Sihir-Sihir Di Dunia Politik

permainan dukun sihir di dunia politik
Berani bace tulisan ini sampe abis?
Salah seorang dosen pernah bercerita tentang perjuangannye buat maju ke kursi panas DPRD. Nih orang sih gue percaye banget kejujurannye. Mane tegas banget pula. Kalo ada orang yang salah, doi bakal berani nyemprot-nyempot dah. Tau Ahok aka BTP kan? Tau Susi Pudjiastuti kan? Nah, model karakternye kayak begitu lah. So far, menurut gue karakter kayak gitu emang harus banget dimiliki oleh para wakil rakyat terkini (kecuali ngomong kasar dan blundernye ye hahaha).

Nah dosen gue ini orangnye bener-bener logis. Soal setan-setanan mah doi kagak pernah percaye. Soal sihir, magis, apepun namanye, doi kagak pernah percaye. Tapi doi akhirnye percaye saat nyaleg sebagai DPRD mungkin sekitaran 10 tahun lalu.

Kite sebut aje si dosen ini D yak. D nih orangnye juge pecinta olahraga. Mangkenye badannye tuh kagak kayak orang-orang tua sepantarannye. Doi kagak mengidap penyakit apapun. Sehat sentosa. Namun, setelah doi mengajukan diri sebagai caleg DPRD di suatu daerah dan mau mulai berkampanye, entah kenape doi jadi lumpuh sebelah. Kaki sebelah kanan kagak bisa digerakin.

Langsung dah tuh ke dokter. Cek ini itu. Hasilnye? Kagak ada masalah kata si dokter!

Dan di kaki D terkadang berasa kayak ada yang gerak-gerak dan tajem-tajem. Nah, kejadian kayak gini kebetulan pernah dialami oleh nenek gue juge. Kata nenek gue, rasanye kayak ada uler menggeliat di dalem kaki. Terus kayak di dalemnye ada paku-paku tajem.

Nenek gue sih waktu ntu langsung dateng ke orang pinter. Konon ada yang 'ngirim' gitu deh, iri ame nenek gue (entah iri karena ape, karena nenek gue biasa aje, bukan konglomerat juge wkwk).

Eh taunye kejadian ame si D, si orang yang super duper pinter bin logis!

Setelah ke dokter, D disaranin buat ke orang pinter. Tapi doi menolak, tetep logis. Doi pun langsung ke dokter laen. Hasilnye sama aje, bikin dokter bingung, karena pas diperiksa kagak ada yang aneh-aneh.

Terpaksalah doi ke orang pinter, kenalan salah seorang keluarganye. Hasilnye? Ternyate si D kena santet. Untungnye kagak sampe menghilangkan nyawa.

"Ini mah 'kiriman' dari lawan politik!" kate si orang pinter ntu.

Setelah diobatin, sembuhlah si D ntu. Tapi sembuhnye setelah pemilihan udeh usai. Doi belom sempet kampanye, ke sono sini buat turun ke jalan. Ya otomatis doi kalah, karena kagak cukup eksis di wilayah sono. Maklum orang baru di dunia politik.

"Saya jadi percaya bahwa dunia sihir itu ada!" ucap D saat bercerita di depan kelas.

Soal magis kagak cukup sampe di situ. Tuti, salah satu narasumber kali ini, menceritakan soal horornye komplek khusus wakil rakyat di salah satu sudut ibukota. Tuti merupakan salah satu orang yang memiliki keluarga dengan profesi wakil rakyat.

"Rumahnye gede-gede lho, ada kolam renang. Tapi banyak yang kosong. Meski kosong (kagak dipake bakal rumah pribadi), tapi suka dipake buat yang 'aneh-aneh'. Suka dipake buat tempat persembahan dan pesugihan mereka!"

"Hah, ngapain mereka gitu-gitu?"

"Demi kelancaran kerja, dong. Biar bisa jadi wakil rakyat lagi. Biar semua tender lancar. Banyak tau wakil rakyat kite kayak gitu"

"Terus, ada kagak keluarga lo yang pernah liat 'aneh-aneh' di komplek ntu?"

"Tetangga keluarga yang masih tinggal di komplek ntu pernah cerite. Katanye pas magrib, doi ngeliat ada cewe pake kebaya ijo jalan di depan rumah salah satu anggota wakil rakyat kite. Pas jalan, eh tau-tau menghilang. Katanye tuh cewe pake mahkota gitu. Ngeri kagak sih lu?"

"Itu sejenis Nyi Roro Kidul ape ye?"

"Entahlah. Ada lagi nih pengakuan tetangga laen. Jadi kan bapaknye ikutan pemilu lagi, terus satu malem sebelom pemilu diadain, bapaknye mandi kembang. Bahkan temen-temen bapaknye ada yang sampe mandi di sungai-sungai tertentu. Salah satu penguasa tinggi kite juge (SENSOR) suka mandi di sungai tertentu. Iiiyy, hari gini kok pake cara begituan yak?"

"Terus terus, ada lagi kagak?"

"Hmm... Gue pernah nganterin temen yang mau ke tukang ramal tarot di salah satu mall. Eh si tukang ntu sempet bilang kalo setiap Senin doi kagak buka praktek, karena harus ke DPR ketemu klien. Aneh kagak sih, ngapain wakil rakyat ngundang tukang ramal tarot! Hahaha!"

"Dih, ngapain sih, jadi kepo deh gue!"

"Konon sih, si tukang ramal ntu udeh macem guru spiritual bagi orang-orang sono. Huuuu, kayak kagak ada pemuka agama yang bener aje!"

Hahaha anjir ngakak kagak sih lu pade!

--

Sebenernye masih banyak hal-hal magis seputar dunia politik yang sayangnye belom bisa gue ceritain sekarang. Jadi, cukup segini dulu yak. Udeh cukup mencekam malem Jumat ini? Monggo, sok atuhlah kalo punye cerita serupa sabi cerita di kolom komen atau melalui socmed gue FB/TWITTER/IG @irvinalioni ^^

6 comments:

  1. beh, jan muedeni lek masalah ghoib2-an ngono kui

    ReplyDelete
  2. This comment has been removed by the author.

    ReplyDelete
  3. Emamg rasanya agak susah sih mau perfape hal mistis kalau belum ngerasain dan lihat langsung.

    Serem juga ya dunia politik ini. Persaingan bukan cm di dunia nyata di di dunia ghaib pun masih bersaing 😂

    ReplyDelete
  4. Setelah baca ini saya jadi berpikir, apakah para petugas KPPS yang meninggal itu karena tumbal para politik pengguna sihir ini ya.

    ReplyDelete
    Replies
    1. gue rasa ngga, emang karena kondisi fisik kurang bagus aja

      Delete

Gih kasi komen. Asal jangan nyebelin, berbau SARA dan porno ye. Yang SPAMMING bakal gue HAPUS.

Makasi temen-temen. HAPPY BLOGGING! :*

Powered by Blogger.