Thursday, 24 November 2016

Ramalan Karakter Gemini dari Koh @aMrazing



Sebenernye gue bangga menjadi anak Gemini. Karena gue merasa, anak Gemini tuh kece, unik, pinter, dll. Bung Karno, Soeharto, Raisa, Chelsea Islan, Sherina, Prisia Nasution dan Jokowi! Oh meeeen, ada 3 presiden RI berzodiak Gemini, kece berat kagak tuh?

Ape aje sih ciri khas gue sebagai Geminian yang kemungkinan kagak dirasakan oleh zodiak laennye?

1. Unpredictable. Gue anak biasa, kagak pinter-pinter amat, kagak tenar pula di sekolah/kampus. Tapi gue bisa buktin kalo gue bisa lebih dari mereka yang pinter/tenar, gue bisa kerja tanpa bantuan temen atau ngemis-ngemis lowongan kerja di grup chat. Sedangkan yang pinter-pinter, ya begitu aje, malah pade ngemis kerjaan. Mereka pun sampe kagak percaye gue kok bisa-bisanye masuk tipi lah, masuk majalah lah, bisa kerja di perusahaan asing lah, dll. Padahal dulu, mungkin gue termasuk anak yang termarjinalkan, muehehehe. Mangkenye kudu punya sikil eeeh skill, kalo kagak mah, udehlah wassalam.

2. Sensitip. Sebenernye sih dibandingkan Gemini, Sagitarius lebih sensitip. Sensitip yang dimaksud bukan cepet marah yak. Namun lebih ke-kepekaan. Nah orang Gemini yang kreatip tuh biasanye bakal menggunakan kesensitipannye buat berkarya, berbisnis, hingga berpolitik. Ini sih yang gue rasain yak. Nah kalo gue sih, menggunakaan kepekaan buat ngeblog, mangkenye udeh 6 taon ngeblog, gue kagak pernah sama sekali kehilangan ide nulis, wong kuncinye ntu peka, hahaha.

Gemini emang sensitip, tapi bukan maksud emosian atau cengeng... namun kami sensitip dalam hal kepekaan (source)

3. Moody.
Bukan Moody Ayunda, tapi Gemini tuh bisa aje paginye ketawa-tawa, sorenye nangis-nangis kagak jelas. Waktu ntu aje pas lagi pacaran, entah kenape gue tetiba nangis, padahal sebelomnye ketawa bego. Pacar gue sampe nanye kenape, gue bilang aje gue sakit kepala, padahal mah kagak tau dah.

4. Super kepo. Bagusnye sih, sifat kepo gue tuh berguna buat kerjaan, seriusan deh. Soalnye gue kan kudu selalu kepoin kompetitor klien gue gitu loooh buat analisis!

5. Suka tantangan. Gemini tuh jarang takut brooooo, tapi khusus gue sih hingga kini gue masih takut ame kecoa. Jadi kalo ditantang disuruh buang kecoa, gue takut, hiiiih.

Nah, untuk lebih jelas dan sahih, silakan cek skrinsutan twit kokoh @aMrazing yang gue save sejak.... entah kapan wkwk. Nemu di gallery laptop hahaha.

gue emang NGEHE
GEMINI SOK JUAL MAHAAAALLL? APAAAAHHH?
EXTREME MOOD? BENER BANGET!
UNPREDICTABLE!!!
DRIVEN BY MOOD!!!
yes, im independent!

Menurut kalian, gue Gemini yang kayak gimane? 

GEMINI MANE SUARANYYEEEEEE!!!

Monday, 21 November 2016

Poto Pre-Wedding Cuma 300 Ribuan ?!!!


Horeee, akhirnye gue udeh menjalani sesi poto pre-wedding! Yang bikin gue seneng, gue bisa poto pre-wedding dengan modal hanya Rp 500.000 termasuk dengan make up ketje. Hihihi.

GIMANE BISA MPOK PINAAAA??? HAREEE GENEEE???

Yup, bisa aje sih. Kalo kite selalu nanye-nanye ke temen yang biasa ngurusin nikahan, mau cari-cari promo di internet, segala hal yang murah meriah bisa didapetin.

Berhubung gue kawin dengan budget terbatas, otomatis gue kudu pinter-pinter ngebagi duit buat urusan kawinan. Termasuk untuk budget poto pre-wedding. Awalnye gue cuman kasi budget Rp 2.000.000 terus gue pikir-pikir, ape bisa yak gue pre-wedding dengan budget segitu? Udeh gitu di lain hari, duit budget pre-wedding kudu dipangkas bakal nutupin ini dan itu. Huhuhu pusing. Akhirnye gue nanye-nanye ke @rcfeby yang pernah ngurusin nikahan kakak-kakaknye. Dan... jeng-jeng!

