Tujuh Hikmah Kalo Internet diputus Om Menkominfo

Vimeo diblokir gegara ade konten porno? Yah, nanggung amat ye. Padahal di Facebook, Twitter, Youtube dan GOOGLE ade lebih banyak noh konten pornonye. UDEH AJE SEMUANYE DIBLOKIR! Iye kagak?

"Ini usulan serius atau karena ngambek?" tanya si Om Menkominfo

MENURUT L?


Istri Om Menkominfo GAK CUKUP SATU!!!


Anyway, lagi hot-hotnye nih Om Menkominfo kite dikata-katain ame sebagian besar masyarakat RI (Republik Internet). Abisnye doi bikin sensasi mulu sih. INTERNET CEPET BUAT APE? Masih inget kagak ame pertanyaan ntu? Terus pas doi ketahuan follow sebuah akun porno sebut aje Ratu Payudara, wiiih geger deh udeh. Dan sekarang? Tiba-tiba blokir Vimeo dengan alesan banyak pidio porno di dalemnye. Ah masya? Bukannye karena ketahuan ade pidio penyanyi dangdut seronok yang manggung pas kampanye Pekaes? UHUK! :p

Masyarakat pun marah karena merasa dirugikan karya-karya kreatip di Vimeo-nye jadi kagak bisa dibuka dan kudu dimigrasiin ke jasa penyedia pidio laen macem Youtube. Kerjaan maning, kerjaan maning. Dan ternyate ye, ntu si Menkominfo udeh bokisin kite karena sebelomnye doi bilang udeh kirim surat ke Vimeo sebelom ngeblok ntu web. Sedangkan pihak Vimeo sendiri sebelomnye mengaku kalo mereka belom menerima surat dari doi. Hmmm, ya udehlah positip thinking aje kalo suratnye lagi kena macet di Semanggy :p

Eh tapi setelah kepergok doi ngebohong, tuh surat langsung nyampe lho. Hihihihihi.

Terus gue jadi mikir, kalo emang si Om "Pencari Konten Selangkangan" ini kagak suka dengan pornografi, kenape nanggung amat ye? Yaelah, namanye juge media yang namanye pornografi pasti bakal muncul terus. Sono aje memberantas web khusus bokep dan menghapus konten AH UH AH UH di berbagai media. Tapi, kalo emang medianye bukan khusus bokep, ya udeh sih kagak usah diblokir, cukup dihapus aje kontennye! Kan kesian ame insan-insan kreatip yang memanfaatlan media ntu. Cemana ini, alamaaak. Macem ade tikus di rumah kite, tapi bukannye ditangkep ntu tikusnye malah kite bakar rumahnye. Kan sayang, ye?

Om, om.... nanggung amat blokir sono-sini. Gih sekalian aje putusin internet se-Indonesia! Dan kalo pun diputusin, ambil aje hikmahnye. Ini nih hikmahnye:

1. Lebih dekat kepada Tuhan Yang Maha Esa
Hayo coba  ngaku, pernah kagak lo melewatkan ibadah karena keasikan maen socmed dan game online? Entah melewatkannye karena sengaje atau kagak sengaje (lupa). Nah, mungkin kalo internet diputusin Menkominfo, kite jadi inget ibadah lagi, sukur-sukur langsung tobat nasuha. Mungkin lho ye, kalo emang niat.

2. Kagak jadi "Babi"
Sejak internet gampil diakses via mobile, banyak orang yang tiap jalan nunduk mulu kayak babi. Matanye selalu tertuju ke hengpon. Ampe kagak berasa nginjek tai kucay kali tuh. Dulu jaman internet belom ngetren, mane ade sih manusia yang jadi babi? Semuanye pade jalan lurus ke depan kok. Iye kagak? 

