#INCROT : TENTANG SI ORANG BESAR


Bulan Ramadhan boleh ghibah kagak sih? Mungkin kagak boleh, tapi setidaknye gue nulis ini setelah buka puasa deh nih wkwk. Kalo bisa kalian bace ini setelah buka dan sebelom sahur yak wkwkwk. Cerita kali ini kagak julid-julid amat kok, malahan ada anjuran biar kalian kagak kena tipu produk artis. Daripade banyak bacot, dah tuh langsung bace aje.

TENTANG SI ORANG BESAR

Ni orang dikenal sebagai orang yang sayang banget dengan keluarganye, terutama istrinye. Udeh menduda beberape tahun ini, dan untuk mengisi kekosongan harinye, si Om Broto (sebut aje gini) selalu mengundang para dedek-dedek ganteng nan emesh di rumah. Kite sebut aje mereka para 'kucing' Om Broto.

Ngapain para 'kucing' di rumah Om Broto? Makan Whiskas bareng? Atau makan 'lontong' bareng?

Emang sih gue mencium bau-bau si Om Broto kayak 'agak-agak' dari cara berbicara, berpakaian, dsb. Agak kagak percaye sih, tapi kira-kira doi gay dari jaman muda atau baru-baru ini yak?

Sebut aje Mawar, yang mengaku para 'kucing' ntu ada di lingkup pertemanan doi.

"Kalo mau jadi orang besar, yang namanye keluarga tuh harus punye. At leats punye bini. Lo kagak bakal bisa berkuasa kalo kagak punye pasangan. Coba lu bace buku Sex, Power, and Nation milik Julia Suryakusuma."

"Jadi menurut lo doi udeh demen sesama jenis dari muda?"
"Yoi. Mau kagak mau, demi jabatan, coy!"
"Tapi, doi kan sayang banget ame bininye?"
"Ya emang sayang, tapi sayangnye pasti 'beda' kan?"
"Iye sih, gue jadi keinget politikus X yang konon demen lakik tapi pencitraannye sayang bini juge. Keinget artis-artis gay yang nikah, tetep punye anak dan sayang bini, hmmmm"

Seperti apepun orientasi si Om Broto, semoga Om tetep sehat selalu yak!

KECURANGAN PADA BISNIS ARTIS

Seorang artis cewe yang memulai karir di ajang pencarian bakat ibukota, yang hampir menginjak kepala 4 sekarang, dikenal sebagai artis papan atas hingga kini. Yang gue inget, dulu Tya, sebut aje begitu, sempet jadi penyanyi dan maen sinetron. Sekarang? Nah, selaen bisnis resto, doi pun dikenal sebagai produsen kosmetik.

Jadi si Tya ini bikin produk di pabrik lokal, diurusin deh tuh BPOM dan sertifikasi halal MUI. Karena emang bikin kosmetik di jaman sekarang sebegitu ketatnye, kudu ada proses sertifikasi sono-sini.

Abis ntu, kagak disangka Tya bikin produk serupa, di luar sono pokonye jauh dah, tapi masih ada di Benua Asia. Sialannye, BPOM+halal MUI untuk produk yang dibikin di luar, kagak diurus, padahal ntu prosedur wajib karena udeh beda pabrik coy. Menyalahi aturan amat!

Kenape Tya produksi kosmetik di luar? Karena lebih murah. Tapi biaya sertifikasi gono-gini bakalan lebih tinggi ketimbang produk yang diproduksi oleh dalem negeri. Kalo mau berkah sih, harusnye ikutin aje semua peraturan yang ada, iye kagak sih? Mane bikin produknye di negara non muslim, takutnye kan ada kandungan yang emang dilarang agama huhu.

Monmaap niye, gue sih kagak respek dengan produk yang dibikin kagak profesional kayak gitu. Monmaap juge nih, gue kagak pernah mau sih beli produk milik artis, karena biasanye menang nama doang. Gue lebih mengutamakan pake produk lokal milik orang biasa aje, itung-itung bantu sesama rakyat jelata. Kalo artis mah udeh kaya coy, lha wong si Tya aje rumahnye dibangun 50 miliar wkwkwk.

SALING SAYANG NAMUN....

Pita seorang cewe yang pernah jadi cowo, yang kemudian sekarang berubah lagi ke gender asal. Wkwk ribet yak. Pita sempet kawin dengan Kiting, artis yang lebih senior jebolan salah satu acara beken di tahun 2000an. Nah, Kiting ini cowo tapi emang suka dandan cewe gitu. Jadi, kebayang dong, pas mereka masih nikah, mereka tuh semacem kayak tukeran gender. Karena pas jaman ntu Pita masih keliatan cowo banget. Sedangkan Kiting masih suka dandan ala cewe gitu.

Karena masih suka suntik hormon (terlebih buat ganti gender lagi), otomatis bikin emosi Pita selalu naek turun. Hal tersebutlah yang bikin Pita suka cepet ngambek, bahkan melakukan kekerasan fisik ke Kiting. Lho, Kiting kan cowo masa dapet kekerasan dari cewe? Ya bisa dong, ibarat kata kan udeh sayang banget dengan pasangan, jadi udeh ngerasa, "Sini deh lo mau apain gue, gue tetep sayang!"

Tapi lama kelamaan, mereka bersepakat untuk pisah. Uniknye, sekarang mereka deket lagi. Apakah mereka bakal rujuk? Kurang tau sih, gue mendoakan agar mereka rujuk aje gitu karena masih saling sayang wkwkwk. Terlebih si Pita udeh nunjukin kalo doi sekarang udeh lebih dewasa, bahkan penampilannye udeh cewe banget.

====

Gimane gaes, udeh bisa nebak sapose yang diceritain di marih? Hehehe.

(Thanks untuk narsum ghibah gue, lopyu gaes!).

5 comments:

  1. aku biasanya nyari clue di komen.. tapi belum ada yg komen 😂😂😂😂 cuman tau nomor 3 doang 😂

    ReplyDelete
  2. Pakde Indro kah? Besar dan sayang istri kan mpok? Hahaha
    Yang kedua ada Tya nya apakah mbak sis Ussy?
    Nyang ketige jelas banget aming evelyn~

    ReplyDelete
  3. eneng-eneng wae dunyone poro artis ki...

    ReplyDelete

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*

Powered by Blogger.