Sobat gue ntu nyaranin gue donlot aplikasi Groupon terus nyari-nyari promo pre-wedding. Tapi pas gue liat-liat sih, di aplikasi kayak Lakupon juge ada tuh, kalian pilih dah tuh mau donlot yang mane. Lalu gue pun donlot si Groupon, gue cari paket-paket pre-wedding murah... wah lumayan juge tuh banyak promo pre-wedding di bawah sejutaan. Cuman ya kudu diliat ntu promo berlaku sampe kapan, kite bakal dapet fasilitas ape aje, terus apakah hasil poto yang ditawarin sesuai dengan yang kite mau. Oiye satu lagi, lokasi poto preweddingnye kalo bisa yang deket-deket rumah, kalo kejauhan ntar kena macet, mood jelek, terus pas pepotoan malah aura kite kagak enak diliat.

Pas gue nyari promo pre-wedding tuh aplikasi, gue nemu salah satu studio di Cengkareng. Yup, gue pilih studio karena gue males panas-panasan. Ntar make up gue jadi kurang cucok, lageeee. Nah, gue pilih aje tuh @herophotography_jakarta berhubung lokasinye kagak begitu jauh dan gue rasa hasil poto-potonye keren untuk budget terbatas. 

Yang gue seneng, paket promo buat poto pre-wedding gue ntu cuman Rp 350.000 doang, murah banget! Cuman sebenernye ntu paket bukan paket pre-wedding, namun paket couple. Kalo paket pre-wedding biasanye pake gaun penganten dan harganye bedaaaa. Berhubung gue kagak mau ribet pake gaun penganten plus kagak ada waktu buat cari sewaan baju, jadi gue rasa kagak nape dah gue pilih paket couple. Gue dan si Yangski bisa pepotoan pake baju casual tapi tetep ketje.

Dengan paket yang gue ambil ntu, selama satu jam kite bisa pepotoan dengan 3 background yang dikasi, yakni item, abu-abu, dan putih. Kite juge cuman dikasi 10 poto 4R yang baru bisa diambil 3 minggu setelahnye. Tapi kagak usah khawatir, sehari setelah pepotoan kite bakal dikasi 10 softcopy potonye lewat e-mail, jadi bisa langsung diedit sendiri dan dicetak atau diperbanyak bakal hiasan photo booth di acara resepsi. Untuk wardrobe kudu bawa sendiri. Make up? Bisa sendiri atau di-make-up-in ame tim mereka, dengan tambahan harga Rp 150.000. Nih hasil make up gue:

Tampak Hi-Res dendongan eike
Untuk properti yang disediain lumayan banyak, kite bisa pilih. Ada topi koboy, topi SWAG, balon-balon, boneka gede, boneka kecil, bangku, dll. Berikut adalah poto-poto pre-wedding gue dan si Yangski:

A photo posted by Irvina Lioni Yuniasari (@irvinalioni) on


A photo posted by Irvina Lioni Yuniasari (@irvinalioni) on

A photo posted by Irvina Lioni Yuniasari (@irvinalioni) on

Sebenernye sih kagak cukup 1 jam buat pemotretan ini, huhuhu. Jadi kurang mengeksplor gaya, hahahaha. Cuman pas liat hasilnye sih, gue rasa kagak jelek-jelek amat hihi. Kagak sia-sia gue sering swafoto ame si Jokowi KW Super ini wkwkwk.

A photo posted by Irvina Lioni Yuniasari (@irvinalioni) on

A photo posted by Irvina Lioni Yuniasari (@irvinalioni) on

A photo posted by Irvina Lioni Yuniasari (@irvinalioni) on

Yang bikin gue seneng, selama pemotretan, si potograper bakal selalu nyetelin musik kekinian pake speaker gede, jadi mood para modelnye selalu bagus. Gue jadi keinget dulu pas jadi brand ambassador salah satu brand gede (dulu bareng Bang Benakribo), kite kudu melakukan pemotretan dari pagi sampe malem, dan ntu bikin kite cepet bad mood, huhuhu. Kagak dikasi musik sih di studionye.

Nah, ntu diye laporan poto pre-wedding gue beserta inpo yang mungkin bermanfaat untuk para calon manten. Cuss lah pade donlot aplikasi berguna demi keselamatan dompet kite semua wkwk. Btw ntu poto belom semuanye gue share di mari, yak. Nanti gue pajang di Instagram @irvinalioni.

