGAK MAU NGANTRI

Ini juge kagak kalah nyebelin! Mau emak-emak kek, anak muda kek, pernah nih gue nemuin mereka yang kagak mau ngantri ATM atau nunggu bis Trans Jakarta! Kite mah udeh cape-cape ngantri di belakang eeeh seenak jidatnye diye nyelak-nyelak antrian. Mane tetiba mereka nongolnye di barisan paling depan lagi. HUAAAAH SEBEEELLL!

5. MELAWAN ARAH

Gue pernah nih nyebrang jalan. Gue liat ke kiri dong karena transportasi yang jalan emang dari sisi kiri gue. Tiba-tiba ade motor nongol dari sisi kanan gue. Gue hampir ketabrak dan mereka bilang, “KALO JALAN LIAT-LIAT DONG!” Ah, ngevet. Mereka kagak sadar ape ye kalo mereka yang harusnye LIAT-LIAT? Kagak ade otaknye, naek motor malah ngelawan arah! Kagak salah dong gueeeeeee!

RESPECT

Masih ade banyak hal yang sebenernye kudu gue tulis, tapi biarlah kalian yang menambahkan di kotak komentar ini, ye.

Gue sebenernye cinta Indonesia, tapi gue kagak cinta-cinta amat ame orang Indonesia, terlebih kepada mereka yang paling susah diajak kerja sama buat sedikit peduli dengan keadaan sekitar. Ya begitulah, jadi kapan dong mereka mau berubah?

Sumber:

http://images.sodahead.com/polls/001775471/3828210209_polls_disgusted_kid_5813_691649_poll_xlarge_answer_2_xlarge.jpeg

http://wahyuaga.blogspot.com/2010/11/gambar-gambar-lucu-gayus.html