Bukti Bahwa Kamu Siap Menikah Apa Aja Yaaaa

Bukti Bahwa Kamu Siap Menikah
Yakin udeh siap nikah?

Yang namanye nikah, harusnye sih cukup dengan satu pasangan seumur hidup. Jangan sampe ada perceraian, cukup maut yang memisahkan. Iye kagak?

Beberape waktu lalu, ada temen gue yang galau, padahal seminggu lagi mau nikah. Doi bilang, kayaknye belom siap. Gue tanye dong, kagak siapnye pegimane? Banyak hal yang doi ceritain dan mungkin kagak bisa gue ceritain di mari secara detail. Yang jelas, menurut gue, secara umum sebaeknye kalian udeh siap menikah kalo udeh terlihat kayak gini:

1. Finansial udeh oke

Terutama jika kalian cowo, mengingat di mari kebanyakan cowo yang menjadi tulang punggung keluarga. (Tidak berlaku jika kebalikannye ye, semua tergantung komitmen yang akan dijalani)

Gue tau, oke atau kagaknye finansial ntu, relatif bagi masing-masing orang. Yang paling penting, minimal banget, penghasilan yang didapet cukup untuk membeli kebutuhan utama sehari-hari, untuk berdua (ame pasangan nantinye).

Makin oke lagi jika penghasilan yang ada udeh bisa dipake sebagian untuk nabung dan investasi.

Plus, udeh ada duit khusus untuk melakukan acara pernikahan sesuai keinginan. Biar kagak nyusahin orangtua banget, lah.

2. Bisa kontrol emosi

Kalo belom nikah aje udeh kebanyakan curhat soal hubungan di socmed, mending belajar dulu deh untuk kagak banyak ngomongin hal tersebut ke muka publik.

Misal, kalian masih dalam tahap pacaran, nih. Terus lagi ada masalah. Eh, lu curhat deh tuh, atau galau-galau di socmed. YAAAAHHH, ITU NAMANYE LU BELOM MATENG! Masalah rumah tangga bakal lebih rumit, lhooo. Jangan sampe pas udeh kawin masih melakukan curhat dan galau kagak jelas di socmed.

Terus nih, kalo misalnye kalian masih suka insecure kalo si doi lama bales WA (padahal baru 30 menit yang lalu), plislah, positip thinking dulu, keleus. Kali aje si doi lagi meeting ame klien. Atau hapenye lagi metong.

3. Sudah saling menerima kelebihan-kekurangan satu sama lain

Udeh bisa nerima kalo calon bini punye gaji lebih tinggi?

Udeh bisa nerima kalo si doi udeh mengalami kebotakan dini?

Udeh bisa nerima kalo si doi punye acne prone? Pipi chubby? Perut buncit?

Udeh bisa nerima kalo si doi tuh banyak penggemarnye?

Udeh bisa nerima kalo si doi suka pelihara kucing, sedangkan lu punye alergi bulu kucing? (Hmm, ada baeknye pikirin bareng-bareng jalan keluarnye, ye).

Bukti Bahwa Kamu Siap Menikah
Sebelom menikah emang banyak banget yang harus dipikirin, gaes!

4. Memiliki banyak persamaan dalam kehidupan

Yang krusial sih, persamaan keyakinan dan visi misi kehidupan (halah). Kalo soal keyakinan, biasanye kalo ada pasangan yang berbeda gitu, pasti salah satu akan mengalah (walau kagak ada jaminan bakal taat).

Visi misi kehidupan tuh, maksudnye gimane tuh? Ya, soal anak misalnye. Jumlah anak yang dipengenin, sama kagak maunye segitu? Atau maunye kagak usah punye anak?

Terus kalo misalnye lu kepengen open marriage, apakah si calon bakal menerima kondisi tersebut dan lu setuju jika ia melakukan hal tersebut juge? Atau soal poligami, deh, dua pihak sama-sama setuju atau kagak?

Banyak hal sih yang harus dipikirin, coba bace tulisan gue sebelomnye ini.

5. Yang jelas, harus udeh punye CALONnye!!!!

Mau calonnye manusia, kek. Siluman, kek. Boneka fantasi, kek. Ame pohon beringin kek, yang penting udeh ada calon pasangannye!!!! Gue kagak peduli pasangan lu bakal berbentuk ape, yang penting udeh tau risikonye, kan?

Jadi.... Ntulah tanggapan gue soal ape aje bukti kalo kalian siap menikah. Semoga bermanfaat. Dan kalo butuh konsultasi, coba deh DM ke Instagram @irvinalioni. Oke?

2 comments:

  1. setuju, ada pepatah marry your bestfriend krn biasanya udah tau jelek2nya gimana. Yg pasti terbuka soal duit, gaji dia berapa, gaji kita berapa. Komitmen apa istri mau tetap kerja, kalau py anak gimana, diskusi. Jangan sampai menyesal haha..

    ReplyDelete
  2. Numpang promo ya Admin^^
    ayo segera bergabung dengan kami di ionqq^^com
    dengan minimal deposit hanya 20.000 rupiah :)
    Kami Juga Menerima Deposit Via Pulsa & E-Money
    - Telkomsel
    - GOPAY
    - Link AJA
    - OVO
    - DANA
    segera DAFTAR di WWW.IONPK.ME (k)
    add Whatshapp : +85515373217 x-)

    ReplyDelete

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*

Powered by Blogger.