Btw.. jangan bosen-bosen yeee ngeliat tulisan tentang kawin dari gue HAHAHAHA. Untuk laporan malem pertama nyusul yak wkwkwk. Dua minggu lagi nih!

Sunday, 20 November 2016

Mau Jadi Penulis Buku? Jadilah Seleb Ask FM!


Beberape waktu lalu, gue sempet jadi pembicara di seminar kepenulisan yang diadakan di salah satu kampus di Tambun Selatan. Acara ini dibikin oleh SMAN 2 Tambun Selatan dan gue diundang salah satu blogger bernama Iqbal. Sebenernye agak ragu juge nih, mau ngambil ape kagak, abisnye jauh bener di Tambun Selatan, udeh gitu kudu dateng jam 8 pagi. Gimane bisa yak?

Yah demi nambah-nambahin modal kawin, cuss ajelah wkwk. Lumayan buat bayar penghulu hahaha. Jadi, gue ambil aje dan minta si Yangski buat nganterin. Jujur aje, di malem sebelomnye gue kagak bisa tidur, karena gue takut bangun kesiangan, secara gue bakal dijemput Yangski jam 5 subuh. Berarti gue kudu bangun jam 4 pagi, dan sebagai anak yang suka bangun siang gue menyangsikan bisa bangun jam segitu wkwk.

Pade Jumat malem pun gue kudu lembur sampe jam 11an, dan sampe rumah gue kagak bisa tidur, mungkin sekitar jam 1 malem baru bisa ngorok. Gue udeh antisipasi dengan memasang alarm mulai jam 3 pagi dan per-15 menit tuh alarm bakal bunyi terus. Jam 3 gue bangun, tidur lagi, bangun, tidur lagi, sampe gue baru sadar udeh jam setengah 5 subuh.... -_____-

Gue pun langsung grabak-grubuk. Mandi kucing, dandan seadanye, lalu duduk manis menunggu jemputan. Jadi kagak enak karena kudu nyusahin pacar huhu. 

Sekitar jam setengah 6, kite cuss dari Jakarta ke Tambun Selatan, yang dapat diraih selama kurang lebih 2 jam. Padahal baru jam 6an, tapi tol Cikampek udeh rame ame mobil ke arah Bandung serta truk gede yang entah mau kemane. Gue minta si Yangski untuk membawa mobil dengan sabar karena gue tau doi tuh orangnye kagak sabaran.

Untungnye sih lokasinye deket ame pintu tol keluar, jadi nyarinye kagak susah. Sampe di sono, gue ajak si Yangski sarapan dengan nasi kuning yang dibeli di pinggir jalan. Lalu ngupi dan masuklah kite ke ruang tunggu pembicara.

Selama 2 jam gue nunggu dipanggil panitia. Biasa deh, ngaret dikit. Untung ada si Yangski jadi kagak krik-krik amat. Sekitar jam setengah 10, gue tampil di atas panggung. Gue jadi pembicara pertama buat ngisi. Gue liat penontonnye, kok banyak amat yak sampe ada ratusan, udeh gitu kebanyakan cewe-cewe hijaber. Duh, takut grogi deh.

Bersama 2 MC brondong Tambun, kite tanye jawab seputar kehidupan gue ngeblog dan nulis-nulis. Gue beberin semuanye, mulai dari penghasilan ngeblog, penghasilan nulis di media laen, kerjaan gue yang salah satu job desc-nye sebagai content writer, dll. Gue pun ngomongin rahasia dapur para penulis laen, semacem Diana Rikasari dan Radityadika. Sejam kemudian, Kak Orizuka selaku pembicara kedua yang udeh ngelahirin 26 buku lalu ikut berbagi, terutama soal tulis-menulis buku. Sejam kemudian lagi, datenglah si Marco dengan santainye. Doi berjalan menuju panggung sambil makan. Buset, kagak sopan amat yak. Namun seisi ruangan malah ketawa, dan... oke gue baru nyadar kalo ruangan ini rame oleh fans cowo tersebut.

Muke gue kagak kontrol, bok!
Sebenernye gue kagak kenal ame nih cowo, cuman kayaknye pernah liat di timeline Twitter. Ternyate doi penulis salah satu buku... dan doi bisa bikin buku karena punye pengikut banyak di Ask FM. Selama 9 bulan doi bikin buku dan mengaku bahwa sebenernye doi menulis karena 'dipaksa'. Hingga sekarang pun doi merasa bukan seorang penulis.

