Kagak DIFOLBEK Doang Masa NGAMBEK?

Gile, masa gegara kagak difolbek diginiin? Hehe

Bosen banget rasanye gue memeringati beberape follower bahwa mengemis folbek ke orang-orang, khususnye yang kagak saling kenal banget, ntu kagak baek. Terutama kepada orang yang sangat berhati-hati dalam menerima konten/info dari following, termasuk gue.

Folbek Twitter bagi gue ntu sakral. Mungkin kalian ngerasa gue lebay, tapi terserahlah. Meminta dan memberikan folbek toh sama-sama sebuah hak asasi setiap insan di dunia. Tapi kalo kagak dikasi folbek, ya toh jangan marah dan mencap orang yang dipinta folbek adalah seseorang yang pelit dan sombong. Pelit dan sombong kok cuma dinilai dari folbek? Cape deh.

Ade lagi anggapan bahwa folbek = tanda pertemanan. Yailah. Udeh tau Twitter ntu blog berbentuk mikro, jadi ya bebaskanlah gue buat bace-bace informasi mane yang emang gue suka. Kalo emang ade yang kagak dapet folbek dari seseorang, ya kan bisa add Facebooknye. Bisa request pertemanan. Twitter? Ade tombol request pertemanan kagak? Sono aje nyari sampe kiamat Qubra!

Kalo emang ade orang yang bilang gue pelit & sombong ngasi folbek, sini deh gue kasi tantangan. Coba buat kalian, yang saat ini masih menjadi pengemis folbek,  gue tantang buat minta folbek ke presiden, artis, Selebtwit, dan orang-orang random. Gue tantang kalian ngemis folbek ke 100 orang berpengaruh di Twitter deh. Gue sih kagak yakin semuanye mau folbek, kalo pun ade yang palingan lagi khilaf aje hehe *peace*

Kagak difolbek, lalu tombol unfollow dan block pun beraksi? Silakan aje. Gue sih jujur aje ye kagak pernah ngerasa rugi kehilangan follower. Toh gue nyari duit bukan dari Twitter. Dan gue kagak gila jadi Selebtwit. Cuman asal tau aje, gue bakal sebisa mungkin ngejawab pertanyaan yang masuk ke kotak mention walau yang bertanya kagak gue folbek.

Beberape malem lalu, pernah ade yang ngemis folbek ke gue. Gue tanya aje, “Keuntungan gue kalo follow lo ape?” Eh gue malah disemprot, katanye mentang-mentang gue pernah masuk TV di Indonesia Lawak Klub (ILK), jadi pelit folbek. Ampyun deh. Bawa-bawa TV segala. Jadi pengen ngakak :p

Pertame nih ye, gue kagak bangga masuk ILK, wong gue cuma jadi pemanis doang kagak ikutan ngomong kayak artis-artis.

Kedua, kalo gue boleh sombong, maap-maap aje nih ye. Gue sebelomnye udeh pernah masuk TV. Buat yang kenal gue lama sih pasti tau lah. Gue pernah jadi peserta The Promotor Trans TV episode Putri Titian & menjadi pemenang utama , serta guest star di Dahsyat & Inbox untuk mempromosikan sebuah produk karena gue jadi ambassadornye bareng @benakribo. Terus tahun lalu mejeng di Detik TV bareng @KancutKeblenger. Kagak sekalian aje nih semprot gue, “Mentang-mentang udeh sering masuk TV mulai dari program A, B, C  Z, jadi pelit folbek nih ke gue?”

Pernah juge ade yang minta folbek karena mengaku mengidolakan gue. Ya seneng-seneng aje sih gue ternyate ade yang mengidolakan. Tapi kagak serta-merta tuh orang bakal gue folbek. Kalo kagak kenal-kenal amat mah ngapain. Hehehe. Cukup add Facebook gue ajelah ^^

Yang sering sih ini: “Kak, aku anak @KancutKeblenger juga lho. Folbek dong!” Halah, ngapain pake minta folbek ke akun pribadi, ke @KancutKeblenger aje kalo emang anggota komunitas gue mah, pasti gue folbek pake akun komunitas. Karena semua anggota emang bakal kebagian folbek. Masa harus folbek dua kali, maruk bener. Toh TLnye (kalo sempet) bakal gue bace pake akun komunitas. Heehe (Peace yeee buat Kawancut yang kagak gue folbek di akun pribadi, udeh woles aje).

