Bener Kagak Biaya Hidup Single di Jakarta Sebesar 10 Juta?

Harus banget hidup hedon di Jakarta? (Gambar)
Setelah viral twit Selebtwit yang bilang kepengen punye suami bergaji 30 juta, eh ada lagi twit viral dari Selebtwit lain, yang juge dikenal sebagai penulis beken. Twitnye nyerempet soal biaya hidup di Jakarta. Berikut cuitannye.

ika natassa biaya hidup 10 juta perbulan di jakarta


Melalui tulisan ini, gue kepengen menceritakan soal stigma biaya hidup Jakarta. Apakah harus setinggi ntu?

Jawabannye: tergantung setiap individu. Karena setiap individu memiliki kondisi yang berbeda. Kondisi dari apenye? Dari status sosial, lokasi, lifestyle, dan kebijaksanaan dalam menyikapi kebutuhan vs keinginan.

Menurut gue, yang diomongin Ika Natassa kagak salah-salah amat, tapi kagak bener juge.

DIBILANG KAGAK SALAH, karena mungkin ntulah gaya hidup seorang Ika Natassa, yang udeh beken dan status sosialnye udeh kagak menengah ngehek lagi. Duitnye pasti udeh banyak, sebulan mungkin pendapatannye udeh di atas 10 jetong. Can't relate buat Sobat Misqueen yang gajinye cuman UMR.

Tapi emang sih, nominal buat ditabung tuh bikin kite berdecak, "Ape banget sih nih, kok dikit bener?"

Namun... pernyataan ini kagak salah-salah amat jika berkaca pada kehidupan jaman now, at least di lingkungan kebanyakan anak-anak gaul di Jakarta.

Karena faktanye, yaaa kebanyakan orang-orang di Jakarta (atau mungkin di kota besar laen?) pade suka lupa nabung. Sekalinye nabung, dikit bener, kagak sebanding dengan pendapatan yang dimiliki. Karena ape? Karena masih pade napsuan.

Napsuan liat tempat-tempat fancy yang lagi viral... Napsuan beli barang mewah walau duitnye boleh ngutang... Napsuan beli barang diskonan yang sebenernye kagak penting-penting amat. Kalo yang diskon bahan makanan bakal dimasak sih, mungkin boleh-boleh aje kan bakal bikin perut kenyang. Beli buku, ya penting biar kagak bego-bego amat. Beli baju? Coba cek dulu di lemari, sape tau ada baju baru yang belom pernah dipake.

Intinye napsuan beli gaya hidup yang kagak bijak.

TAPI, pernyataan Ika Natassa KAGAK BENER JUGE jika kite cuman melihat hanya dari SATU TWIT itu doang.

Kagak bener karena kagak bijak, buat kebanyakan ekonomi menengah ngehek kayak kite. Yakali gaji 10 jetong, nabung cuman 400 rebo? Gaji 10 jetong kagak termasuk investasi? Kagak ngasi duit bakal orangtua?

ika natassa biaya hidup 10 juta perbulan di jakarta

Nih kalo duit 10 jetong dimiliki ame kite yang cuman orang biasa tapi mau ngikutin gaya hidup kayak gini. Coba pikir ulang lagi:

Makan haruskah di emol terus, emang warteg kagak enak? Kalo udeh ngekost di tempat ekslusif, ngapain keluar duit banyak bakal ongkos, emang deket kantor kagak ada kost? Duit bakal hangout ape kagak kemahalan, kagak sabi ape hangout sembari piknik aje di taman atau Ancol seminggu sekali? Naek taksi harus Silverbird, kenape kagak pake promoan Go-Car atau cukup pake Go-Ride? (monmaap kagak diendorse nih).

Anyway agak rancu untuk VERSI HEMAT TAHUN 2002. Makan di warteg 50 ribu perhari? Karena setau gue, 50 ribu di tahun 2019 dan tahun 2002 ntu beda jauh gila! Tahun 2002 jajan gue cuman 5000, duit segitu masih bisa beli 2 piring nasi goreng di kantin, atau semangkuk bakmi paling enak di Petojo. Jaman ntu makan di KFC cuman 10 ribu udeh pake paket. Kalo makan KFC aje cuman 10 ribu, barangkali warteg paling mahal (kalo pake daging) paling mentok 8 ribu/porsi. Kalo kagak pake daging, cuma sayur+gorengan+lauk lain+minum paling cuma 3000.

Ya Allah... bingung.

Pengalaman pas gue kerja di kantoran periode 2013-2018, gaji kisaran 5-7 jetong (bersih, udeh dipotong pajak). Tapi gue bagi-bagi deh tuh. Berikut rincian pengeluaran gue jaman gaji 7 jetong.