"Gue kagak bisa nulis, itu aje bukunye kagak penting-penting amat," pungkas si cowo yang ternyate sepupu Raisa.

KELAKUAN BEDEBAH
Gue sih udeh memaklumi ye kalo ada orang terkenal di dunia maya tetiba jadi penulis, karena ini adalah isu yang berkembang... katakanlah... dari tahun 2011an. Gue juge kagak mau ngejudge Marco sebagai orang yang memanfaatkan posisi doi sekarang untuk menjadi penulis buku. Why? Coba bace tulisan lama gue: Modal Terkenal Bisa Jadi Penulis?

Lalu bener kagak sih kalo mau jadi penulis buku kudu jadi seleb di dunia maya, salah satunya Ask FM? Ya, menurut gue sih bener-kagak bener. Tergantung genre dan target pembace bukunye aje sih. Kalo mau jadi penulis sastra, tentu kagak harus jadi seleb dunia maya dulu, yang jelas kudu punye ide dan gaya bahasa yang 'wah' banget.

Bareng peserta yang beli tiket VIP
Yang gue suka di seminar ini, banyak peserta yang ikut bukan hanya untuk ketemu Marco, melainkan untuk belajar menulis juge. Banyak banget bok yang nanye, tapi kebanyakan yang ngejawab gue ame Kak Orizuka, sedangkan si Marco kagak bisa jawab hahaha. Nah, inilah risikonye kalo kite ngundang seseorang yang kagak minat-minat amat soal tulis-menulis namun tema seminarnye malah soal bidang tersebut. Dan risiko Marco sendiri juge sih, meskipun baru melahirkan 1 buku, seharusnye tetep mau belajar soal tulis-menulis buat jaga-jaga kalo nantinye diundang lagi. Namun, ah sudahlah, orang ganteng mah, bebas!

Jurus mata kelilipan angin wkwk
Marco kagak pernah jaim amit-amit dah

Berikut adalah pertanyaan-pertanyaan yang diajukan oleh mereka:

1. Gimane sih cara menyatukan beberape ide menjadi sebuah cerita dalam novel?
2. Ape aje cara untuk menghapus writer's block?
3. Cara dapet ide nulis pegimane dah?
4. Gimane cara mengganti "katanya" "ujarnya" di dalem kalimat cerita?
5. Cara nentuin gaya bahasa gimane sih?
6. Rencana mau bikin buku ape aje?
7. Apakah penerbit jaman sekarang selalu nyari penulis yang terkenal dulu di dunia maya?
8. Cara nerbitin buku pegimane aje?
9. Mending nerbitin buku di penerbit mayor, indie atau self publishing?

Dan laen-laen.

Nah, untuk menjawab pertanyaan-pertanyaan di atas lewat blog, akan gue lakuin di postingan berikutnye. Kalian punye pertanyaan serupa? Silakan komen di bawah :D

Terima kasih untuk SMAN 2 Tambun Selatan yang udeh ngajak gue berbagi, sumpah deh ini seminar paling PETJAAAAH karena pesertanye banyak, berani nanye, dan panitanye kece. Berasa artis pas gue di mari karena diajak poto-poto ame dipintain tanda tangan muluk, wkwkwk.

Thursday, 17 November 2016

Persepsi Gue Dahulu Terhadap Mayoritas Orang 'China'


Sebenernye gue ada keturunan darah 'China', entah gue adalah keturunan yang ke berape. Yang gue inget, gue adalah hasil turunan dari Sunan Gunung Jati dan salah satu istrinye yang berasal dari negeri China. Gue pernah denger cerite ini langsung dari bokap dan salah satu komik yang pernah diproduksi susu Danc*w saat gue masih SD. Percaye ato kagak, silakan, namun itulah hal yang gue ketahui soal asal-usul gue dan generasi keluarga sebelom gue lahir.

