Tentang Artis Sombong

artis sombong
Hah, ngomongin Om Pergijauh, nih?

Artis A tuh sombong, kagak pernah mau nyapa balik penggemar! Artis B tuh sombong, kagak pernah bales DM di Instagram! 

Hmmm, pernah mendapati ocehan kayak gitu kagak? Entah dari orang lain, atau bahkan dari lo sendiri?

Jujur, gue sendiri pernah berada di sisi orang yang ngatain artis sombong. Kejadian 7-8 tahun lalu, lah.

Sebenernye pernah gue ceritain di marih, tapi baiklah gue ceritain lagi kali yeee.

Waktu itu gue masih muda banget pokonye, masa-masa menjelang magang dan skripsi. Jaman-jaman di mane dunia blogger lagi jayanye banget, lah. Kalo sekarang kan jamannye TikTok, ye.

Kalo soal undangan acara bergengsi mah, gue sering banget dapet di kala ntu. Nah, kebetulan gue pernah diundang ke premiere sebuah film buatan seorang komedian ternama. Gue seneng banget lah bisa diundang oleh manajemen si komedian itu. Sampe gue ajak sahabat gue juge, meski gue tau ni temen gue rada kagak suka ame si komedian, entah alesannye ape.

Sialnye, pas sampe sono, si komedian kagak hadir. Bingung kan lo, padahal ntu acara diye sendiri.

Lain hari, gue diundang berbuka puasa di kantor si komedian bareng temen-temen blogger. Dan lo tau ape yang terjadi? Si komedian kagak berbaur dengan para undangan. Malah asik sendiri bersama laptopnye di taman belakang kantor.

Terus gue kepikiran lagi pas jaman-jaman launching manajemen doi. Dan sama kayak kejadian di atas: doi kagak berbaur woy!

Lagi-lagi gue kecewa. Gejolak muda gue pun kesel dan fix ngecap doi sebagai artis sombong.

"Tuh kan, gue kate juge ape!" kata sahabat gue.

Normal dan wajar kan kalo gue ngecap doi sombong? Udeh 3 kali gue melihat kejadian kayak gitu. Dengan mata sendiri!

Bertahun-tahun lamanye, kemudian gue memahami soal sosok si doi ntu. Baiklah, ternyate emang ada banyak banget orang yang nyebut doi sombong. Dan sahabat si doi bilang, kalo doi keliatan sombong, sebenernye itu karena doi seorang introvert. Kagak begitu nyaman dengan keramaian dan orang baru. Walau si sahabatnye ini bilang, kalo si doi tuh emang keterlaluan sifat nyelenehnye ntu.

(Kecuali dibayar mehong kali ye, secara si doi sempet jadi juri acara bakat di TV beberape tahun).

Gue pun semakin cari tau soal doi. Hingga menemukan video pengakuan doi yang bilang bahwa doi merupakan sosok anti sosial berdasarkan sebuah pengujian psikologi saat ia masih sekolah dulu. Maka dari itu, doi selalu menghindari keramaian, kurang bisa cari topik ngobrol bareng orang baru, dsb. Jadi, sebenernye doi kagak bermaksud sombong. Akibat terlalu introvert aje gitu.

Well, kalo gue ketemu doi, mungkin gue akan minta maaf. Oiyak, meskipun gue sempet kesel ame doi, gue selalu ngikutin konten-konten doi kok di Youtube. Doi masih menjadi salah satu komedian yang gue respekin.

______

Balik lagi ke problema artis sombong.

Pernah kagak sih lu nemuin artis secara random di sebuah mall. Terus lu liat, kok mukanye keliatan songong gitu, yak?

Sebenernye belom tentu sih doi aslinye songong. Sape tau emang model mukanye aje sombong. Muka model begitu biasanye kepake banget tuh bakal jadi aktor antagonis. Macem Leily Sagita di sinetron jaman dulu. Atau John Walker di series "Falcon & The Winter Soldier".

artis sombong
Anak 90an pasti tau dengan Leily Sagita yang suka bikin kesel emak-emak! (Sumber)

Kasus laennye: saat lu mau minta foto sama si artis kemudian ditolak. 

