Kaga Usah Baper Kalo Kaga diundang Kawinan Temen

alasan tidak diundang ke pernikahan teman
Masih baper nih karena kagak diundang ke nikahan temen? (sumber gambar)
Tiap temen gue nikah dan unggah foto akad/resepsi, pasti ada omongan di socmed mereka kayak, "Kok gue kagak lu undang, sih? Kok nikahnye diem-diem?" Dsb. Oh, jangan salah, gue pun pernah ada di situasi kayak gitu. Ditanyain kenape gue kagak mengundang mereka, hingga diem-diem gue digosipin hamil mangkenye nikah diem-diem. Bangke emang.

Tapi jangan salah, gue pun sering ada di situasi yang mane gue kagak dikasi undangan oleh temen. Apakah gue baper? Kagak sama sekali. Dan gue berharap jika kalian berada di situasi tersebut, kalian turut kagak usah baper, seriusan. Alasannyaaahhh?

alasan tidak diundang ke pernikahan teman
Baper baper, rapuh amat jadi orang ame masalah sepele (sumber gambar)
1. Mungkin Si Penganten LUPA

Buat yang udeh ngerasain bikin resepsi, pasti ngerti banget lah keribetannye kayak gimane. Biasanye sih penganten lebih memfokuskan ke sini:

- Makanan: harus dijamin enak dan lebih dari jumlah tamu yang ada karena kite kagak tau ke depannye ada situasi kayak gimane. Anyway selama acara, biasanye penganten kepikiran apakah makanannye bisa diterima oleh lidah tamu. Kalo kagak enak, bisa-bisa jadi bahan omongan sekampung brooooo.

- Wardrobe dan Make Up Penganten: Yah namanye juge bakal jadi Raja-Ratu sehari, pasti maunye bisa jadi yang paling tercakep di hari H. Susah bener nih cari MUA dan penyewaan baju yang okeh! Nah di Hari-H, biasanye penganten bakal was-was apakah bajunye keliatan keren di mata para tamu? Apakah make up yang dipake kagak gradakan?

alasan tidak diundang ke pernikahan teman
KIRI, yang lu rasain di atas pelataran. KANAN, yang diliat tamu. Ketakutan setiap pengantin wkwkwk (sumber gambar)
- Dekorasi : terutama buat yang mengusung acara di outdoor, pasti bakal kepikiran banget karena takut tetiba ujan. Atau buat yang bikin resepsi di rumah, mungkin takut tendanye terbang gara-gara angin kenceng. Jujur aje, pasti pas di pelataran, sembari salaman dengan tamu, lu lu pade (yang lagi nikah) mikirin ini terus.

Soal Tamu? Mau di-list kayak gimane pun pasti bakalan ada yang kelupaan untuk diundang. Ape lagi kalo tamu yang diundang ada banyak. Pasti ada aje temen yang ke-skip.

2. Mungkin Karena Resepsinye Kecil-Kecilan Doang! Atau Tempat Resepsinye Terbatas!


alasan tidak diundang ke pernikahan teman
Karena kagak semua orang mampu bikin resepsi gede-gedean atau MAU mengundang banyak tamu (sumber gambar)
Namanye juge kecil-kecilan, kemungkinan besar cuma mengundang keluarga dan sahabat terdeket doang. Nah kalo lu cuma temen yang pernah sekelas atau sekadar say hi doang di kantin sekolah dulu, kagak usah baperlahhhh. Tau diri karena lu bukan temen yang diprioritaskan di dalam keterbatasan ini.

Anyway dulu pas gue nikah, venue cuma bisa diisi 200an orang doang. Jadi, gue cuma undang orang sedikit banget, even temen gue yang diundang cuma 20an orang. Itu pun yang diundang, yang sekiranye rumah mereka kagak jauh dari venue (karena gue ngadain di Bogor). Atau yang emang deket banget dan dipastikan bisa dateng. Kalo pun deket tapi tinggalnye di luar kota / negeri, ya kagak gue kasi undangan. Walaupun sebenernye sih, gue tetep welcome jika ada temen deket macem gitu yang rela dateng jauh-jauh. Gue sih kagak pernah maksa temen kudu dateng ke resepsi ye, yang penting TRANSFERANNYE COYYY wkwkwkwkwk #canda #etapibener.

3. Mungkin Karena Lu Bukan Orang Yang Pengen Diundang Aje HAHAHA


alasan tidak diundang ke pernikahan teman
Sadar diri kagak susah lho... (sumber gambar)
Nah, untuk hal ini coba lu mikir dulu: Sebelomnye lu pernah kagak nyakitin temen lu ntu? Atau pernah ada slek ame keluarganye?

Ape lu mantannye? Nah, kagak semua penganten bersedia ngundang mantan, coy. Jadi, tau diri aje ye.

Sadar diri aje sih, sekiranye emang kehadiran lu kagak berarti-berarti amat di kehidupan temen lu ntu, ya kagak usah ngarep-ngarep amat bisa dapet undangan.

At least, positive thinking aje sih, dengan lu kagak diundang kan duit lu jadi aman dan terkendali WKWKWKWK.

INGET, BANYAK TEMEN = BANYAK KONDANGAN = KELUAR DUIT BANYAK!!!

Jangan baper ataupun bersedih. Dulu di kantor gue, budaya ngundang cuma buat kalangan terbatas tuh udeh biasa banget. Bahkan pernah kok karena gue kagak se-gang oleh salah seorang temen kantor, lalu gue kagak diundang wkwk. Padahal posisi duduknye depan-depanan. WKWKWK. Gue sih kagak baper ye karena gue tau diri juge.

Meskipun lu lu pade kagak diundang ke nikahan temen, inget aje, yang mereka butuhin tuh doa supaya diye dan pasangannye bahagia. Lu kasi doa juge cukup. Atau kasi transferan dah tuh, bilang aje, "Bro, meski gue kagak lu undang, tapi dengan berbaek hati gue mau transferin duit nih buat nambahin bayar vendor kemaren..." DIJAMIN SAAT NTU JUGE LU DIJADIIN TEMEN BAEKNYE WKWKWK (eh kagak deh tergantung amal ibadah lu).

Nah, setelah baca tulisan ini, apakah kalian langsung sadar ALASAN TEMEN KAGAK UNDANG LU KE PERNIKAHANNYE?

Udeh ye, kagak usah baper lagi. Tetep positit tingting.

2 comments:

  1. wwkwkkw emang. adaa aja yang ngomong gini. padahal pikiran pengantin pas udah hampir tanggal nikahan itu udah chaos, sampe mikir "halah, yang datang bakal datang, yang engga ya udah!!!" gitu kan mpok. hahahah

    ReplyDelete
    Replies
    1. BENER BANGET SIS HAHAHAHAHA. Kita mah udahlah bodo amat sama yang baper baper. Resepsi bisa terselenggara dengan baik aja udah lega. Yang baper bodo amaaaaat.

      Delete

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*

Powered by Blogger.