Kurang 'China' ape gue?
Sedari kecil hingga duduk SMA, yang gue ketahui dari masyarakat turunan 'China' adalah tajir, tukang jualan, jago Bahasa Mandarin, dan pinter. Soalnye kebanyakan temen sekolah yang turunan China kebanyakan kayak begono. Kite semua bertemen baek, meskipun mereka pinter dan gue berotak pas-pasan, mereka tajir dan gue kalangan biasa, dst.
Kayak anak cowo wkwk.
Berbeda dengan gue, orang-orang kampung marih (gue tinggal di perkampungan daerah Roxy) berpendapat bahwa orang turunan China ntu pelit dan belagu. Mungkin mereka beranggapan begitu karena warga bermata sipit di daerah kite kayak begono. Hal tersebut lalu mengakar dan terciptalah stereotype dari satu generasi ke generasi laennye kalo semua warga turunan 'China' ntu pelit dan belagu. Namun di benak gue, gue percaye bahwa ntu hanyalah persepsi mereka aje, toh bagi gue mau turunan 'China' kek mau turunan suku ape kek, pelit mah pelit aje. Belagu mah belagu aje.

Gue dan kawan-kawan se-per-'China'-an

Berbicara soal stereotype, banyak juge yang nganggep kalo orang Padang ntu pelit. Orang Jawa ntu lelet. Orang Batak ntu kasar, dll. Bagi gue sih bahaya ye kalo stereotype ntu terus mengakar. Tentu aje ntu salah besar. Orang-orang yang suka ngasi stereotype kayak gitu sih, gue yakin maen dan pergaulannye masih kurang jauh. Toh, gue punye temen asli Padang tapi sering ngasi ini itu, temen asli Jawa yang kerjaannye cepet, orang Batak yang selalu perhatian ame gue di saat sedih, dll.

Lantas, gimane sih cara menghilangkan stereotype atau persepsi jelek terhadap manusia lain yang berbeda dengan  kite? Menurut gue sih salah satunye dengan HIJRAH. Hijrah yang gue maksud di sini adalah, kite kudu mau hijrah ke beberape tempat di mane kite bisa menemukan beragam macem manusia (seperti mau berpindah-pindah ke negara atau kota kecil-besar, bergaul dengan berbagai macem orang dari profesi mainstream-anti mainstream), atau nyoba jadi minoritas. 

Dahulu gue mencoba untuk berani masuk ke sebuah kampus yang akan membuat gue menjadi 'manusia baru'. Kenape gue beranggapan begitu? Karena gue akan lebih banyak hal-hal yang baru di kampus tsb. Gue duduk di kampus di mane gue menjadi minoritas. Gue duduk di tempat yang mungkin akan mengubah beberape persepsi gue terhadap mayoritas di sono.

Bareng temen-temen di semester satu. Yang baek, ada. Yang nyebelin, ada.

Selama 4 taon ngampus di salah satu perguruan tinggi swasta ternama, gue menjadi bagian dari minoritas. Suka dan duka tentu gue dapetin, namun yang jelas, kagak pernah sekalipun gue dilarang untuk beribadah di sono.

Namun ada beberape persepsi terhadap orang 'China' yang akhirnye pecah, misalnye:

1. Orang 'China' kagak semuanye pinter, karena yang bego-bego pun buanyak di kampus gue! Gue sampe cengo loh, gue kira semua orang 'China' pinter-pinter kayak tetangga dan temen-temen sekolah gue. Yang males juge banyaaaaakkkkk!!!

2. Orang 'China' kagak semuanye bisa Bahasa Mandarin, ini yang sebenernye sampe sekarang masih ngebingungin gue wkwk. Waktu kuliah tuh gue khawatir pas gue masuk mata kuliah Bahasa Mandarin, gue yang paling bego. Taunye... yaelah banyak banget yang kagak bisa Bahasa Mandarin hahaha. Sukur banget gue boleh milih mata kuliah bahasa yang laen, yakni bahasa kalbu, hihi. Ogah ah belajar Bahasa Mandarin atau bahasa-bahasa yang punye huruf-huruf 'ajaib', pusing, gue kagak sanggup!!! Wkwkwk.

3. Orang 'China' kagak semuanye tajir, karena gue juge sering nemuin yang biasa-biasa aje kayak gue, yang jajannye dulu cuman 20 ribu pas jaman kuliah, hahahaha.

Huehehe masih pade cupu nih!
Oh iye, sampe saat gue punye banyak temen 'China' yang masih deket ame gue. Contohlah si Elwi, anak Komnas Perempuan yang dari dulu bikin gue salut, karena doi pinter, kritis, dan peduli dengan sesama. Doi juge seorang blogger, bace-bace aje blognye yang punye konten tulisan kece di http://cresposuper.blogspot.co.id/

Intinye sih gini, mau pinter-bego, miskin-kaya, dan perbedaan laennye, seharusnye kagak perlu dikaitin ame suku, ras, dan keyakinan tertentu. Mangkenye sekarang gue kagak mau lagi men-generalisir orang 'China' begini begitu, lah wong temen gue yang 'China' kagak begini begitu. 

