Punya Suami Suka Main Game Online, Kudu Diapain?

Punye suami kecanduan game online???

Hampir semua orang kayanye suka maen games, ye. Atau setidaknye, pernah lah. Di masa kecil, mungkin temen pembace suka bingits maen gimbot abang-abang esde atau maen sega bareng tetangga. Bahkan hingga sekarang, barangkali kalian masih suka maen games, terutama games online macem Mobile Legend dan sejenisnye.

Nah, kayaknye kite ni lagi ada di dalam situasi di mane games online lagi jadi biang masalah. Walaupun menurut gue sih, yang jadi biang masalah ntu PEMAENNYE.

Ape pun bentuk games-nye, selama dimainin tanpa tau diri alias berlebihan, ya tentu kagak bagus.

Ape lagi kalo dimaininnye sampe lupa ame pasangan dan temen sendiri.

Di suatu sore, gue pernah ngedapetin temen lama yang tetiba curcol soal suaminye.

“Gue suka males pulang ke rumah lebih awal, mending keluyuran dulu bareng temen-temen. Ketimbang di rumah, gue kagak pernah dianggep ame laki. Diajak ngobrol, kagak pernah nyaut, selalu fokus maen game online. Tiap di rumah, kerjaannye maen ituan muluk. Gue berasa di antara ada dan tiada di depan doi. Huh.”

Lalu, ada lagi temen lama lain yang bercerita soal suami temennye yang ogah narik ojol demi maen games online.

“Sampe bininye nangis, huh gemes gue!”

Kemudian, temen lama laennye, dua cowo, berkeluh kesah, “Samaan tuh kayak temen kantor gue, pas istirahat bukannye ngobrol tukeran cerite, malah maen games semua. Suka sedih dan bingung, kudu ngobrol ame siape...”

Mendengar cerita-cerita kayak gitu tuh bikin gue gemes sekaligus bersyukur. Gemes dengan kondisi sosial macem gitu. Bersyukur jika temen-temen yang biasa diajak nongkrong kagak kayak gitu. Even temen kantor pun, kagak ada sih modelan gitu. Paling banter juga ghibah wkwk.

-

Kalo pecinta game online yang nyebelin ntu temen kite, mungkin masih lebih mending ketimbang kalo ntu pasangan hidup kite sendiri. Satu temen nyebelin, besoknye kite sabi cari temen laen yang asik. Pacar pun gitu, namun kalo kejadiannye ame suami or istri, ini yang rempong. Kagak lucu kan yeee cerai gegara game online?

So, kite kudu berbuat ape nih kalo suami, istri atau pacar segitunye cinta dengan game online hingga cuekin kite?

Pertama, cari waktu senggang berdua dengan makan di tempat yang tenang. Ambil gadgetnye, lalu bilang, "Kuylah nikmati waktu kite berdua, Baaang. Jangan ada gadget di antara kite!"

Kedua, sambatlah. 

"Bang, aye kagak bisa kelamaan dicuekin abang. Masa tiap balik ke rumah, aye cuman numpang bobo doang, kagak ngobrol ame abang? Abang fokus ke game online muluk, kapan fokus ame aye? Emang abang mau kalo aye cari cowok laen yang bisa diajak ngobrol dan mantap-mantap?"

Ketiga, minta jalan tengah supaya hobi dan relationship bisa jalan beriringan. BUAT KESEPAKATAN.

Misal:

1. Jika sedang berduaan, buat kesepakatan untuk kagak maen gadget KECUALI untuk bales WhatsApp/telpon penting.

2. Maen gadget atau game online diperbolehkan JIKA lagi kagak berduaan dan pekerjaan rumah sama-sama bisa DISELESAIKAN. Atau setidaknye, kalopun lagi berduaan, minta ijin dulu, "Yank, boleh kagak nih aye maen game online? Sambil dengerin curhatan kamu, deh."

3. Jika kesepakatan dilanggar, maka istri kagak bakal kasi 'jatah' selama 1 minggu (jika pelaku dari pihak istri maka suami bisa memberi hukuman berupa pengurangan budget skincare).

ITU CUMA CONTOH DOANG YAK. Wkwkwk.

Yang jelas, bagi gue kalo udeh jadi pasangan hidup mah, plislah jangan egois. Suami/istri yang sesuai idaman ntu bakal akan selalu support hobi pasangannye, kok. ASALKAN, sebelom hobi dilakukan, bahagiakan pasangan dulu. At least, sandang pangan papan udeh terpenuhi. Jatah birahi pun. Dijamin hobi pun bisa tersalurkan dengan nyaman.

Ya pokonye jangan sampe hubungan jadi kagak enak gegara game online, lah. Masa udeh dewasa kagak bisa membatasi diri?

Kalian punye saran atau cara laen?

---

Find me out:

FB Page "IRVINA LIONI ALIAS MPOK PINA"
Instagram @IRVINALIONI
Twitter @IRVINALIONI