Agak tricky untuk langsung bilang bahwa si artis ntu sombong. Menurut gue sih bisa jadi beneran sombong kalo pas lu ditolak terus diludahin.

Gue jadi teringat ocehan sodara kembar gue. Putri Titian pernah bilang di Instagram story bahwa doi mau minta maap aje kalo misalkan pas lagi bareng keluarga di mall kemudian menolak berfoto dengan penggemar.

Kembar beda sperma dan ovum!

Menurutnye, saat bersama keluarga berarti ia sedang melakukan quality time. Jangan sampe diganggu oleh orang laen. Menurut gue, ini wajar banget. Masalahnye, orang di luar sono mau memahami kagak?

Sempet tuh gue dengerin anak artis cerita, kalo doi sebel banget pas lagi jalan ame bapaknye yang artis, eeeh abis itu bapaknye malah sibuk melayani selfie dengan penggemar di mall. 

"Yaelah, doi kan sibuk bener kan yak. Giliran ada waktu nih bakal gue, lah tetep aje diganggu orang!" kata si anak ntu.

Terus ada juga cerita Rafathar anak Raffi - Nagita, yang sebel banget ke tempat keramaian karena suka dicubitin emak-emak saking gemesnye. Yah namanye juge anak kecil, mane paham sih? Dari situlah Rafathar jadi suka menunjukkan sikap cemberut dan marah-marah di depan orang kagak dikenal.

Ada juge kelakukan penggemar yang grecokin seorang artis yang lagi makan di restoran. Si artis pun memintanye untuk menunggu sampe makannye kelar.

"Kan kagak lucu kalo pas makan foto-foto, takut pas saya senyum keliatan cabenye!"

Nah!!!

Sekadar tips supaya lu bisa sukses dapetin foto bareng artis.

1. Berfotolah saat ada acara Meet N Greet, film premiere, atau jika mendapatkan privilege masuk ke backstage. Hindari minta foto pas si artis lagi bareng keluarga. Kalo ditolak, kagak usah sedih karena itu pun hak doi. Masih ada kesempatan lain!

2. Jaga penampilan. Kalopun muka lu burik, pake parfum supaya si artis nyaman.

3. Jaga sikap. Jangan beringas banget pas ketemu ame idola. Sampe teriak, nangis-nangis sambil guling-guling di lantai. Kagak semua artis nyaman ngeliat itu, lho. Yang ada entar lu diomongin ame diye di tongkrongan wkwkwk.

______

Kasus laennye: problema artis kagak follow back dan balesin DM/komen, bisakah dicap doi sombong?

Tentu aje kagak. Alesannye:

1. Mungkin doi kagak punye waktu buat balesin.

2. Mungkin doi trauma dengan komen bar-bar netijen sehingga ogah liat-liat komen.

3. Mungkin doi emang tipikalnye aje cuek bebek nanggepin netiijen yang kagak dikenal.

4. Perihal kagak follow back, itu hak doi kok. Kagak ada aturannye kan seorang artis wajib follow back semua akun penggemar? Emang bakal dipenjarain? Bakal masuk neraka?

Oiye, gue juge sempet melihat kasus penggemar minta dikirimin set alat buat nge-Youtube ke artis-artis. Ada juge yang sampe datengin rumah artis buat minta duit. Kalo kagak dikasih? Kagak jarang gue nemuin si penggemar kemudian ngatain si artis sombong.

Masih mau jadi artis?

Kagak enak tau jadi artis! Serba salah!

Anyway, semoga melalui tulisan ini lu bisa bedain mane artis sombong dan kagak sombong, yak.


Comments
0 Comments

No comments

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*

Powered by Blogger.