Satu lagi, sebenernye 'China' dan 'pribumi' ntu sama aje sih. SAMA-SAMA ORANG INDONESIA! Jadi, gue kagak bakal suka ame orang yang suka nyeletuk, "Orang 'China' di mari, sono aje balik ke negaranye!"

HUFFFTTTT.

(Bikin tulisan ini bukan gegara masalah Ahok ye, ini draft gue dari tahun 2013 setelah lulus kuliah. Sorry kalo ada yang kesinggung gue tulis "orang 'China'" karena bukan bermaksud mau rasis atau apapun ntu. Ngapain juge rasis, wong gue juge CHINA, wkwkwk).

Friday, 4 November 2016

Gue Cewe MATRE?

CEWE MATRE

Dari awal gue tau banget dengan konsekuensi yang akan didapetin setelah berhubungan dengan om-om. Salah satunye, gue bakal dicap jadi cewe matre. Gue? Matre?

Pas ulang tahun Naif beberape minggu lalu, dua pembawa acara yang terdiri dari salah satu stand up comedian dan entah sape ntu, bercandain gue dan laki gue di atas panggung.

"Masa mau dipacarin pas dia udeh jadi notaris? Dulu dulu kenape kagak mau? Wah, cewe lu matre tuh, pasti lo diperetin terus ya?" ujar mereka. Cowo gue bilang, "Nggak kok..." dan gue mencoba untuk haha-hihi-haha-hihi.

Gue kadang mikir, nape yak kalo ada cewe muda bisa berhubungan dengan om-om, selalu dikaitkan dengan MATRE? Kagak semua kayak gitu, bo! 

Kalo soal memberi dan diberi, gue dan cowo gue selalu bahu-membahu aje. Kagak setiap waktu gue diteraktir makan, gue pun selalu menteraktir doi. Kagak sering gue minta makan di restoran mahal, semahal-mahalnye paling cuman mekdi. Kite lebih sering makan di pinggiran jalan dan gue sih asik-asik aje. 

Kan bukan soal makannye ame ape, tapi soal ame sape gue makannye, hehehe.

Lagian hare gene cewe kagak boleh terlalu bergantung, kagak boleh terus ngarep dikasi, katanye kesetaraan, berarti memberi dan diberi ntu hak cowo dan cewe juge, kan?

Terus tiap gue belanja, gue selalu dibelanjain, gitu? Sono aje tanye ke cowo gue, pernah kagak diye belanjain gue? Waktu ada pameran buku, kite bayar belanjaan buku masing-masing, kok. Waktu ada bazar baju, gue belanja banyak dan ntu gue bayar sendiri. Gue kagak pernah sama sekali melontarkan, "Yang, beliin baju ini dong, cuma sejuta, kok!"

Ape pas kite mau kawin kayak gini, gue minta doi bayarin semua biayanye? Kagak, modal kawin dibagi dua. Kalo gue matre sih, ya gue minta diye yang modalin semua, dan kudu bawa minimal 100 juta! 

Cowo gue belom ada rumah pribadi, tapi tetep gue terima. Cowo gue kagak punye mobil pribadi, tapi tetep gue terima. Biarinlah doi masih suka pake mobil nyokapnye, lagi pula gue pun jarang minta doi bawa mobil buat ke sono- ke sini. 

Gue menerima doi apa adanye. Gue mau berjuang berdua. Gue mau doi sukses ketika udeh bareng ame gue. Kalo matre, ya gue bakal kayak begini laaaaaaah.

Karena bagi gue, saat ada lelaki berani ingin bermaksud baik.... saat ada lelaki selalu berjuang mencari nafkah.... saat ada lelaki yang baik buat gue berani mempertanggungjawabkan omongannye... ia pantas untuk mendapatkan gue.

Anyway, gue udeh lamaran dan bakal nikah tepat sebulan lagi. Doain yak! Maap kalo dalam sebulan cuman ada 1-2 postingan doang, sibuk ngurus ini itu huhu.

Friday, 14 October 2016

Kenape Gue Pengen Nikah?

MENIKAH

Jujur aje, pade awalnye gue kagak berniat untuk menikah di tahun ini. Namun gue pun kagak menolak jika Tuhan tetiba emang ngasi jodoh yang pas di tahun ini, ya kali deh ditolak, hehehe. Hingga saat ini, banyak yang nanye sih, kenape gue mau memutuskan menikah walau usia relationship gue dengan si pacar baru sebentar banget. Per 7 Oktober 2016 lalu, usianye aje baru 5 bulan. Dan tentu... kalo gue liat-liat... ada yang iri karena udeh bertahun-tahun pacaran tapi kagak dinikah-nikahin... ada yang iri karena gak rela gue kagak kembali jomblo... Huh...