Nah kalo misalnye internet diputus, mungkin orang-orang bakal kagak jadi babi lagi :')

3. Sikap kepo berkurang
Gue yakin banget nih, gara-gara internet hampir semua orang jadi super kepo dengan kehidupan orang laennye. Entah ntu artis hingga temen yang disukai diem-diem. Hayo ngaku! Tapi ya gitu deh, keponye kebanyakan kagak penting-penting amat. Misal nih, gegara ade ask.fm, temen-temen gue pade dapet pertanyaan kagak penting yang dishare di jejaring sosial laen (padahal gue kagak mau tau juge sih). Mending kalo pertanyaannye kritis ye, lha ini pertanyaannye: 

cebok pake mulut? :o


Kepo kok ampe segitunye? HIH.

Terus... seberape seringnye orang-orang kepoin yang tecinta? Ampe seringkali salah paham dan akhirnye berantem deh. Makanye, kalo kepo jangan sampe sotoy-sotoy. Sape tau kan socmednye dibajak. Mending kalo mau tau tentang seseorang ya toh ditanyain langsung ke yang bersangkutan. Iye kagak?

Yaudehlah daripade begini caranye, putusin aje internetnye!!!!!!!!!!!

4. Mengurangi senam jempol dan kembali berolahraga
Senam tuh harusnye bikin gerak semua badan, jangan cuma jempol doang. Mane bikin dosa lagi. Seberape sering orang-orang nyindirin dan berantem dengan temen-temennye gegara kebanyakan senam jempol? Daripade senam jempol, mending juge olahraga yang bener. Mayan bisa bikin badan lebih langsing dan sehat. Maka dari itu, kalo Om Menkominfo mau mutusin internet, sono ajeeeeeeeeeeeeeee!

Wiw, Om Tifatul jempol deh!


5. Lebih peduli kepada sesama
Gue sering tuh ngeliat di dalem Trans Jakarta ade orang yang pura-pura sibuk dengan gadgetnye pas petugas bus bilang, "Maap ya mbak-mbak, ini ade ibu-ibu hamil butuh bangku..." Jiaaah, cape deh, mata jangan tertuju ke gadget mulu nape, ngeh dikit ke lingkungan sekitar! Noh, ade yang lebih membutuhkan bangku, kasiin kek! Udehlah, putusin aje ntu internetnye, kesel gue jadinye!

6. Kagak begadang lagi
Hayo coba ngaku, sape yang suka begadang gegara internet? Emang nih internet seringkali bikin candu. Kampret!!! Udeh tau begadang kagak baek buat kesehatan, ape kate Bang Oma nanti kalo doi tau kite suka begadang? Udehlah fix, putusin aje internetnye!

7. Kagak lagi pade berlomba-lomba pengen jadi orang eksis
Kalo mau eksis tapi ade karya sih, gue maklumi ye. Kalo kagak punye karya tapi kepengen eksis macem Selebtwit, hiiih ngeselin! Udehlah, mending internetnye diputusin aje!

Tuh, gue bilang juge ape. Bener kan kalo internetnye diputusin ternyate ade hikmahnye juge? Jadi, mau kapan Om Menkominfo putusin internet kite? Ditunggu tanggal maennye ye :D

*Semoga blog gue kagak diblokir ame diye, amin!*

Sumber gambar:
http://statik.tempo.co/data/2013/04/29/id_180635/180635_620.jpg
http://www.pkssumut.or.id/2013/08/klarifikasi-berita-tifatul-serobot-imam.html
http://pks-mentas.blogspot.com/2013/02/kultwit-tifatul-sembiring-untuk-kader.html


28 comments:

  1. Semoga blog ini nggak diblokir._.

    ReplyDelete
    Replies
    1. Semoga diblokir pak Tif.
      Ormas pentung-pentung siap mendukung aksi pak Tif untuk menumpas pornografi dan memperbanyak stok nasi bungkus!