Dan yang lebih hipokritnye adalah ketika banyak yang mention dengan berbagai pujian. Biasanye sih ujung-ujungnye minta folbek. Jangan-jangan pujian yang dikasi mereka cuma senjata doang, lagi? Halah, kagak mempan, wek xp

FYI, kagak semua temen dunia nyata gue folbek. Adek gue aje kagak gue folbek. Ogah deh folbek Twitter orang yang isi TLnye kagak penting x))

TRUE! 

Di mata gue, mereka yang suka ngemis folbek diakibatkan oleh beberapa hal:

1. Mereka adalah pengguna baru Twitter

Kalo mereka adalah pengguna baru Twitter, ya masih gue maklumi sih. Tapi seharusnye ye mereka cari tau dulu tentang hal-hal mengenai Twitter dulu by Googling. Jadi ngerti dan kagak dipermalukan orang laen karena ngemis-ngemis folbek. Gue pun waktu jaman-jamannye masih baru maen Twitter, kagak pernah tuh maksa-maksa orang laen buat folbek gue. Hehehe.

2. Mereka tinggal di pedalaman

Mereka yang tinggal di pedalaman dan baru main Twitter mungkin bakal ngerasa jadi makhluk termodern seantero kampung diye tinggal. Karena ngerasa keren, mereka pun kagak segan-segan buat nyuruh orang laen buat folbek. Termasuk nyuruh artis idolanye. 

Sape ente suruh-suruh orang folbek?

Kalo gue sih nyadar diri dulu tuh. Sape gue minta-minta folbek Lady Gaga, Radityadika, dan public figure laennye? Emang gue anak presiden? Punye karya keren? Pernah jadi Miss Indonesia? Anggota Chibi? Nyadar diri deh ah~

3. Mereka kebelet jadi Selebtwit

Followers banyak = Selebtwit = Terkenal. Bener? Kagak seratus persen bener. Ada kalanye yang udeh punye followers banyak kagak bakalan dijadiin Buzzer atau Penulis buku kalo personal brandingnye minim/jelek. Udehlah, daripade kebelet jadi Selebtwit karena ngemis-ngemis folbek, mending bikin karya ape kek. Kalo udeh terkenal pasti kagak perlu lagi ngemis-ngemis folbek ke orang-orang berpengaruh dan bakal difollow banyak orang.

4. Mereka kagak punye temen

Karena mungkin di dunia nyatanye kagak punye temen, diye pun mulai nyari banyak temen di dunia maya. Tapi caranye sesat, dengan minta folbek ke semua orang, sapepun orangnye. Kesian amat...

Orang-orang kayak keempat hal gini tuh enaknye emang dibimbing ke jalan yang bener sih. Kesian pasti bakal disindirin banyak orang sebagai anak norak dan alay. Iye kagak?

Bimbingnye pegimane? Ya kasih aje artikel yang berhubungan soal tata cara maen Twitter. Terutama soal folbek. Dengan share tulisan ini pun, bisa. Atau tulisan lama gue yang INI atau INI pun bisa. Hehehe.

Mohon maap ye kalo tulisan ini menyinggung golongan pengemis folbek. Gue juge terpaksa nulis ini. Sampe skip tulisan penting laennye. HUVT.

Anyway, sekalian mau mengumumkan pemenang #TantanganMpokPina nih. SELAMAT YEEE buat @Fahmi_DS . Mohon segera memberikan alamat lengkap dan no HP ke e-mail gue (irvinalioni at gmail dot com).

Thanks for reading. Gue harap unek-unek ini bisa dimaklumi kalian. Punye unek-unek soal folbek-folbekan? Silakan komen, sebisa mungkin gue bales satu-satu :)

Sumber gambar:

http://global3.memecdn.com/when-someone-follows-me-expecting-a-follow-back-and-then-they-unfollow-me_o_2064211.jpg

http://www.troll.me/images/disaster-girl/this-is-what-happens-if-you-dont-follow-back.jpg

http://www.troll.me/images/one-does-not-simply/one-does-not-simply-follow-back-thumb.jpg