Berikut adalah alasan mengapa gue mau nikah tahun ini.

1. Dari sisi usia, emang menurut 'standar masyarakat kebanyakan' ya segini, loh...
Umur gue di tahun 2016 ini adalah 25 tahun. Jadi... sebenernye kagak salah dong kalo gue tetiba pengen nikah di tahun ini? Ape lagi gue emang dari dulu pengen bingits kagak terpaut jauh usianye ame anak gue nanti. Salah? Yeee kagak lah. Pokonye gue mau tetep keliatan HOT meski anak gue udeh dewasa nanti!

2. Umur cowo gue, meeeen!

Di tahun ini, cowo gue berumur 38 tahun. Beda 13 tahun yeee, brosis. Kesian laki gue, udeh tua, masih single aje. Hahaha. Daripade kite nikahnye 1, 2, atau 10 tahun lagi, kenape kagak tahun ini aje? Toh dari segi finansial, kite berdua udeh siap. 

3. Biar ada alesan resign yang kagak bisa digubris lagi
Ngapain sih lo resign, kan baru sebentar kerja di mari? Hih, ogah deh gue kerja lama-lama jadi anak ahenxi, cuiiiihhhhhhhhhh (ape lagi di kantor sekarang HAHA). Setau gue, kalo kite kasi alesan resign karena demi keluarga, ya kantor harus bisa angkat tangan. Gue udeh kenyang ame yang namanye jalan ke luar negeri gratis... dikasi gadget... dikasi bonus... dan blablabla dari kantor. Cukup deh, cukup. Gue udeh bosen revisian... diomelin klien... bikin social media report bulanan yang banyak itung-itungannye... udeh cukup bok... udeh... CUKUP!

4. Gue pengen berkarya banyak dan lebih bagus

Seriusan deh... gue pengen banget tiap hari ngeblog... pengen mulai monetize blog, Youtube, all socmed... Karena emang gue suka. Seriusan, enakan naikin branding diri sendiri ketimbang naikin branding dari brand yang gue pegang. Bagi gue sih cukup ye 3 tahun gue gedein brand si klien. Gue pengen balikin nama gue... pengen perbagus karya gue... Pengen lanjutin bikin naskah buku yang tertunda selama bertahun-tahun, sampe Om Maman Suherman 'Notulen ILK' kagak bosen-bosen nagih :(

Beban moral banget...
5. Pengen ngurusin komunitas blogger gue lagi :(

Iyelah... gue lagi vakum ini berape lama coba, gegara sekarang udeh megang banyak brand.... kerja banting tulang... Huhuhu... sedih banget sih, udeh jarang bikin kopdar pula. Projek-projek banyak yang ketunda pula, sumpe dah beban moral banget. Maapkan daku :'( nanti kalo udeh nikah dan resign, marilah kite bikin gede lagi :)

6. Karena cowo gue emang mau diajakin nikah

Waktu pacaran ame doi, gue bilang kalo gue pengen langsung serius. Dan kalo diye berani, diye kudu ketemu ortu gue dan bilang berniat mau nikahin gue. Karena doi berani... ya udeh, langsung aje cuss HAHAHAHA.

7. Karena gue udeh cocok dengan cowo gue dan keluarganye plus keluarga gue udeh cocok dengan keluarga doi
Banyak visi dan misi dalem kehidupan kite berdua yang sejalan, jadi mau nunggu apaan lagi? Pas keluarga gue dan keluarga doi ketemuan juge, mereka udeh langsung cocok, kok. Sampe nenek gue nyeletuk kalo pertemuan pertama kali mereka terasa seperti pertemuan yang udeh dilakukan beribu kali saking udeh ngerasa deket.

Yah... namanye juge jodoh. Amiiin.

Nah, kenape sih gue bikin postingan ini? Karena gue digosipin ame temen kalo gue nikah cepet gegara hamil duluan. Sialaaaaaaaaaaaaaaaaaan! Padahal kan gue selalu pake pengaman gue kagak begono juge kaleeee... kalo sampe gue hamil duluan yang ada gue diusir ame keluarga gue. Terus so what kalo gue gendutan? Gendutan juge gegara gue stres terus larinye ke makan enak HAHAHA. Perut gue buncit gegara banyak makan, bukan buncit karena hamil. Harusnye yang gosipin kayak gitu bisa bedain tuh buncit hamil ame buncit lemak.