      Delete
  2. lupe ibadah same suke begadang aye banget kapin. udeh putusin aje! *mendadak jadi betawi gaya felix siau*

    ReplyDelete
  3. wah.. Ati ati nih mpok pina. Entar lu diancem kena UU ITE pula kayak web sebelah yang web berita parodi dianggep jadi web berita seriusan. Om tiffie kayaknya lagi Fe Em ES nih. Blokir blokir suka sukanye aje

    ReplyDelete
    Replies
    1. kagak ade konten yang menghina diye jadi selow... yg gue tulis kan berdasarkan ape yg gue liat bener di socmed

      Delete
  4. Hati hati lah engkau dengan blokir pinaaah~ :D

    ReplyDelete
  5. Mari Aamiinkan Pemutusan Intrenet se-Indonesia #lha :))

    ReplyDelete
  6. jangan aja blog diblokir. nangis seIndonesia

    ReplyDelete
    Replies
    1. yang nangis blogger seIndonesia, lebih tepatnye~

      Delete
  7. Bahkan Forum kesukaan ane semprot.com juga udah kena blok om tifi.
    tapi tenang, ada banyak cara untuk membuka blokiran tersebut.

    kasian deh om tifi puk puk puk...
    sebenarnya beliau itu orang yang ekspert di bidang teknologi (dunia perinternetan) ato apa sih ?
    serasa kaya buang buang waktu dan anggaran buat ngeblock situs bokep tapi tetep aja ada caranya untuk membuka (tanya goggle pastinya)

    jadi bingung ama Negara ini ?
    jadi yang bodoh itu yang jadi menteri, yang nunjuk jadi menteri atau ternyata kita kita sebagai rakyatnya yang telah dibodohi.

    aaakkkhhhh realita yang bikin bodoh...

    ReplyDelete
  8. Jadi babi? hahaha,, banyak banget tuh yang gitu di jalan. Banyak pro kontra sih emang, kalo alasannya pornografi sih di youtube juga masih ada deh tuh video yang bgituan, selain itu situs bokep masih banyak tuh yang gak di blokir. Bener kata lu mpok, hapus aja kontennya jangan di blokir webnya. Emang ye, pejabat kita ini bisanya pencitraaaann mulu, ketahuan boroknya langsung ambil langkah seribu. Pusing dah, untung gw gak suka politik, nyoblos caleg aja gw pilih yang mana yang mukanya gak ngantuk,, yang penting kan gak golput, ahay.

    ReplyDelete
  9. "jadi babi" -__- )"

    kayaknya sebelum internet mewabah (baru tahap sms), udah banyak yg seperti itu.

    *entar kalo main gadget, diangkat ah*

    ReplyDelete
    Replies
    1. angkat aje asal bulu keteknye ude dicukur yeh

      Delete
  10. Kalau internet diputuskan, ngeblog lewat mana kakpin? Nulis di diary lagi? Huahahahaha.-.

    ReplyDelete
  11. Lagi-lagi postingannya bagus. Mampir ya ke blog gue. azizkerenbanget.blogspot.com. Salam kenal.

    ReplyDelete
  12. Dan anehnya, kok gue masih bisa buka vimeo ya?

    ReplyDelete
  13. mb pina jempol deh ah, ini ngena loh kalau doi baca, tapi nanti kalu di blokir blognya gimana, sedih :(

    ReplyDelete
  14. Putusin aja deh.. Trus kita nangis bareng2 :D

    ReplyDelete
  15. Seharusnya sih blognya Mpok kena ikutan blokir nih, apalagi kalo dia (panggilan mesra ceritanya) baca tulisan ini, hehehe..
    Padahal yang gue pernah baca, aktivitas porno itu ngga akan bisa dimusnahkan sampai akhir zaman dan kayanya dia juga lupa kalau di Youtube juga ada banyak film porno (ketahuan deh gue sering buka)

    ReplyDelete
  16. kenapa kagak kayak negara china aja. disono segala jenis social media yg ngetren di Indo diblokir dengan tujuan bagi para pelajar biar fokus belajar. Bahkan google diblokir dinegara sono. tapi sebagai gantinya pemerintah China membuat gantinya yang lebih aman dari boukep dkk.

    kapan gitu Indo bisa kek gini ? Ye ga mpok pina ?

    ReplyDelete

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*

Powered by Blogger.