- 1 jetong untuk cicilan rumah di kampung
- 1 jetong untuk bayar keperluan rumah ortu (belanja bulanan, bayar air/listrik, telp/internet)
- 1 jetong untuk biaya hidup (makan di kantin/PKL pas malem karena siang bawa bekel, jajan di Lawson atau diskonan Sbux, nonton 2 kali sebulan, sabun/haircare, make up beli diskonan)
- 1 jetong untuk perawatan di dokter kulit (dulu jaman kerja muka gue gradakan banget, skincare kece belom ditemuin di jaman ntu. Kalo sekarang gue cuman pake skincare drugstore 300 ribuan buat 3 bulan karena muka udeh mendingan)
- 500 ribu bakal ongkos pulang-pergi pake ojek (jarak rumah ke kantor kisaran 12 km, selalu pake ojek karena pas naek bus malah kena begal sampe patah tangan)
- 100 ribu buat kuota dan pulsa telpon
- Sisa 2,4 jetong buat ditabung dan sedekah, kadang diambil kisaran 300-500 ribu bakal beli baju, mainan, dsb.

Ini baru pendapatan bulanan dari kantor, belom termasuk tambahan laen (freelance, bonus kantor, duit THR, duit pribadi bulanan dari suami). Kalo dapet duit tambahan, sebagian ditabung, sebagian dibagi-bagi ke keluarga/ajak makan di resto, beli buku atau baju bakal kerja yang branded (ntu juge seringnye diskonan, kenape beli branded ya karena tuntutan pekerjaan), dsb.

At least, kisaran 30% gaji bisalah ditabung. Sukur-sukur di luar ntu udeh nyicil rumah meski di kampung.

Tabungannye buat ape? Beli macbook/hape/kamera cash, jajan pas outing ke luar negeri, backpackeran keliling Jawa, buat jaga-jaga, biaya hidup pasca resign, dsb.

MANGKENYE GUE TUH KAGET MELIHAT 1 TWIT PERTAMA TADI NTU. Anjirlah kalo gue gajinye 10 juta, sisaan 3 juta bisa bakal nyicil rumah di daerah laen, atau beli emas batangan tiap bulan wkwk.

Kagetnye tuh, kok ya dari 10 jetong, nabung cuman 400 rebo. IYA SIH TERSERAH YANG PUNYE DUIT, tapi ngerasa kurang bijak aje kagak sih? Gimane kalo sewaktu-waktu butuh duit lebih banyak, mungkin bakal ngobatin sakit keras (karena pasti ada batasan budget kesehatan dari asuransi kantor)? Kalo rumah kebakaran, mau bangun rumah lagi gimane? Kalo ortu sakit, laptop rusak, hape rusak, kulkas rusak, AC rusak, sodara mau kawin minta sumbangan, gimane?

Bingungnye, dari 10 jetong kagak dialokasiin bakal investasi. Huhu.

Nah, berikut akhir dari rangkaian twit kontroversial tersebut.

ika natassa biaya hidup 10 juta perbulan di jakarta

Buat kalian yang mau merantau ke Jakarta dan baru sabi dapet gaji UMR, kagak usah khawatir karena...

1. Masih banyak kost murah dan enak, pinter-pinter nyari aje di berbagai aplikasi kost atau googling.

2. Makan di warteg paling mahal biasanye 15 ribu udeh ame minum es teh manis. Ayam geprek paket 15 ribuan juge ada. Nasi uduk yang biasanye ada di pagi hari di pinggir jalan, paling mahal 10 ribu udeh ame minum dan gorengan 2 biji gede-gede.

3. Jangan gengsi untuk naek transportasi umum. Ape lagi di Jakarta. Tinggal naek ojek online yang sering kasi promo, naek MRT, TransJak, Kopaja, Commuter Line, ya pokonye kagak harus pake Silverbird juge sih. Lagian ngapain PP pake taksi, udeh tau Jakarta macet terus, mending pake ojek, atau nyicil motor matic aje.

4. Hangout di emol tiap hari Sabtu atau Minggu, biasain maksimal Rp 100 ribu. Jajan pake promo OVO dan Go-Pay, sering kok! Sesekali hedon kagak nape, tapi jangan tiap minggu juge coy. Terus jangan gengsi buat hangout di abang-abang pinggir jalan, coffeeshop lokal, atau sebatas di minimarket. Mau nonton bioskop? Coba nonton di bioskop yang masih agak murah (35 ribuan masih ada tuh), atau coba tahan-tahan untuk kagak jajan di bioskop. Sering-sering nonton pake promo dari aplikasi TIX-ID (asli ini bukan endorse).

5. Mau shopping? Silakan, asal sesuai kebutuhan. Kalo sabi shopping ke tempat branded di pergantian musim, karena biasanye bisa diskon sampe 80%. Di fast-fashion outlet macem Zara, H&M, dan sejenisnye, biasanye kasi diskon gede-gedean menjelang Natal-Tahun Baru dan Lebaran. Mau lebih murah, beli aje baju di e-commerce atau ke Tanah Abang. Manfaatin promo skincare dan make up di drugstore.