CAAAPEEE DEEEEH.

Pacaran lama, dihujat...
Pacaran bentar terus langsung nikah, dihujat..
Terus maunye ape sih? Di depan diye gue kudu maksiat?

So... ati-ati ame pikiran ye, gengs. Jangan kebanyakan suudzonan, nanti aura mukanye jelek loh.



Thursday, 29 September 2016

Drama Nikah, Oh Beginikah Rasanye? [Part 1]

nikah

Gue teringat pas pertama kali keluarga gue dipertemukan dengan keluarga cowo gue. Mereka langsung bisa akrab, sampe nenek gue ngomong, "Maap nih kalo boleh saya bilang, kok kite baru kenal tapi kayaknye akrab bener yak?" 

Mungkin emang keluarga gue berjodoh dengan keluarga si doi. Well, di pertemuan ntu, kite langsung ngomongin soal nikahan. Yep, baru pertama kali ketemuan dan langsung ngomongin begituan, aduuuh maaak hahaha. Sebenernye sih, dua bulan sebelomnye, cowo gue emang udeh bilang pengen banget nikah ame gue, ke keluarga besarnye, Terus gue bilang soal ntu ke ortu gue, dan mereka sih seneng-seneng aje. Pas pertama kali cowo gue dateng ke rumah pun, ortu kagak punye komen ekstrim tertentu. Berarti... ortu gue merestui! Horeee!

Seminggu setelah pertemuan keluarga, gue langsung mendesain kartu undangan. Desainnye sendiri gue beli di Shutterstock dan gue adjust sendiri. Gue bikin kartu undangan yang modern dan simple. Kurang lebih gue contohin template-nye kayak kartu undangan temen kantor gue ini.

undangan nikah


Gue mencoba mereka-reka copy di dalem kartu undangan. Misalnye, "Akad Nikah" gue tulis, "Janji Suci" dan "Resepsi" gue tulis, "Pesta Gembira".

Kalimat "Bapak/Ibu" pun gue ganti dengan, "Tuan dan Nyonya" 

Setelah setengah jam gue kutak-katik Photoshop, gue lalu ngasi softcopy kartu undangan (via WhatsApp) ke kedua keluarga besar. Terus langsung aje gue disemprot ame si CaMer (Calon Mertua).

"Kok kagak ada ucapan 'Assalammualaikum' di paling atas?"
"Jangan pake kata-kata, 'Janji Suci' dan "Pesta Gembira" dong. Pertama, 'Janji Suci' tuh berasa kayak nikahan non Muslim. Kedua, 'Pesta Gembira' berasa kayak kite bikin pesta gede-gedean!"
"Kagak usah pake dresscode, liat tamu mau dateng jauh-jauh aje udeh bersukur!"

Ya Tuhan... emang harus banget yak ada 'Assalammualaikum' ? Soalnye banyak temen yang Muslim pun kagak pake begituan, langsung singkat, padat dan jelas (langsung nama mempelai, ortu mempelai, hari/tanggal/tempat nikahan, dan peta, kurang lebih kayak contoh undangan di atas). Eh ternyate kudu ada 'Assalammualaikum' dan kudu pula ada 'Waalaikumsalam', walaupun ruang template terbatas.

Yang bikin gue sedih, keinginan gue untuk ada dresscode buat tamu pun kandas. Padahal gue pilihin warna yang umum banget, cowo berwarna biru (mau biru tua kek muda kek, gue kagak ngebatesin) dan cewe berwarna pink (mau di kerudungnye kek, bajunye kek, apenye kek, pokoknye ada pinknye gitu huhu).

Belom lagi gue kudu revisi nama gelar orangtua, nama emak gue yang typo, basa-basi di atas nama mempelai, dll. Ada 7 kali revisi kecil. Berhubung waktu ntu gue lagi PMS, gue jadi stres, padahal persoalannye kecil sih hahaha. Gue nangis loh di kantor! Yup, gue bikin ntu kartu undangan di kantor tercinta, yang komputernye emang enak buat ngedesain (speknye gede bingits!).

Pasti kalian kepo pengen liat kartu undangan gue? Yaaa khaaaannn??? Huehehe. Ntar yak kalo udeh mau di deket-deket Hari-H, bakal gue share di mari :D

Yang udeh nikah, dulu drama nikahnye kayak pegimane aje? :p