Cerita Kesurupan Perdana Nyokap Gue di Tahun 2016

Kesurupan?

Empat hari lalu, nyokap gue mengalami kesurupan yang entah udeh kesekian kalinye. Gue udeh pernah beberape kali ngebahas sih di mari kalo emang emak gue ntu sering banget kesurupan. Why oh why? Bcoz si nyokap adalah salah satu pemilik iga jarang. Jadi... yah... dimaklumi aje.

Gue menunggu jemputan sang adek begitu lama. Ditelpon kagak diangkat, diwhatsapp dan dismsin kagak dibales. 

Hingga akhirnye... si adek nelpon gue, "Kapina, maap kagak bisa jemput, lagi jagain mama yang kesurupan! Buruan naek gojek, pulang ke rumah!"

Yaelah... emak gue kenape lagi, dah?

Berdasarkan wawancara si nyokap setelah sadar dari kesurupan, beginilah kronologisnye...

Tepat di jam-jam magrib, nyokap ke luar rumah karena ada satu keperluan ke si om di belakang rumah. Berhubung rumah si om di deket gang sempit yang terkenal dengan keangkerannye ntu, mau kagak mau nyokap jalan lewat situ tanpa ada perasaan was-was. Padahal mah, pemilik iga jarang sebaeknye kagak keluyuran di jam-jam magrib, karena akan lebih sensitip digangguin si setan-setan.

Salah satu setan yang abis bobo-bobo cantik dari genteng lalu terbang ke bawah dan nyokap gue kagak sengaja nabrak serta nginjek tuh setan. Nyokap gue kagak sadar kalo diye udeh melakukan hal tersebut, ya secara doi kagak bisa 'melihat', kan. Namun nyokap mengaku sempet kayak disengkat kakinye, walau doi berusaha positive thinking kalo hal ntu terjadi gegara doi hampir kesandung aje. 

Awas, ada setan!

Tuh setan taunye marah dan masuk ke badan si nyokap seusai makan di warung makan deket rumah...

Mbak warung: Bu, ini kembaliannya 70 ribu, ya *nyodorin duit*

Si emak: APA LO???? GUE KAGAK BUTUH DUIT LO!!!

Nyokap gue tetiba ngomel-ngomel kagak jelas sampe si mbak warung ketakutan. Lalu nyokap pulang ke rumah, duduk di bangku, lalu nangis sesegukan. Dua adek gue yang kini udeh beranjak menjadi bujang pun ketakutan, karena mereka tau nyokap tuh sepertinye lagi adem ayem aje, alias kagak ada masalah. Lalu nyokap ngamuk-ngamuk, dan si om dateng ke rumah sambil nanye-nanye siapakah gerangan yang merasuki nyokap.

Si om: Ini siapa?

Si emak: *mingkemin mulut*

Si om: INI SIAPAAAA???!!!

Si emak: *masih mingkemin mulut*

Si om: Kamu si setan gagu, ya?

Si emak: *ngangguk*

Konon, di deket rumah si om (yang sebelomnye dikunjungi nyokap) ada si setan gagu gitu dah. Entah tuh setan asalnye dari mane sampe nyangsang di sono.

Lalu nyokap gue dirasuki oleh si setan yang mengaku keinjek sama doi. Kagak berape lama, si setan keluar dan berganti ke setan kokoh-kokoh yang ngomong pake bahasa Cina. 

Bayangin aje, emak gue yang asli orang sunda tetiba jago bahasa Cina. Malah dulu pernah kesurupannye sambil ngomong bahasa Padang.

Sejam kemudian, barulah si nyokap sadar. Terkulai lemas. Dan langsung bobo panjang...

Sebenernye, adek gue sempet ngerekam adegan kesurupannye, tapi cuma recording suaranye doang sih. Panjang banget, sampe gue males share di mari -_______-

Yah, begitulah nasib emak gue....

Gue pengen cerita lebih jauh soal kejadian-kejadian yang biasa dialami sama pemilik iga jarang macem emak gue, sih. Yah... on the next post lah, ye. Okay, bro, sis? 

Lanjut lembur dulu lah. Bye.