6. Jangan ragu untuk belajar masak, makanan yang sederhana aje. Gue sih bisa keluar duit 30 ribu buat belanja di tukang sayur, buat dimasak selama 3-4 harian (tempe, tahu, aneka sayur, cabe, bawang-bawangan). Neken budget banget ye kan.

7. Mau lebih hemat lagi? Follow Instagram gue @irvinalioni karena gue sering kasi #InfoDiskonMpokPina wkwkwkwk.

Sekian unek-unek gue kali ini, coba dong share biaya hidup kalian perbulan biasanye berape? Jangan-jangan lebih wow nih!




10 comments:

  1. Dulu waktu masih kerja gaji gue umr pabrik sih ga sampe segitu. 3.5an lah, kalo lembur itung aja 4jt mpok, tiap 2 minggu sekali gajian tapi nya. Kalo pas lemburan banyak 2jt kan per- 2 minggu itu biasanya w kasih almh.nyokap sejuta buat kebutuhan dirumah, 1 jt buat gue. Yang 500rb buat nabung,500rb lagi buat kebutuhan selama sebulan kaya beli bensin ( bawa motor sendiri mpok ), beli makan di tempat kerja ( gue biasanya beli yang murah+kenyang yaitu soto ayam 😅 kalo lagi bosen kadang bakso+ bawa minum sendiri dari rumah. Bayangin aja mpok 5 hari kerja menunya itu terus. Abis gimana ya demi bisa nabung 😂), kadang kalo masih sisa dan kalo pengen ngemall/beli baju ya cukup sebulan sekali. Cukup ga cukup harus cukup. Tapi adakala nya kan ga lembur,dapet gaji per 2 minggu jadi 1.5an kan. Nah gue biasa megang 500rb doang mpok. Tapi itu kadang gue sisihin buat nabung 50/100ribu mpok. Ya sebisa mungkin banyakin nabung dah kalo pas lagi kerja. Jadi pas nganggur ga kere-kere banget 😂

    ReplyDelete
  2. Andai-andai aja ya mpok. Mungkin kalo gaji gue 10jt mpok, 5jt gue tabung. 3jt kasih ortu. Selebihnya 2jt buat kebutuhan hidup+ hedon dikit sebulan sekali buat refreshing kaya nonton,atau beli baju. Cari kontrakan yang sebulan 500rb aja paling mahal 750rb dah gada ac ga masalah, kalo makan di warteg cari yang menu murah,isi kuota yang 100rb sebulan cukup-cukupin. Transport naik KRL atau modal transportasi umum lainnya kaya gojek/grab. Kalo ga nyari kontrakan yang deket kantor biar bisa jalan kaki. Kayaknya bakalan kaya gt sih w mpok kalo gaji
    Beneran 10jt 😂

    ReplyDelete
  3. Ngeri yaa.. Penghasilan banyak, gaya hidup tinggi. Kayak angin aja duitnya gak bisa dipegang dan abis itu gak kerja gak punya apa apa. Asli. Konsumtif amat!

    Semoga setelah ngetwit ini orangnya gak konsumtif lagi dan bagilah duitnya buat ortu dan sedekah. Eehh.. Siapa saya yaa.. Yaudah sih..

    ReplyDelete
  4. Mpok kenapa ya aku ko suka baca blog mpok. Bahasa dan bahasannya real story banget jd bisa buat ambil pelajaran. Makasih mpok pina ����

    ReplyDelete
  5. Apa cuma gw yang baca blog ini tapi belum punya gaji.

    ReplyDelete
  6. ya kalau 10jt mah bisa nabung banyak dong, lagian ac 1,5 tuh edan, masa kosan ditinggal ac tetep on? ckck ada2 aja. yang jadi masalah tinggal di jkt kalau gaji umr (3,6) lumayan timpang sama biaya hidup walaupun cuma yang paling dasar macem kos, makan, hp, hiburan sama ongkos/bensin, belum lagi kalau mau nyicil motor. emang agak susah hidup di jkt kalau gaji cuma umr, harus ada usaha lain. atau cilegon aja tuh umr lebih gede tp biaya hidup gak segede di jkt dan masih banyak kosan ratusan ribu sebulan.

    ReplyDelete
    Replies
    1. Info dunk yg Dr Cilegone ane Cilegone selatan nihhh

      Delete
  7. Gaji 10 it muh msh kembali byk...
    Kos aja d Mabes atw Cipete selatan...
    Penhluaran Normal rata2 manusia 4jt-5jt. Sisanya klw ada civilian atw dugem

    ReplyDelete
  8. Utk biaya Hidup yg blm punya anak byk emg lebih Irit banding single krna kos 1 jt bagi2 Ga perlu jajan warung lg udh d masks in...

    ReplyDelete

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*

Powered by Blogger.