Adab Berhubungan dengan Teman Lawan Jenis yang Sudah Menikah

Kite hidup di jaman banyak fitnah, setuju? Biar kite dan pasangan kagak difitnah yang kagak-kagak, atau berantem hebat gegara hal sepele, coba deh jangan sampe kalian melewatkan artikel satu ini.

Oh iyak...  Jangan sampe tau-tau pas udeh nikah, eh kalian banyak berantemnye gegara kalian temenan ame lawan jenis.

Berikut adab berhubungan dengan temen lawan jenis yang udeh nikah atau berpasangan. Mohon dipahami yak.

1. Kagak curhat-curhatan antar personal

Berkaca dengan rumah tangga 2 artis ternama, berlawan jenis namun bersahabat sangat baek hingga masing-masing bercerai pada akhirnye. Karena ape? Karena kecemburuan masing-masing pasangan mereka! Belom lagi hujatan warganet yang merasa sangat aneh di akun personal mereka terlihat sangat intim, liburan berdua, makan berdua, malah beberape foto terlihat sangat romantis.

Coba lu bayangin, suami tercinta lu makan malem berdua dengan sahabat cewenye, ala ala candle light dinner di pinggir pantai, terus di-update di Instagram mereka masing-masing. CEMBURU KAGAK LUUUU?

Walau mereka bilangnye, “Kite cuma sobatan, kok, cuma suka curhat-curhatan doang” YA TAPI KAGAK SAMPE BEGITU JUGE, WOY! Sebagai salah satu warganet yang kagak ada hubungan dengan 2 artis ntu, gue cukup geram juge, sih. Macem kagak menghormati masing-masing pasangan aje, gitu.

Ya menurut lo aje, mesra-mesraan ame pasangan sah orang laen, atas dasar : "kite cuma sobatan, kok"

Gue pun pernah mengalami kejadian saat lagi makan malem berdua dengan suami, eh sobat laki gue, cewe, malah nelpon buat curhat! Lagi pelukan di ranjang, eh tuh orang nelpon, curhat! Kagak tau diri emang, udeh malem malah curhat.

Laki gue kan tipikal yang kagak enakan yak, mau nolak kagak enakan, tapi ya kesel juge gue, kagak tau diri amat tu cewe. Maksud gue, ya toh tau diri gitu, pas malem minggu kan pasangan lagi couple time, pas prime time ape lagi, ngapain sih ganggu-ganggu aje. Yang gue bingung, harusnye tuh orang curhat aje ame sesama cewe, nape ame laki orang. Huhuhu.

Untungnye sih sekarang tuh orang kagak nongol lagi, awas aje kalo berulah lagi.

Ada juge temen gue, cowo, yang curhat soal masalah seks ke temen gue yang cewe. Koplak banget, maksudnye ape ngomongin soal seks ke lawan jenis? Sono aje ke dokter Boyke!

Inget, hubungan spesial bisa terjadi akibat saling curhat-curhatan! Kagak mau kan pasangan lu diembat orang laen gegara mereka sering curhat-curhatan? Gegara mereka saling baper?

2. Mau numpang kendaraan? Ijin dengan pasangannye, dong!

Ngapain pake ijin sih, ribet amat, kan cuman nebeng motor doang?

Untuk menghindari hal-hal yang kagak diinginkan, coba deh buat komitmen pada diri sendiri, salah satunye dengan berkomunikasi dengan pasangan temen lu yang mau ditebengin atau pasangan orang yang mau lu tebengin.

“Sista, mohon maaf nih sebelumnya, gue kagak dapet ojol nih. Jadi rencananya mau barengan ame laki lu. Boleh, kagak? Hehehe” (Sambil rada canda dikit).

Dengan begitu, setidaknye lu udeh minta ijin dan berjanji pade diri sendiri untuk tau diri juge. Mau jaga jarak karena kagak mau menciderai kepercayaan pasangan temen lu.

Dengan begitu juge, jika sewaktu-waktu suami atau bini lu lagi berboncengan dengan temen lawan jenisnye, kagak bikin fitnah saat ada temen laen lu yang bilang, “Eh, kemaren kok gue liat bini lu lagi dibonceng cowo cakep, sih?” Seketika lu bisa jawab kan, “Oh, ntu temennye, udeh ijin kok ke gue, gue juge kenal ame tuh orang”

Coba kalo kagak ada ijin sebelomnye, yang ada lu kaget, kan?

