Drama Driver Taksi Online yang Bikin Geleng-geleng Kepala

Dua hari sebelom gue nikah, gue mendapatkan cerite seru dari supir taksi online yang mengantarkan gue dari Jakarta ke Bogor. Sebagai anak @DramaUber_id, gue tentu mikir, "Wah kudu nanye-nanye soal pengalaman si bapak supir nih selama jadi driver taksi online, lumayan buat konten blog dan bisa saling berbagi". Pak Bedu, sebut namanye demikian, tanpa sungkan memberikan cerite pengalamannye yang penuh drama. Yeay!

Berikut drama driver taksi online tersebut, gengs. Siap-siap geleng-geleng kepala karena geregetan!

1. Penumpang sekampung

Suatu sore, di kawasan Condet, si Pak Bedu dapetin penumpang dan ternyate... tuh penumpang bawa seluruh anggota keluarganye berjumlah 10 orang! Berasa sekampung dah tuh di dalem mobil Avanza. Kagak cuma banyak, mereka ternyate berisiknye kagak nahan. Ngomongin tetangga, lah. Si anak bayi nangis, lah. Duh, bikin pusing tujuh keliling!

Setengah jam kemudian, akhirnye mereka sampe ke tempat tujuan, yakni sebuah mall besar di Jakarta. "Padahal ongkosnye cuman 20 ribu. Kagak dapet duit tips juge. Rugi bandar dah gue," kate Pak Bedu.

2. Penumpang dengan pasangan lesbi

"Jujur, saya menghindari penumpang yang berpacaran. Karena pasti mesum di dalem mobil saya," ujar Pak Bedu sambil membawa mobilnye.

Suatu ketika, ada sepasang perempuan menjadi penumpang malamnye. Awalnye sih kagak curiga kalo merepa pasangan, tapi pas di tengah perjalanan... Pak Bedu baru sadar kalo tuh penumpang merupakan pasangan... lesbi pula.

"Yakali deh Neng, mereka malah mesum di dalem mobil saya. Cipokan, lah. Make out, lah. Kan kesel yak. Akhirnye saya turunin aje, bodo amat kagak dapet duit, daripade hidup saya kagak berkah. Sono aje mesum di hotel. Ape mereka kagak sanggup nyewa hotel sampe mau mesum di mobil hanya dengan ongkir 35 ribu?!"

3. Penumpang dengan pasangan homo

Kagak disangka, si Pak Bedu mendapatkan sepasang homo yang ganteng, tinggi, dan wangi. Sama seperti pasangan lesbi sebelomnye, si pasangan homo ini mesum di dalem mobil. Namun sayang, Pak Bedu kagak bisa berkutik karena ngeri dengan kedua penumpangnye.

"Masalahnye waktu ntu kite lagi di tol. Badan saya kan kecil, kalo saya turunin mereka, takutnye saya malah dikeroyok. Ngeri banget soalnye, badannye gede-gede, berotot banget," cerite Pak Bedu yang juge bersyukur kagak digrepe-grepe.

4. Penumpang aneh

Taksi online ini memiliki salah satu layanan. Semacem angkot, yang bisa ngambil lebih dari satu penumpang yang memiliki destinasi yang sama. Kebetulan Pak Bedu mendapatkan dua penumpang pade malem ntu. Pertama, seorang perempuan berbaju seksi yang duduk di bangku belakang Pak Bedu, lalu disusul dengan penumpang kedua berwujud pria muda.

Yang anehnye, selama perjalanan, si pria ntu selalu melihat si perempuan seksi tanpa berkedip. Pak Bedu pun berujar, "Dek, kepalanye lihat ke depan dong. Jangan ke belakang terus, kesian si mbaknye".

Yang rese, kepala si pria tersebut kagak juge berpindah. Ngeliatin si perempuan dari ujung kepala hingga ujung kaki. Tentu si perempuan merasa takut. Diye kagak bergeming dan selalu menundukkan kepala.

"Wah kagak bener kayaknye tuh. Langsung aje saya turunin si orang aneh ntu di tempat keramaian. Daripade saya dan si mbaknye kenape-nape," kate Pak Bedu.

Pak Bedu pun nganterin si perempuan hingga ke rumah. Sebagai imbalan, Pak Bedu diberikan tips sebesar Rp 100.000.

Kira-kira si pria aneh ntu kenape ye?

Masih banyak drama yang diceritain ame si Pak Bedu. Nantikan kelanjutannye ye, gengs!

Menurut kalian, mane sih yang paling bikin geregetan?