“HAAAH, BINI GUE DIBONCENG COWO CAKEP KEMAREN? SAPE TUUUH? WAAAH SELINGKUH NEEEH JANGAN-JANGAN!!!”

3. Hindari foto berdua sambil berdekatan

apelagi selfie macem begini.... 

Biar kagak jadi fitnah! Biar kagak diomongin ame warganet kalo misalnye tuh foto diunggah ke media sosial.

Bukan ape-ape, soalnye gue pernah liat cewe lagi wefie dengan sobat cowonye, tapi dempet banget, ampe teteknye nempel. KAN NYEBELIN, ANYEEENGGG! Yang wajar-wajar aje lah!!!

4. Kagak ngomong sayang-sayangan

Ada beberape temen cowo gue, yang suka ngomong ke gue macem, “Iya, sayangggg”

Gue pribadi kagak geer, tapi gue kagak mau bikin mereka nyaman menyebut kata tersebut ke gue, sampe mereka berpikiran, “Gila nih temen gue, gue sebut sayang kagak marah, jangan-jangan doi nyaman gue sebut sayang? Mudah-mudahan bini gue kagak disayang-sayangin ame temen cowonye.”

Gue suka marah kalo temen cowo gue udeh nyebut kata sayang. “Eh, gue udeh ada laki, kagak usah begitulah, males gue!”

Takut juge kan kalo pesan WA temen cowo lu dibace ame suami lalu doi jadi suudzon?

"SAPE NIH YANG SAYANG-SAYANGAN AME BINI GUEEEE???"

5. Tau diri kalo mau nelpon dan nge-chat

Tau diri lah kalo mau berkomunikasi dengan lawan jenis. Sekenanye aje, jangan sampe intens banget kayak orang pacaran etdaaaah.

Jangan pas malem minggu, hari libur, hingga prime-time. Ape lagi kalo cuman buat curhat-curhatan doang. Yang penting-penting ajelah kalo mau berkomunikasi dengan pasangan orang laen!

6. Mau ketemu temen lawan jenis dan cuma berdua di sebuah kafe? Minta temenin pasangan, atau setidaknye kasi tau seperti ape temen lawan jenis lu (orangnye kayak gimane, fotonye, attitudenye, tempat tinggalnye, dll) dan tentu aje kudu minta ijin pasangan!

Gue pribadi kagak melarang suami untuk bergaul dengan lawan jenis, asal tau diri. Kalo misalnye mau ketemu dengan salah satu temen cewenye, buat kepentingan pekerjaan atau sekadar reuni, ya sebelomnye gue kudu mengetahui temennye kayak ape, mereka ketemuannye di mane, jam berape sampe jam berape, kepentingannye ape, dll. Kalo bisa, malah gue bakal ngikut, kali.

Biar kenape sih, emang? Biar kagak ada fitnah! Kite nih kan lagi hidup di jaman banyak fitnah beredar kan yak, jadi buat jaga-jaga aje gitu.

Ape lagi kalo lu atau pasangan adalah selebritis ternama, kudu banget tuh melakukan poin 6 ini, biar kalo dicekrek akun gosip, bisa langsung klarifikasi, lu atau pasangan juge bisa meminimalisir rasa cemburu, kan.

Misal, suami lu seorang penyanyi ternama, mau ketemuan ame klien, cewe, cantik parah. Ketemuan di kafe elit, sampe dicekrek salah satu warganet hingga fotonye menyebar di akun gosip. Lu sebagai pasangan pasti bisa langsung pasang badan dan klarifikasi, di saat mungkin pasangan lu belom sadar lagi digosipin atau kagak maen socmed. Iye, kagak?

--

Nah, manteman, begitulah sekelumit kisah dan nasehat dari gue. Sebagai pengingat diri gue juge sih, agar gue bisa menghargai pasangan.

Mohon maap aje kalo dirasa lebay, tapi setidaknye bisa menerima sudut pandang laen dari poin-poin di atas.

Ada yang mau nambahin?